Бүтүн Арассыыйатааҕы көрбөттөр уопсастыбалара
Бүтүн Арассыыйатааҕы көрбөттөр уопсастыбалара — Арассыыйаҕа мөлтөхтүк көрөр уонна отой көрбөт имбэлииттэри түмэр тэрилтэ. ССРС-ка 1923 сыллаахха балаҕан ыйын 8 тэриллибит.
Тэриллиэҕиттэн: «Тэҥ быраап — тэҥ кыах» диэн девизтаах үлэлиир, ол аата сүрүн соругунан чилиэннэрин атын дьон тэҥэ буолалларын уонна уопсастыбаҕа туһаны аҕалалларын туруорунар.
2007 сыл муус устар 1 күнүгэр тэрилтэ 210 645 тыһыынча чилиэннээх этэ (~ Арассыыйа хас 665-с олохтооҕо) уонна РФ 86 субъектарыгар 810 олохтоох тэрилтэлэртэн, 74 регионнааҕы тэрилтэлэртэн (өрөспүүбүлүкэ — 20, уобалас — 47, кыраай — 7) турара. Салайар офиһа Москубаҕа, Новая площадь, 14-гэр баар.
Тэрилтэ Саха Сиринээҕи салаатын Ишниязов Ибрагим Михайлович салайар.