Нуучча тылынанАнал бырайыактар
Тылы уларыт
УРУБИИКИ ТУҺУНАН

Бычков Кирилл Евгеньевич

Бычков Кирилл Евгеньевич (төр. 1974 сыл атырдьах ыйын 24 күнэ, Москва) — Арассыыйа судаарыстыбаннай диэйэтэлэ. Саха Өрөспүүбүлүкэтин Бырабыыталыстыбатын Бэрэссэдээтэлэ (2023 сыл алтынньы 4 күнүттэн).

Олоҕун олуктара

Кирилл Бычков 1974 сыллаахха атырдьах ыйын 24 күнүгэр Москва куоракка төрөөбүтэ.

Үөрэҕэ

1996 сыллаахха РФ МИД-ин Москубатааҕы норуоттар ыккардыларынааҕы сыһыаннаһыылар судаарыстыбаннай институтун (нууч.) (сах. (МГИМО) норуоттар ыккардыларынааҕы экэниэмикэ сыһыаннаһыылар факультетын, норуоттар ыккардыларынааҕы валюта-кирэдьиит сыһыаннаһыылар салаатын бүтэрбитэ.

2018 сыллаахха Арассыыйа Бэрэсидьиэнин иһинэн Норуот хаһаайыстыбатын уонна судаарыстыбаннай сулууспа Арассыыйатааҕы академиятын «Эрэгийиэннээҕи хамаандалары сайыннарыы» бырагыраамматын бүтэрбитэ[1].

Үлэтэ

1996 сылтан 2006 сылга диэри «„Сиданко“ НК» ААУо-ҕа, «Русско-Балтийская энергетическая компания» САУо-ҕа, «КАРГИЛЛ Энтерпрайзес», «Интерпайп» инвестиционнай бөлөххө үлэлээбитэ.

2006—2008 сс. — «Гео-Альянс» концерн бырабылыанньатын бэрэссэдээтэлэ.

2009—2011 сс. — Тверь уобалаһын эрэгийиэннээҕи сайдыытын салайар управлениетын начаалынньыга, Тверь уобалаһын губернаторын сүбэһитэ.

2011 с. — «Стройтрансгаз» ААУо толоруулаах дириэктэрин солбуйааччы.

2013—2016 сс. — хас да инвестиционнай пуонданы салайар партнердара.

2016—2017 сс. — Москуба уобалаһын Бырабыыталыстыбатын Бэрэссэдээтэлин солбуйааччытын сүбэһитэ.

2017—2018 сс. — «Москуба уобалаһын сайдыытын корпорацията» АУо генеральнай дириэктэрэ.

2018—2020 сс. — Саха Өрөспүүбүлүкэтин Бырабыыталыстыбатын Бэрэссэдээтэлин солбуйааччыта.

2020—2023 сс. — Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччыта.

Саха Өрөспүүбүлүкэтин Ил Дарханын 2023 сыл алтынньы 4 күнүнээҕи 37 №-дээх Ыйааҕынан Саха Өрөспүүбүлүкэтин Бырабыыталыстыбатын Бэрэссэдээтэлинэн анаммыта[2][3].

Дьиэ кэргэнэ

2023 сыллаах интервьютугар оҕолордооҕун туһунан кэпсээбит[4][5].

Быһаарыылар

  1. ↑ Бычков Кирилл Евгеньевич (рус.). www.tadviser.ru. Сигэнии күнэ: 17 Кулун тутар 2026.
  2. ↑ Бычков Кирилл Евгеньевич назначен Председателем Правительства Республики Саха (Якутия) (рус.). gtrksakha.ru (4 Алтынньы 2023). Сигэнии күнэ: 13 Кулун тутар 2026.
  3. ↑ Бычков Кирилл Евгеньевич - Председатель Правительства Республики Саха (Якутия) (рус.). prav.sakha.gov.ru (19 Кулун тутар 2025). Сигэнии күнэ: 13 Кулун тутар 2026.
  4. ↑ Будущий премьер Якутии Кирилл Бычков про подругу Амину Карат: «Я думаю, все прекрасно видят и понимают…» (рус.). sakhaday.ru. SakhaDay (2 Алтынньы 2023). Сигэнии күнэ: 17 Кулун тутар 2026.
  5. ↑ Бычков Кирилл Евгеньевич (рус.). declarator.org. Сигэнии күнэ: 17 Кулун тутар 2026.

Категориялар