Бурцев Семён Иванович
Бурцев Семён Иванович (1911, Хоро нэһилиэгэ, Саха уобалаһа — 2002) — холкуостаах, Аҕа дойду Улуу сэриитин кыттыылааҕа.
Олоҕун олуктара
Хоро нэһилиэгэр 1911 сыллаахха төрөөбүт. Аҕата Бурцев Иван Егорович, ийэтэ Бурцева-Птицына Лукерия Михайловна. Семен оскуолаҕа барбатаҕа, 15 сааһыттан Мирный колхозка төрөппүттэрин кытта үлэлээбитэ.
1941 сыллаахха атырдьах ый 13 күнүгэр аармыйаҕа ыҥырыллыбыта. Үс күн буолан баран, биир дойдулаахтарын кытта, 70-ча киһилээх, фроҥҥа барбыттара. Снаряд осколкатыттан бааһыран, 1943 сыллаахха дойдутугар II группалаах инбэлиит буолан төннүбүтэ.
Бурцева-Татаринова Екатерина Тимофеевнаны ойох ылбыта. Түөрт оҕону төрөөбүттэрэ.
Наҕараадалара
- «Аҕа дойду Улуу сэриитигэр Германияны кыайыы иһин 1941—1945 сс.» мэтээлинэн наҕараадаламмыта;
- Аҕа дойду сэриитин I истиэпэннээх уордьанын кавалера;
- «Бойобуой үтүөлэрин иһин» мэтээл[1].