Нуучча тылынанАнал бырайыактар
Тылы уларыт
УРУБИИКИ ТУҺУНАН

Бочков Николай Владимирович

Николай Владимирович Бочков (1987 сыл алтынньы 29 күнэ, Дьокуускай) — Арассыыйа судаарыстыбаннай диэйэтэлэ. 2023-2026 сс. Саха Өрөспүүбүлүкэтин Сыана бэлитиикэтигэр судаарыстыбаннай кэмитиэтин бэрэссэдээтэлэ. 2026 сыл от ыйын 23 күнүттэн - Саха Өрөспүүбүлүкэтин Бырабыытыластыбатын бэрэссэдээтэлин бастакы солбуйааччытын эбээһинэһин толорооччу.

Олоҕун олуктара

Николай Бочков 1987 сыллаахха алтынньы 29 күнүгэр Дьокуускай куоракка төрөөбүт[2].

Үөрэҕэ

2009 сыллаахха М. К. Аммосов аатынан Саха судаарыстыбаннай университетын (билиҥҥитэ М. К. Аммосов аатынан ХИФУ) Үп-экономика институтун «Үп уонна кредит» хайысхатынан «экономист» идэлээх бүтэрбит.

2012 сыллаахха М. К. Аммосов аатынан Хотугулуу-Илиҥҥи федеральнай университет магистратура бырагырааматын «Менеджмент» хайысхатынан бүтэрбит.

2017 сыллаахха Арассыыйа Федерациятын Бэрэсидьиэнин иһинэн үлэлиир Арассыыйа норуодунай хаһаайыстыбатын уонна судаарыстыбаннай сулууспа академиятын үрдүкү салалтатын «Топ-менеджер» бырагырааматынан үөрэммит (Москва).

2019 сыллаахха М. К. Аммосов аатынан Хотугулуу-Илиҥҥи федеральнай университет тохтоло суох профессиональнай үөрэхтээһиҥҥэ институтугар «Юриспруденция» бырагырааманан үөрэммит.

2019 сыллаахха Г. В. Плеханов аатынан Арассыйатааҕы экономика университетыгар квалификацияны үрдэтии бырагырааматын ааспыт[3].

2023 сыллаахха Уһук Илиннээҕи салайар каадырдары бэлэмниир «Муравьев-Амурский 2030» бырагырааманы бүтэрбит[4][5]. Саха Өрөспүүбүлүкэтин салайар каадырдарын резервэтигэр киирбит.

Үлэтэ

2004 сыл алтынньытыттан 2005 сыл ыам ыйыгар диэри М. К. Аммосов аатынан Саха судаарыстыбаннай университетын Үп-экэниэмикэ институтун Үп уонна кирэдьиит кафедратын лаборана.

2007 сыл бэс ыйыттан 2009 сыл от ыйыгар диэри «Росоценка» ХЭУо экэниэмиһинэн үлэлээбитэ.

2009 сыл от ыйыттан сэтинньитигэр диэри ИП Ларионова И. В. ситэриилээх дириэктэрэ.

2009 сыл ахсынньытыттан 2011 сыл кулун тутарыгар диэри ИП Марков Т. Г. атыылаһан ылыыга менеджер дуоһунаһыгар үлэлээбитэ.

2011 сыл муус устартан 2012 сыл тохсунньутугар диэри «Теплоэнергосервис» ААУо Итии инспекциятын бастакы категориялаах испэсэлииһэ. 2012 сыл олунньутуттан алтынньытыгар диэри «Теплоэнергосервис» ААУо Олоххо киллэрии салаатын бастыҥ испэсэлииһэ. 2012 сыл алтынньытыттан 2014 сыл сэтинньитигэр диэри «Теплоэнергосервис» ААУо Олоххо киллэрии салаатын начаалынньыгын эбээһинэһин толорооччу.

2014 сыл сэтинньититтэн 2015 сыл тохсунньутугар диэри «Якутскэнерго» ААУо (нууч.) (сах. Энергосбыт салайыытын бытовой туһанааччылары кытта үлэни тэрийэр сулууспатын бастыҥ инженера. 2015 сыл тохсунньутуттан 2017 сыл олунньутугар диэри «Якутскэнерго» ААУо Энергосбыт Дьокуускайдааҕы салаатын бытовой туһанааччылары кытта үлэлиир бөлөҕүн олоххо киллэриигэ сүрүн испэсэлииһэ. 2017 сыл олунньутуттан 2019 сыл тохсунньутугар диэри «Якутскэнерго» ПАУо Энергосбыт Дьокуускайдааҕы салаатын сбыт боппуруостарыгар начаалынньыгын солбуйааччы. 2019 сыл тохсунньутуттан 2021 сыл кулун тутарыгар диэри «Якутскэнерго» ПАУо Ситэриилээх дирекциятын Экэниэмикэ салайыытын тариф олохтооһунун салаатын кылаабынай испэсэлииһэ.

2021 сыл кулун тутарыттан Саха Өрөспүүбүлүкэтин Сыана бэлитиикэтигэр судаарыстыбаннай кэмитиэтин бэрэссэдээтэлин солбуйааччытынан анаммыт[6][7].

Саха Өрөспүүбүлүкэтин Баһылыгын 2023 сыл алтынньы 2 күнүнээҕи 33 №-дээх Ыйааҕынан Саха Өрөспүүбүлүкэтин Сыана бэлитиикэтигэр судаарыстыбаннай кэмитиэтин бэрэссэдээтэлин эбээһинэһин толорооччунан анаммыт[3].

Саха Өрөспүүбүлүкэтин Баһылыгын 2023 сыл сэтинньи 27 күнүнээҕи 113 №-дээх Ыйааҕынан Саха Өрөспүүбүлүкэтин Сыана бэлитиикэтигэр судаарыстыбаннай кэмитиэтин бэрэссэдээтэлинэн анаммыт[3].

2026 сыллаахха от ыйын 23 күнүгэр Саха Өрөспүүбүлүкэтин Баһылыгын ыйааҕынан СӨ Бырабыытыластыбатын бэрэссэдээтэлин бастакы солбуйааччытын эбээһинэһин толорооччунан анаммыта[8].

Наҕараадалара

  • Саха Өрөспүүбүлүкэтин Бырабыыталыстыбатын махтал суруга[7].

Быһаарыылар

  1. ↑ Bulchukey S. Сегодня день рождения депутата, руководителя, первой леди и артистов (рус.)
  2. ↑ Николай Бочков назначен председателем Государственного комитета по ценовой политике Республики Саха (Якутия). Сигэнии күнэ: 10 Кулун тутар 2026.
  3. ↑ 1 2 3 Бочков Николай Владимирович - председатель (рус.). Сигэнии күнэ: 13 Кулун тутар 2026.
  4. ↑ Бочков Николай Владимирович. Сигэнии күнэ: 10 Кулун тутар 2026.
  5. ↑ Выпускники I потока программы подготовки госуправленцев «Муравьев-Амурский» заняли новые должности (рус.). Сигэнии күнэ: 13 Кулун тутар 2026.
  6. ↑ Николай Бочков стал и. о. председателя Госкомцен Якутии. Сигэнии күнэ: 10 Кулун тутар 2026.
  7. ↑ 1 2 Бочков Николай Владимирович. https://gkcp.sakha.gov.ru (22 Тохсунньу 2026). Сигэнии күнэ: 10 Кулун тутар 2026.
  8. ↑ Николай Бочков назначен и. о. первого заместителя председателя правительства Якутии. ЯСИА. Сигэнии күнэ: 24 От ыйын 2026.

Категориялар