Нуучча тылынанАнал бырайыактар
Тылы уларыт
УРУБИИКИ ТУҺУНАН

Босиков Василий Афанасьевич

Босиков Василий Афанасьевич (1927 сыл ахсынньы 5 күнэ, Дүпсүн улууһа — 2011 сыл муус устар 14 күнэ) — Муусука үрдүкү оскуолатын ректора (1993—2008), Саха Өрөспүүбүлүкэтин ытык киһитэ.

Олоҕун олуктара

Василий Босиков 1928 сыллаахха ахсынньы 5 күнүгэр Дүпсүн улууһугар төрөөбүтэ. 1960 сыллаахха Москубатааҕы култуура үнүстүүтүн бүтэрбитэ.

1950 с. Дүпсэҕэ тыа кулуубун сэбиэдиссэйинэн үлэтин саҕалаабыта. 1952 с. — Дүпсэ сэбиэтин бэрэссэдээтэлэ.

1953 сылтан Бороҕоҥҥо култуура салаатын сэбиэдиссэйэ, Уус-Алдан райисполкомун дьокутаата. Үнүстүүтү бүтэрээт 1960—1962 сс. — Саха АССР култууратын министиэристибэтигэр култуура-сырдатар үлэ салаатын начаалынньыга,

1962 сылтан 1966 сыллаахха диэри САССР култууратын миниистирин бастакы солбуйааччыта. 1966—1974 сс. — «Якуттеатр» холбоһук дириэктэрэ, 1974—1992 сс. — САССР култууратын миниистирин бастакы солбуйааччыта, 1992—1993 сс. — СӨ бырабыыталыстыбатын тэрээһиннэргэ кэмитиэтин бэрэссэдээтэлэ.

1993—2008 сс. — Муусука үрдүкү оскуолатын ректорынан үлэлээбит[1].

Үс сүүстэн тахса ыстатыйа уонна 8 кинигэ ааптара.

Наҕараадалара уонна ытык ааттара

  • РСФСР култууратын үтүөлээх үлэһитэ;
  • Саха АССР культуратын үтүөлээх үлэһитэ;
  • П. Ойуунускай аатынан Саха Өрөспүүбүлүкэтин бириэмийэтин лауреата;
  • «Владимир Ильич Ленин төрөөбүтэ 100 сааһын бэлиэтээн» мэтээл;
  • «За трудовую доблесть» мэтээл;
  • «Найрамдал» мэтээл (МНР);
  • Саха Өрөспүүбүлүкэтин ытык олохтооҕо (2008)[2];
  • Уус-Алдан улууһун ытык олохтооҕо;
  • Дүпсүн нэһилиэгин ытык олохтооҕо;
  • Саха Өрөспүүбүлүкэтин Ил Түмэнин бочуотунай грамотата;
  • Саха Өрөспүүбүлүкэтин бэрэсидьиэнин грамотата.

Аатын үйэтитии

  • 2012 сыллаахха Васлилий Босиков аата Муусука үрдүкү оскуолатыгар иҥэриллибит.
  • В. А. Босиков уонна М. К. Гаврилова олорбут дьиэлэригэр (Ленин проспега, 22/1) өйдөбүнньүк дуоска туруоруллубута[3].

Быһаарыылар

Сигэлэр

Категориялар