Нуучча тылынанАнал бырайыактар
Тылы уларыт
УРУБИИКИ ТУҺУНАН

Борисов Спартак Степанович

УРУБИИКИ иһигэр маннык араспаанньалаах дьон туһунан ыстатыйалар бааллар, көр Борисов.

Борисов Спартак Степанович (1936 сыл сэтинньи 22 күнэ, Өлүөхүмэ, Саха АССР — 2022 сыл кулун тутар 23 күнэ) — сэбиэскэй кэмнээҕи хаһаайыстыбаннай уонна баартыйа диэйэтэлэ, Арассыыйа бэлитиигэ. Саха АССР Үрдүкү Сэбиэтин дьокутаата (1990), Дьокуускай куорат сэбиэтин алта ыҥырыылаах дьокутаата, ССКП XXVIII сийиэһин дэлэгээтэ. Дьокуускай куорат дьаһалтатын баһылыга (1995 сылтан 1997 сылга диэри)[1]. Саха Өрөспүүбүлүкэтин вице-бэрэсидьиэнэ (1998 сылтан 2002 сыл тохсунньутугар диэри). Уопсастыбаннай төрүккэ олоҕуран Саха Өрөспүүбүлүкэтин Бэрэсидьиэнин сүбэһитэ (2002 сыл олунньутутан 2007 сыл кулун тутар 30 күнүгэр диэри).

Олоҕун олуктара

Спартак Борисов 1936 сыллаахха сэтинньи 22 күнүгэр Өлүөхүмэҕэ төрөөбүт.

1957 сыллаахха Могилевтааҕы массыынаны оҥоруу техникумун бүтэрэн, Иркутскай уобаласка Братскай куоракка «Востоктехмонтаж» управлениеҕа маастар-монтажнигынан үлэлээн баарбыта.

1957 сылтан 1959 сылга диэри Забайкальскайдааҕы байыаннай уокурукка сулууспалаабыта.

1959 сылтан 1960 сылга диэри Братскайга «Сибтехмонтаж» управлениеҕа маастарынан, онтон борораабынан уонна учаастак начаалынньыгын эбээһинэһин толорооччунан үлэлээбитэ.

1960 сылтан 1966 сылга диэри «Сибтехмонтаж» управление учаастагын начаалынньыга.

1970 сыллаахха СГУ-ну «инженер-тутааччы» идэтинэн бүтэрбитэ[2].

1974 сылтан 1979 сылга диэри Дьокуускайга «Сибтехмонтаж» трест МУ управлениетын начаалынньыгынан уонна салайааччы солбуйааччытынан үлэлээбитэ.

1979 сылтан 1992 сылга диэри — Дьокуускайдааҕы «Северовостокхиммонтаж» трест салайааччыта. С. Борисов кыттыытынан алмаас хостуур фабрикалар, Соҕуруу Саха сиринээҕи чох комплексын көмүс хостуур промышленноһын объектара, Дьокуускайдааҕы ТЭЦ, ГРЭС, Нерюнгритааҕы ГРЭС уонна Чульманнааҕы ТЭЦ тутуллубуттара.

1982 сыллаахха Хабаровскайдааҕы Үрдүкү баартыйа оскуолатын (ВПШ) бүтэрбитэ[2].

1995 сылтан 1997 сылга диэри — Дьокуускай куорат дьаһалтатын баһылыга.

1998 сылтан 2002 сылга диэри Саха Өрөспүүбүлүкэтин вице-бэрэсидьиэнэ[3].

Наҕараадалара уонна ытык ааттара

  • Арассыыйа Федерациятын үтүөлээх тутааччыта;
  • Саха Өрөспүүбүлүкэтин үтүөлээх тутааччыта;
  • «Үлэ Кыһыл Знамята» уордьан;
  • Норуоттар доҕордоһууларын уордьана;
  • «За заслуги перед Отечеством» IV ст. уордьан;
  • Дьокуускай ытык киһитэ[4] (1998).

Быһаарыылар

  1. ↑ Почётные граждане. Борисов Спартак Степанович. Город Якутск. Сигэнии күнэ: 4 Тохсунньу 2022. Архивировано из оригинала 26 Сэтинньи 2020 года.
  2. ↑ 1 2 Борисов Cпартак Cтепанович. Сигэнии күнэ: 22 Тохсунньу 2026.
  3. ↑ Борисов Спартак Степанович (рус.)(недоступная ссылка — история). Инфопортал. Сигэнии күнэ: 8 Балаҕан ыйын 2019.
  4. ↑ Официальный информационный портал Республики Саха (Якутия): Городской округ «Якутск»: Почетные граждане

Сигэлэр

  • Владимир Пестерев. История Якутии в лицах. — Якутск: «Бичик», 2001.

Категориялар