Борисов Джулустан Анатольевич
Джулустан Анатольевич Борисов (төр. 1972 сыл балаҕан ыйын 11 күнэ, Үөһээ Бүлүү, Саха АССР) — Арассыыйа судаарыстыбаннай диэйэтэлэ. Саха Өрөспүүбүлүкэтин Бырабыытылыстыбатын бэрэссэдээтэлин бастакы солбуйааччыта (2023 сыл алтынньы 4 күнүттэн).
Дьэбириэй автономиялаах уобалаһын Бырабыытылыстыбатын бэрэссэдээтэлин солбуйааччыта (2022 кулун тутар — 2023 балаҕан ыйа).
Олоҕун олуктара
Джулустан Борисов 1972 сыллаахха балаҕан ыйын 11 күнүгэр Саха АССР Үөһээ Бүлүү оройуонун Үөһээ Бүлүү сэлиэнньэтигэр төрөөбүтэ[1].
1997 сыллаахха Москватааҕы экэниэмикэ-статистика институтун «финанстар уонна кирэдьиит» идэтинэн бүтэрбитэ, ону таһынан 1997 сыллаахха Москватааҕы норуоттар ыккардыларынааҕы бизнес уонна информационнай технологиялар университетын бүтэрбитэ.
2003 сыллаахха «Экономический анализ и математическое моделирование операций с корпоративными ценными бумагами» диэн тиэмэҕэ экэниэмикэ билимин хандьыдаатын учуонай истиэпэнин көмүскээбитэ (идэтэ — 08.00.13 «Математические и инструментальные методы экономики»)[2].
Үлэтин хронологията
1989 сыл алтынньытыттан 1993 сыл ыам ыйыгар диэри Д. П. Коркин аатынан Чурапчытааҕы оҕо спортивнай оскуолатын спортивнай саалатыгар вахтерунан үлэлээбитэ.
1993 бэс ыйа — 1994 муус устар — «СИР» АКБ Москубатааҕы филиалын кредитно-экономическай салаатын специалиһа.
1994 сэтинньи — 1999 бэс ыйа — «Классическая Финансовая Инвестиционная Компания» ААУо генеральнай дириэктэрэ. 1999 от ыйа — 2001 муус устар — «СахаДаймондБанк» КБ бырабылыанньатын бэрэссэдээтэлин солбуйааччыта. 2001 муус устар — 2013 сэтинньи — «Национальный Республиканский Банк» КБ бырабылыанньатын бэрэссэдээтэлэ.
2015 балаҕан ыйа — 2017 ыам ыйа — «Арктическая Горная Компания» ХЭО генеральнай дириэктэрин бастакы солбуйааччыта.
2017 ыам ыйа — 2021 муус устар — «ВостокУголь-Диксон» ХЭУо генеральнай дириэктэрэ.
2022 кулун тутар — 2023 балаҕан ыйа — Дьэбириэй автономиялаах уобалаһын Бырабыытылыстыбатын бэрэссэдээтэлин солбуйааччыта.
Саха Өрөспүүбүлүкэтин Ил Дарханын 2023 сыл алтынньы 4 күнүнээҕи 41 №-дээх ыйааҕынан Саха Өрөспүүбүлүкэтин Бырабыытылыстыбатын бэрэссэдээтэлин бастакы солбуйааччытынан анаммыта.
Саха Өрөспүүбүлүкэтин экэниэмикэтин министиэристибэтин, промышленноска уонна геологияҕа министиэристибэтин, тас сибээстэргэ уонна норуоттар дьыалаларыгар министиэристибэтин үлэлэрин куратордыыр. Норуоттар ыккардыларынааҕы кооперация уонна экспорт, ону тэҥэ үлэ оҥорон таһаарыытын үрдэтии эйгэлэригэр национальнай бырайыактары олоххо киллэриигэ эппиэттиир[1].
Тус олоҕо
Кэргэннээх, оҕолордоох[3].
Быһаарыылар
Эбии бу тиэмэҕэ
 |
|---|
