Бибиков Фома Иванович
Бибиков Фома Иванович (XVII үйэ — 1680 сыл кулун тутар 6 күнэ) — 1678 сылтан 1681 сылга дылы Саха сирин бойобуодатынан ананан үлэлээбит киһи[1]. 1681 сыллаахха балаҕан ыйын 22 күнүгэр Дьокуускайга өлбүт.
Олоҕун олуктара
Дворяннар сословиеларыттан төрүттээх. 1668 сыллаахха Лубны куоракка бойобуоданан олорбута, ол эрээри таҥнарыахсыт черкастар куораты былдьаан баран, бойобуоданы Кырыым ханствотыгар биэрбиттэрэ.
1678 сыллаахха Дьокуускай бойобуодастыбытыгар Андрей Афанасьевич Барнешлевы солбуйардыы ыытыллыбыта. Тула өттүттэн нуучча кыра этэрээттэрин куруук кырбыыр уоскулаҥа суох олохтоох биистэринэн төгүрүктэтэн олорон, Бибиков дьон уонна аһылык-таҥас тиийбэтиттэн үҥсэргиирэ. Ол үрдүнэн Уди өрүһүгэр тоҥустары иккистээн дьаһаах төлөтөр гына оҥорбута уонна Тонтара өрүһүгэр сүлүүдэ сирдэрин чинчийиини ыыппыта.
Дьаһаах хомуйааччылар батталларын иһин сылтаан олохтоох биистэр өрө туруулара Бибикову бас бэриммэт дьону кытта охсуһар этэрээттэри ыытарга күһэйэрэ, ол эрээри бу охсуһуу ситиһиитэ аҕыйах этэ. Быһыыта, барыһы эрэ эккирэтиигэ бойобуода бэйэтэ эмиэ буруйдаах этэ. Кинини солбуйбут Иван Васильевич Приклонскай «олохтоох дьону халаабытын уонна казна үбүн табатык туттубатах иһин кини баайыттан улахан сууманы төлөттөрөр» туһунан бирикээс ылбыта.
Фома Бибиков 1680 сыллаахха кулун тутар 6 күнүгэр Дьокуускай куоракка өлбүтэ. Кини уола Иван Фомич Бибиков эмиэ бойобуода буолбута.
Быһаарыылар
Литэрэтиирэ
- Бибиков, Фома Иванович // Русский биографический словарь : в 25 томах. — СПб.—М., 1896—1918.
- Дворцовые разряды, III, 844.
- Дополнения к Актам историческим.
Эбии бу тиэмэҕэ
 |
|---|
