Бестинов Дмитрий Павлович
Бестинов Дмитрий Павлович (1924 сыл от ыйын 1 күнэ, Хоро, Үөһээ Бүлүү улууһа — 2015) — Аҕа дойду Улуу сэриитин кыттыылааҕа. Үөһээ Бүлүү улууhун уонна Хоро нэһилиэгин бочуоттаах олохтооҕо.
Олоҕун олуктара
Дмитрий Бестинов 1924 сыллаахха от ыйын 1 күнүгэр Үөһээ Бүлүү Хоротугар төрөөбүтэ[1].
1933—1938 сс — Хоро оскуолатыгар үөрэммитэ.
1939 сыллаахха «Октябрь Кыайыыта» колхозка киирбитэ.
1941 сылтан биригэдьиир көмөлөһөөччүтүнэн үлэлээбитэ.
1941—1943 сс. — Сир уонна үп салаатыгар техсекретарынан үлэлээбитэ.
1943 сыл бэс ыйын 15 күнүттэн 1947 сыл бэс ыйын 15 күнүгэр дылы — Советский армияҕа сулууспалыыр.
1946—1947с — Владивосток куоракка «1072-с оһуобай строительнай батальон» диэн чааска сулууспалаан баран демобилизацияланан дойдутугар кэлэр.
1947—1951сс. — Тыа хаьаайыстыбатын отделыгар статистигынан, Хороҕо сэбиэт секретарынан улэлиир. Кэлин «Максим Горькай», Ленин аатынан колхозтарга учетчик-заправщигынан, счетовед-бухгалтерынан үлэлээбитэ.
1968—1979сс. биэнсийэҕэ тахсыар дылы «Үөһээ Бүлүү» сопхуоска Киин аппараакка техника бухгалтерынан үлэлиир.
Наҕараадалара
- «1941-1945 сс. Аҕа дойду Улуу сэриитигэр Германияны кыайыы иһин» мэтээл;
- Аҕа дойду Улуу сэриитин II истиэпэннээх уордьана;
- «Японияны кыайыы иһин» мэтээл[1];
- «Кыайыы 25 сыла» диэн бэлиэ;
- Кыайыы юбилейнай мэтээлэ;
- «В. И. Ленин төрөөбүтэ 100 сылын бэлиэтигэр» мэтээл;
- Баартыйа райкомун исполкомун, профсоюз райкомун Бочуотунай грамоталара.
Дьиэ кэргэнэ
4 оҕолоох.