Башарин Георгий Прокопьевич

Башарин Георгий Прокопьевич
Георгий Прокопьевич Башарин
Төрөөбүт күнэ	1912 сыл кулун тутар 8 күнэ (21 күнэ)
Төрөөбүт сирэ	Сылаҥ нэһилиэгэ (Чурапчы улууһа), Боотур Уус улууһа, Дьокуускай уокуруга[d], Саха уобалаһа, Арассыыйа импиэрийэтэ
Өлбүт күнэ	1992 сыл муус устар 18 күнэ(1992-04-18) (80 сааһыгар)
Дойдута	Арассыыйа импиэрийэтэ  ССРС  Арассыыйа
Үлэлиир сирэ	ХИФУ
Үөрэҕэ	Карл Либкнехт аатынан Москубатааҕы индустриальнай-педагогическай институт[d] (1938)
Учуонай истиэпэнэ	устуоруйа билимин дуоктара[d]
Наҕараадалара уонна бириэмийэлэрэ

Башарин Георгий Прокопьевич (1912 сыл кулун тутар 8 күнэ [21 күнэ], Сылаҥ нэһилиэгэ (Чурапчы улууһа), Саха уобалаһа — 1992 сыл муус устар 18 күнэ) — саха аатырбыт устуоруга, уопсастыбаннай диэйэтэлэ, РСФСР уонна Саха АССР билимнэрин үтүөлээх диэйэтэлэ, устуоруйа билимин дуоктара, профессор.

Олоҕун олуктара

1912 сыллаахха кулун тутар 21 күнүгэр Чурапчы улууһун Сылаҥ нэһилиэгэр бааһынай дьиэ кэргэнигэр төрөөбүтэ. 17 саастааҕар ликбезка ааҕар буолбута, онтон 9 сыл иһигэр началынай, орто уонна үрдүк үөрэхтэри бүтэрэн Москубатааҕы К. Либкнехт аатынан пединституут кыһыл дипломун ылбыта (1938).

Саха судаарыстыбаннай пединститукка (1938—1940), онтон СНК иһинээҕи Тыл уонна култуура институтугар (1941—1943) үлэлээбитэ.

Саха АССР Үрдүкү Сэбиэтин VI—IX ыҥырыыларын дьокутаата, КПСС XXIII съеһин делегата. Бүтүн Арассыыйатааҕы устуоруйа уонна култуура пааматынньыктарын харыстыыр уопсастыба Саха сиринээҕи салаатын бэрэссэдээтэлэ.

1964—1966 сс. — Саха судаарыстыбаннай университетын (ЯГУ) устуоруйа-филология факультетын декана. 1966—1992 сс. — литэрэтииэр уонна ускуустуба эйгэтигэр П. А. Ойуунускай аатынан республиканскай бириэмиэйэни аныыр хамыыһыйа бэрэссэдээтэлэ.

31 саастааҕар устуоруйа билимин хандьыдаата буолбута, 1956 сыллаахха ахсынньы 22 күнүгэр дуоктар аатын көмүскээбитэ, 40 сааһыгар профессор буолбута.

1992 сыл муус устар 18 күнүгэр өлбүтэ.

Дьиэ кэргэнэ, аймахтара

Кэргэнэ — Платонова Кыдана Ивановна, тыл үөрэҕин билимин кандидата.

Уола — Башарин Карл Георгиевич, мэдэссиинэ билимин дуоктара, профессор.

Кийиитэ — Башарина Зоя Константиновна, тыл билимин дуоктара, профессор.

Кыыһа — Башарина Наталья Георгиевна, устуоруйа билимин хандьыдаата.

Айар үлэтэ

Башарин 527 бэчээттэммит үлэ, ол иһигэр 19 монография ааптара. Саха омугун үөрэтии олоҕун ырыппыта.

Үлэлэрин сүрүн хайысхалара:

• Саха омуга үөскээһинэ, уопсастыбаннай тутула;
• саха омугун литературатын историята;
• Саха Сирин аграрнай сыһыаннарын уонна сири таҥастааһынын историята;
• Саха Сирэ Арассыыйа Илигэр киириитэ уонна ол суолтата;
• Саха Сирин омуктарын духуобунай сайдыылара;
• историография боппуруостара.

Кини «Три якутских реалиста-просветителя» диэн кандидатскай диссертацията 1944 сыллаахха кинигэ буолан тахсыбыта. Диссертациятыгар аан бастаан аһаҕастык үйэ саҕаланыытыгар Саха сирин култууратын уонна уопсастыбаннай-политическай устуоруйатын сайдыытыгар национальнай интеллигенция бастакы көлүөнэтин оруола төһө суолталааҕын туһунан боппуруоһу туруорбута. Башарин бу кинигэ тахсыаҕыттан буржуазнай национализмҥа буруйдаммыта. Саха судаарыстыбаннай университетыгар ыыппыт устуоруйа куруһуогар билигин инники күөҥҥэ сылдьар учуонайдар сылдьыбыттара.

1952 сыллаахха союзнай уонна автономнай өрөспүүбүлүкэлэр национальнай интеллигенцияларыгар туһуламмыт сталинскай репрессиялар кэмнэригэр, «буржуазнай национализмҥа» буруйданан, хас да сыл устата гонениеҕа сылдьыбыта. Хрущевскай либерализация кэмигэр учуонай чинчийэр коллективка төннөрүгэр ситиспитэ уонна 1956 сыллаахха кандидатскай таһымын аһаран, тута дуокторскай диссертациятын иккиһин көмүскээбитэ.

Г. П. Башарин эрэдээксийэтинэн өрөспүүбүлүкэ оскуолаларыгар уонна үрдүкү үөрэх заведениеларыгар анаан Саха сирин устуоруйатыгар учебниктар уонна үөрэх босуобуйалара оҥоһуллубуттара. Кини устуоруктар бэйэтин научнай оскуолатын олохтообута, 40 сыл устата СГУ устуорук-устудьуоннарын билим кружогун салайбыта, кинилэртэн 60 киһи билим хандьыдаатынан, оттон 4 киһи билим дуоктарынан буолбуттара.

Сүрүн үлэлэрэ

1. Три якутских реалиста-просветителя. — Якутск: Госиздат ЯАССР, 1944—141 с.
2. История земледелия в Якутии (XVII — 1917 г.) в 2 т. Т. 1. Посев и урожай зерновых и картофеля. Общее для обоих томов «Введение» — Якутское книжное издательство, 1989. — 350 с.
3. История земледелия в Якутии (XVII — 1917 г.) в 2 т. Т. 2. Овощеводство. Техника и культура земледелия. Система полеводства. Социально-экономическое значение земледелия. Общее для обоих томов «Введение» — Якутское книжное издательство, 1990. — 413 с.
4. Исторические судьбы письма Кулаковского. сс. 5 — 30. — В кн.: Якутской интеллигенции. — Якутское книжное издательство, 1992.
5. Выступление профессора Г. П. Башарина на торжественном собрании общественности республики, посвященном его 80-летию. сс. 162—166. — В кн.: Материалы научной конференции, посвященной 80-летию Г. П. Башарина. — Якутск: Изд-во Якутского госуниверситета, 1993.
6. В составе свободной России. — М.: Арт-Флекс, 2002. — 383 с.
7. История аграрных отношений в Якутии: Аграрные отношения с древних времен до 1770-х годов. Том I. — М.: Арт-Флекс, 2003. — 447 с.
8. История аграрных отношений в Якутии: Аграрный кризис и аграрное движение в конце XVIII — первой трети XIX вв. Том II. — М.: Арт-Флекс, 2003. — 519 с.

Наҕараадалара

• Үлэ Кыһыл Знамята уордьан;
• «Бочуот Знага» уордьан;
• «1941—1945 сс. Аҕа дойду Улуу сэриитигэр килбиэннээх үлэтин иһин» мэтээл;
• РСФСР Үрдүкү Сэбиэтин Президиумун бочуоттаах грамотата;
• РСФСР билимин үтүөлээх диэйэтэлэ (1972);
• Саха АССР билимин үтүөлээх диэйэтэлэ (1962);
• Саха Өрөспүүбүлүкэтин А. Е. Кулаковскай аатынан судаарыстыбаннай бириэмиэйэтин бастакы лауреата (1992);
• Чурапчы улууһун ытык олохтооҕо.

Аатын үйэтитии

• М. К. Аммосов аатынан Хотугулуу-Илиҥҥи федеральнай университет кини аатынан, ИФ бастыҥ студеннарыгар, стипендия олохтообут;
• Чурапчы улууhун, Сылан нэhилиэгин орто оскуолата Г. П. Башарин аатын сүгэр;
• 1992 сыллаахха Саха Өрөспүүбүлүкэтин Билим академиятын Гуманитарнай чинчийии институтун иһинэн профессор Г. П. Башарин аатынан Саха сирин билимин устуоруйатын түмэлэ аһыллыбыта. Түмэл иккис саалатыгар Башарин үлэлиир кабинета хатыланан оҥоһуллубут;
• СГУ-ХИФУ профессордарын скверигэр киниэхэ анаан пааматынньык-бюст аһыллыбыта (2016).

Ылыллыбыт сирэ

• СГУ саайта

Быһаарыылар

Литэрэтиирэ

• Башарина З. К. Проблема литературного наследства классиков якутской литературы в научной деятельности профессора Г. П. Башарина. сс. 23—28. — В кн.: Материалы презентации книги профессора Г. П. Башарина «Три якутских реалиста-просветителя». — Якутск: Изд-во Якутского госуниверситета, 1995.
• Габышева М. И., Платонова К. И., Слепцова, Л. Е. (Сост.). Библиография докторов наук ЯГУ: Георгий Прокопьевич Башарин. — Якутск: Изд-во Якутского госуниверситета, 1995. — 107 с.
• Горохов С. Н. О научном кружке «История» профессора Г. П. Башарина. сс. 33—36. — В кн.: Человек удивтельной стойкости и духовной силы: Сборник воспоминаний. — Якутск: Изд-во Якутского госуниверситета. 1997.
• Горохов С. Н. (Сост.). Мыслитель, ученый, общественный деятель (Материалы межвузовской научной конференции, посвященной жизни и деятельности Башарина Георгия Прокопьевича). — Москва, 2003. — 222 с.
• Ефимов Г. Д. Дьукаахтыылар ахтыылара. сс. 161—165. — В кн.: Человек удивительной стойкости и духовной силы: Сборник воспоминаний. — Якутск: Изд-во Якутского госуниверситета, 1997.
• Иванов В. Н. Вклад Башарина в историческую науку. сс. 4—11. — В кн.: Проблемы социально-экономической и общественно-политической истории Якутии (Материалы научной конференции, посвященной 80-летию Г. П. Башарина). — Якутск: Изд-во Якутского госуниверситета, 1993.
• Иванов В. Н. Предисловие. сс. 3. — В кн.: Человек удивительной стойкости и духовной силы: Сборник воспоминаний. — Якутск: Изд-во Якутского госуниверситета, 1997.
• Иванов В. Н. Предисловие. сс. 5-6. — В кн.: Георгий Башарин. — Якутск: Бичик, 2002.
• Иванов В. Н., Гоголев Н. А., Жирков А. Н., Коробцова Р. И., Спиридонов И. Г., Сыроватский А. Д. (Редкол.). Проблемы социально-экономической и общественно-политической истории Якутии (Материалы научной конференции, посвященной 80-летию Г. П. Башарина). — Якутск, 1993. — 168 с.
• Иванова Л. Т. В исторической памяти народа. сс. 37—42. — В кн.: Человек удивительной стойкости и духовной силы: Сборник воспоминаний. — Якутск: Изд-во Якутского госуниверситета, 1997.
• Макаров Г. Г. О книге Г. П. Башарина «Три якутских реалиста-просветителя». сс. 14—18. — В кн.: Материалы презентации книги профессора Г. П. Башарина «Три якутских реалиста-прсветителя». — Якутск: Изд-во Якутского госуниверситета, 1995.
• Материалы презентации книги профессора Г. П. Башарина «Три якутских реалиста-просветителя». — Якутск: Изд-во Якутского госуниверситета, 1995. — 58 с.
• Платонова-Башарина К. И. Георгий Башарин. — Якутск: Бичик, 2002. — 232 с.
• Платонова К. И., Атласов С. В. (сост.). Человек удивительной стойкости и духовной силы: Сборник воспоминаний. — Якутск: Изд-во Якутского госуниверситета, 1997. — 240 с.
• Спиридонов И. Г. Книга, ставшая легендой. сс. 4—7. — В кн.: Материалы презентации книги профессора Г. П. Башарина «Три якутских реалиста-просветителя». — Якутск: Изд-во Якутского госуниверситета, 1995. — 58 с.
• Федоров М. М. Он отстаивал научную истину. сс. 55—58. — В кн.: Человек удивительной стойкости и духовной силы: Сборник воспоминаний. — Якутск: Изд-во Якутского госуниверситета, 1997.

Сигэлэр

• Человек творивший историю… «Илин» сурунаал, 2000, 1№.
• Биобиблиографический справочник
• Биография Г. П. Башарина
• Дементьев В. В. Наследники Ексекюляха. Интеллигенция Якутии. Москва. ИТРК. 2009. Архивная копия от 26 Ахсынньы 2011 на Wayback Machine
• Гоголев А. И., Петров Ю. Д. К 100-летию со дня рождения профессора Г. П. Башарина // Журнал «Вестник Северо-Восточного федерального университета им. М. К. Аммосова». — 2012. — Т. 9, № 1.
• Пестерев В. И. История Якутии в лицах. — Якутск: Бичик, 2001. — С. 337—339. — 464 с. — ISBN 5-7696-1606-7
• Ольга Башарина. «Георгий Башарин — человек, творивший историю»… // Журнал «Илин». — 2005. — № 4(45).
• Башарин Карл Георгиевич. Башарин Георгий Прокопьевич — профессор современного и будущего университета // Журнал «Вестник Северо-Восточного федерального университета им. М. К. Аммосова». — 2011. — Т. 8, № 4.
• Раиса Литвинова. Историческое предвидение Георгия Башарина стало пророческим // SakhaNews. — 21.04.2012.