Рыдзинский Аполлинарий Станиславович

1880 сыллаахха от ыйын 7 күнүгэр Варшаваҕа төрөөбүтэ. Икки кылаастаах училищены бүтэрбитэ. Уон алта сааһыттан литейщик көмөлөһөөччүтүн быһыытынан үлэлээбитэ. 1905 сыллаахха Хара байҕал флот моряктарын өрө турууларыгар кыттыбыта. Олунньу революциятын кэннэ Забайкалье Общественнай куттала суох буолуу кэмитиэтин чилиэнэ.

Гражданскай сэрии кэмигэр поляк саллааттарга кистэлэҥ үлэни тэрийбитэ. Кинилэртэн Рыдзинскай баһылыктаах поляк национальнай этэрээтэ тэриллибитэ. Центросибирь бу этэрээккэ Саха Сиригэр былааһы туруорарга сорудахтаабыта. 1918 сыллаахха ыам ыйыгар этэрээт Иркутскайтан таҕыспыта. Маачаҕа А. Стоянович бодайбо кыһыл этэрээтэ холбоммута. От ыйын 1 күнүгэр олохтоох дружиналар көмөлөрүнэн Рыдзинскай кыһыл аармыйа этэрээтэ Дьокуускайы ылбыта, Саха Сиригэр сэбиэттэр былаастара олохтоммута.

1918 сыллаахха Рыдзинскай этэрээтэ Дьокуускайтан тахсыбыта, ол эрээри Иркутскайга айаннаан истэхтэринэ кыргыһыыга хотторбуттара. Рыдзинскай Иркутскай хайыытыгар быраҕыллыбыта. Колчак былааһа эстибитин кэннэ, Иркутскай араас эппиэттээх постарыгар үлэлээбитэ.

1958 сыллаахха Рыдзинскай аатынан Дьокуускайга уулусса ааттаммыта.

• Имена на улицах Якутска : (биобиблиографический справочник) / Окружная администрация города Якутска, Управление культуры и духовного развития городского округа «город Якутск» Муниципальное бюджетное учреждение "Централизованная библиотечная система городского округа «город Якутск», Информационно-библиографический отдел; [составители: Зедгенидзева А. Н., Иванова М. Н., Купоросова Т. И. и др. ; редакторы: Попова С. В., Иванова М. Н. ; руководитель проекта Тихонова Н. Н. ; вступительное слово главы ГО «город Якутск» Евгения Григорьева]. — Якутск : ЦГБ, 2002- . — 21 см. Вып. 4. — 4-е изд., перераб. — 2022. — 693 c. : портр. — 69 экз.