Ахметова Куляш Дильдаевна

Куляш Ахметова Киргизскэй ССР Таласскай уобалаһыгар муус устар  25 күнүгэр 1946 сыллаахха төрөөбүтэ. Аҕата Ахметов Дильда рабочай этэ. Ийэтэ — Кудайбергенова Бегзада.

Джамбуллааҕы мэдэссиинэ училищетын бүтэрбитэ (1966), сиэстэрэ; С. М. Киров аатынан Казахстаан судаарыстыбаннай университетын суруналыыстыка факультетын бүтэрбитэ (1973), суруналыыс.

КПСС чилиэнэ (1969—1989).

1961 сыллаахха кыраайдааҕы хаһыат сирэйдэригэр бастакы бэчээттэниитэ.

1966 сылтан 1968 сылга диэри Джамбул уобалаһын Таласскай районун Учарал сэлиэнньэтин медпуунун биэлсэрэ.

1973 сылтан «Қазақстан пионері» хаһыат кэрэспэндьиэнэ. 1977 сылтан «Жалын» кинигэ кыһатын эрэдээктэрэ. 1982 сылтан айар үлэҕэ.

Поэтесса Куляш Ахметова 1980 сыллаахха балаҕан ыйыгар Казахскай ССР-га Саха литературатын күннэригэр саха суруйааччыларын кытта көрсүһүүгэ кыттыбытын туһунан Иван Федосеев «Көрсүһүүлэр уонна санаалар» диэн ыстатыйатыгар ахтыбыта. Алма-Атаҕа икки күннээх истиҥ көрсүһүү кэмигэр эдэр поэтесса саха суруйааччыларын Суорун Омоллоону, Иннокентий Эртюковы, Николай Габышевы, Иван Федосеевы, Алексей Михайловы, Гавриил Колесовы, Иван Егоровы арыаллаан илдьэ сылдьыбыт, Джамбул куораты кытта билиһиннэрбит. Онно туох ханнык иннинэ В. И. Ленин пааматынньыгар, Албан Аат мемориалыгар веноктары уурбуттар, кыраайы үөрэтэр түмэлгэ сылдьыбыт.

• 1978 — Казахстаан ыччатын сойууһун бириэмийэтин лауреата;
• 2004 — Казахстаан Өрөспүүбүлүкэтин литэрэтиирэ уонна ускуустуба уобалаһыгар Судаарыстыбаннай стипендиятын лауреата;
• 2006 — Казахстаан Өрөспүүбүлүкэтин Судаарыстыбаннай бириэмийэтин лауреата;
• 2006 — «Курмет» (Бочуот) уордьан;
• 2017 — «Парасат» (Өй-санаа) уордьан;
• Жамбылскай уобалас ытык олохтооҕо.

• И.Федосеев. «Көрсүһүүлэр уонна санаалар». Хотугу сулус. 1980.
• Дмитрий Кириллин. Литературалар доҕордоһуулара, хардарыта байытыһыылара. Чолбон. 2000, № 12