Асфер Тимофей Павлович
Асфер Тимофей Павлович (1879, Витебскай губернията[d] — 1937 сыл балаҕан ыйын 17 күнэ) — көскө ыытыллыбыт, Үөһээ Бүлүү улууһун Хоро нэһилиэгэр 1919 сыллаахха аһыллыбыт оскуола маҥнайгы учуутала.
Олоҕун олуктара
Тимофей Асфер 1879 сыллаахха Витебскэй күбүөрүнэҕэ, Коптвич дэриэбинэҕэ төрөөбүт, учууталлар семинарияларыгар үөрэнэ сылдьан эһиллибит.
1903 с. РСДРП чилиэнэ.
1904 с. кыраныысса таһыгар куоппут.
1905 с. амнистияҕа түбэһэн Владивостокка кэлбит, онно кистэлэҥ үлэни ыыппыт.
1906 сыл ахсынньы 28 күнүгэр Читаҕа кистэлэҥ ыҥырыылары тарҕаппытын уонна ыраахтааҕыны үөхпүтүн иһин 8 сыл хаатырга үлэтигэр сууттаммыт.
Үлэлээн баран 1915 сылга Бүлүүгэ көскө кэлбит.
1916 сылга Бодойбоҕо төннүбүт уонна хонтуораҕа сулууспалаабыт.
1919 сыллаахха Чиряев Г. Н. Бодойбоҕо бэйэтэ баран кэпсэтэн учууталынан аҕалар. Георгий Николаевич Асферы Үөһээ Бүлүүгэ көскө кэлэ сырыттаҕына билсэр, табаарыстаһар. Асфер Т. П. Үөһээ Бүлүү ытык баайыгар Потапов Г. Е. элбэхтик сылдьар, оҕолорунуун доҕордоһор. Оттон Георгий Николаевич кэргэнэ Потаповтартан сыдьааннаах. Онон Г. Н. Чиряев Асферы олус чугастык билсэр буолан Бодойбо курдук сиртэн тылыгар киллэрэн Хороҕо учууталлата аҕалбыт.
1930-с сылларга Нальчикка олохсуйар. «Орджоникидзе золото» диэн көмүс атыылаһар тэрилтэҕэ сэбиэдиссэйинэн үлэлээбит. 1937 сыл балаҕан ыйын 5 күнүгэр тутуллар. Балаҕан ыйын 17 күнүгэр «тройка» уурааҕынан ытыллар. 1961 сыл олунньу 22 күнүгэр реабилитациянар[1].