Архипов Никита Деевич
Никита Деевич Архипов (төр. 1940 сыл муус устар 15 күнэ, Сургулуук нэһилиэгэ, Саха АССР) — археолог, уопсастыбаннай деятель, устуоруйа билимин дуоктара.
Олоҕун олуктара
Никита Архипов 1940 сыллаахха муус устар 15 күнүгэр Сургуулук нэһилиэгэр төрөөбүтэ.
1967 сыллаахха М. В. Ломоносов аатынан Москубатааҕы судаарыстыбаннай университет устуоруйаҕа факультетын бүтэрбитэ. МГУ билим советтарыгар кандидатскай уонна дуоктарскай (2001 сыллаахха) диссертациялары көмүскээбитэ.
1967—1991 сс. СГУ-га археология, устуоруйа уонна философия преподавателынан үлэлээбитэ.
1992—2006 сс. М. А. Алексеев аатынан Үөһээ Бүлүүтээҕи өрөспүүбүлүкэ гимназиятын култуураҕа кафедратын сэбиэдиссэйэ.
2012 сыллаахха Мирнэйдээҕи политехническай институт (ХИФУ филиала) гуманитарнай, социальнай-экономическай уонна правовой дисциплиинэлэр кафедраларын профессорын дуоһунаһыгар талыллыбыта.
«Бүлүү» общественнай-экологическай кэмитиэт президиумун бэрэстээтэлэ.
2018 сылтан 2022 сылга диэри Үөһээ Бүлүү улуустааҕы сэбиэтин дьокутаата[1].
Никита Деевич 80-тан тахса билим үлэ ааптара, ол иһигэр 10 кинигэ уонна брошюра.
Наҕараадалара
- Саха Өрөспүүбүлүкэтин билимин үтүөлээх деятелэ;
- Саха Өрөспүүбүлүкэтин үөрэҕэриитин үтүөлээх үлэһитэ[1].
Дьиэ кэргэнэ
- Аҕата — Дей Христофорович Архипов, Аҕа дойду Улуу сэриитин кыттыылааҕа, сэрии толоонугар Австрияҕа өлбүт, онно хараллыбыт;
- Инитэ — Иван Деевич Архипов, устуорук, архивист, Мэҥэлэри араҥаччылыыр уопсастыба актыбыыһа[2].