Апросимов Ефрем Ильич
Апросимов Ефрем Ильич (1922 сыл тохсунньу 24 күнэ, Күп, Саха АССР — 1992 сыл тохсунньу 19 күнэ) — учуутал, ССРС бастакы байыаннай баллистистическай ракеталарын уонна куйаар аргыһын оҥорооччу инженер-конструктор. Аҕа дойду Улуу сэриитин кыттыылааҕа.
Олоҕун олуктара
Ефрем Апросимов 1922 сыллаахха тохсунньу 24 күнүгэр Уус Майа улууһун Күп национальнай нэһилиэгэр төрөөбүтэ.
1931 сыллаахха Күп алын сүһүөх оскуолатыгар үөрэнэ киирбитэ.
Пятигорскайдааҕы педагогическай институту уонна Таганрогскайдааҕы радиотехническай институту бүтэрбитэ. Күп алын оскуолатыгар учууталынан уонна сэбиэдиссэйинэн үлэлээбитэ. 1942 сылтан Эдьээн оскуолатын учуутала. 1943 сылтан РККА кэккэтигэр ыҥырыллыбыта. Демобилизация кэнниттэн Уус Майа оскуолатыгар учууталынан үлэлээбитэ.
1959 сылтан прикладной механика конструкторскай бюротугар инженер, 1965-85 сылларга прикладной механика научнай-производственнай холбоһугун (Красноярскай-26 к.) кылаабынай инженера, салайааччы солбуйааччыта. Сэбиэскэй сойуус саамай бастакы ыраахха көтөр байыаннай баллистическай ракеталарын, ону таһынан араадьыйа уонна тэлэбииһэр сибээһин биэрэр «Молния», «Радуга», «Экран» уонна «Космос» курдук Сир оҥоһук спутниктарын оҥорон таһаарыыга уонна халлааҥҥа көтүтүүгэ кыттыбыта[1].
1992 сыллаахха өлбүтэ.
Наҕараадалара
- «Японияны кыайыы иһин» мэтээл;
- «1941-1945 сс. Аҕа дойду Улуу сэриитигэр Германияны кыайыы иһин» мэтээл;
- «Бойобуой үтүөлэрин иһин» мэтээл;
- Аҕа дойду сэриитин II истиэпэннээх уордьана;
- Албан Аат III истиэпэннээх уордьана;
- С. П. Королёв аатынан кыһыл көмүс мэтээл.
Аатын үйэтитии
- 2004 сыллаахха Күп орто оскуолатыгар Ефрем Апросимов аата иҥэриллибитэ[1].