Нуучча тылынанАнал бырайыактар
Тылы уларыт
УРУБИИКИ ТУҺУНАН

Тейлор-Джой Аня

Тургутуллубут ыстатыйа

Аня Джозефин Мари Тейлор-Джой (ааҥл. Anya Josephine Marie Taylor-Joy; төр. муус устар 16 күнэ 1996, Майами, Флорида) — британскай-аргентинскай модель уонна артыыс[2]. Кыһыл глобус бириэмийэтин, Америка артыыстарын гильдиятын бириэмийэтин уонна Эмми бириэмийэтин хаһаайына. Кини BAFTA бириэмийэтигэр номинациялламмыта[3].

Биография

Аня Джозефина Мэри Тейлор-Джой 1996 сыллаахха муус устар 16 күнүгэр АХШ Майами куоратыгар төрөөбүтэ[2]. Кыыс дьиэ кэргэҥҥэ алта оҕоттон саамай кыралара. Ийэтэ британскай уонна испанскай төрүттээх, оттон аҕата британскай төрүттээх аргентинец[4].

Артыыс 8 сааһыгар диэри испаан тылын эрэ билэрэ, онтон ааҥыл тылын үөрэппитэ. Оскуолаҕа үөрэнэ сылдьан, дьиэ кэргэнин кытта Улуу Британияҕа көспүтэ[2]. Кыыс оскуолаҕа атын оҕолору кытта кэпсэтэригэр ыарырҕатар эбит. Кини этэринэн, кинилэр кинини өйдөөбөтөхтөр. Оҕо сылдьан үгүстүк соҕотох буолара[5].

Аня Кенсингтоннааҕы Hill House оскуолатыгар, Аргентинаҕа Northlands оскуолатыгар уонна Лондоҥҥа Queen’s Gate оскуолатыгар үөрэммитэ. Оскуолаҕа үөрэнэ сылдьан, кыыс модельнай бизнескэ үлэлии киирбит уонна модельнай агентствоны кытта дуогабар түһэрсибит. 14 сааһыгар Нью-Йорка көспүтэ. Аня 2014 сыллаахха «Эдэр Морс» сериалга эпизодическай оруолугар оонньообута[2]. Ол сылга кини «Вампирдар академияларыгар» оонньообута, ол гынан баран кинилиин кадрдар үлэ бүтэһик барылыгар киирбэтэхтэрэ, артыыс аата титрга суруллубатаҕа[4].

2015 сыллаахха «Ведьма» киинэ тахсыбыта, онно Аня Тейлор-Джой тула олорор дьиҥнээх олоххо дьиктилэри бэлиэтии көрөр пилигрим (нууч.) (сах. ыал кыыһа Томасина оруолун толорбута. Кыыс аан бастаан бу киинэҕэ кини тэлэбиидэнньэҕэ оонньуурун көрөн, улаханнык хомойбута — тоҕо диэтэххэ, кини бэйэтигэр куһаҕан курдук көстөр этэ. Ол эрээри үлэтин туһунан үчүгэй сыанабыл кинини көҕүлээбитэ. Бу киинэҕэ оруолун иһин Аня Тейлор-Джой сыл бастыҥ эдэр артыыһа диэн хас да наҕарааданан наҕараадаламмыта[3].

Harperʼs Bazaar интервьютугар артыыс «Ведьма» киинэни устар кэмигэр Disney бырайыагар кыттарга этии киллэрбиттэрин, ол гынан баран бу оруолтан аккаастаммытын, «Ведьма» киинэҕэ оонньуон баҕарбытын ахтан ааспыта. Киинэ бүддьүөтэ 3,5 мөлүйүөн доллар этэ уонна киинэ тыйаатырдарыгар 40 мөлүйүөн доллары хомуйбута[6].

2016 сыллаахха Аня Тейлор-Джой Джеймс МакЭвойу кытта М. Найт Шямалан режиссердаах «Сплит» киинэҕэ уһуллубута[4].

2017 сыллаахха артыыс BAFTA (нууч.) (сах. бириэмийэтигэр «Үүнэр сулус» быһыытынан номинацияламмыта. Ону тэҥэ, Канны киинэ бэстибээлигэр (нууч.) (сах. «Сыл арыйыыта» буолбута[4].

2020 сыллаахха Аня Тейлор-Джой «Эмма» киинэҕэ сүрүн оруолу оонньообута, онтон «Ход королевы» диэн сериалга уһуллубута. «Ход королевы» диэн католическай оҕо дьиэтигэр улааппыт Элизабет Хармон диэн кыыс туһунан кэпсээн[2]. Сериал тахсыбытын кэннэ бастакы 28 күн иһигэр 62 мөлүйүөн көрөөччү көрбүтэ[4]. Бу сериалга оруолун иһин артыыс «Кыһыл көмүс глобус» уонна АХШ артыыстарын гильдиятын бириэмийэтин ылбыта[4].

IMDb портал этэринэн, 2022 сыллаахха Тейлор-Джой аан дойдуга уон саамай биллэр артыыс ахсааныгар киирбит[4].

Аня Тейлор-Джой 30 киинэҕэ оонньообута[2].

Тус олоҕо

Оҕо сылдьан кыыс балеты сөбүлүүр этэ, ол гынан баран элбэх көһүүлэртэн сылтаан бэйэтин идэтийбит өттүнэн кыайан билбэт этэ[3].

Артыыс тус олоҕун туһунан кэпсиирин сөбүлээбэт[3].

2022 сыллаахха олунньуга артыыс музыкант Малкольм Макрэйы кытта дьон иннигэр тахсар буолбута[7]. 2022 сыллаахха муус устар 1 күнүгэр Саҥа Орлеаҥҥа Аня Тейлор-Джой уонна Малкольм Макрэй ыал буолбуттара[8]. Дьиэ кэргэн 2023 сыл балаҕан ыйыгар Венецияҕа иккис сыбаайбаны ыыппыттара[9].

Фильмография

Сыл Аата Оригинал аата Оруол
2013 с Индевор Endeavour Филиппа Коллинс-Дэвидсон
2014 ф Академия вампиров Vampire Academy Кыыс
2015 ф Ведьма The Witch Томасин
2015 тф Приключения викингов Viking Quest Мани
2015 с Атлантида Atlantis Кассандра
2016 ф Морган Morgan Морган
2016 ф Барри Barry Шарлотта
2016 ф Сплит Split Кейси Кук
2017 ф Чистокровные Thoroughbreds Лили Рейнольдс
2017 ф Обитель теней Marrowbone Элли
2017 с Миниатюрист The Miniaturist Петронэлла Брандт
2019 ф Стекло The Glass Кейси Кук
2019 мф Playmobil фильм: Через вселенные Playmobil: The Movie Марла Бреннер
2019—2022 с Острые козырьки Peaky Blinders Джина Грей
2019 мс Тёмный кристалл: Эпоха сопротивления The Dark Crystal: Age of Resistance Брея
2019 ф Опасный элемент Radioactive Ирен Кюри
2020 ф Эмма Emma Эмма Вудхаус
2020 ф Дублинские дебоширы Here Are the Young Men Джен
2020 ф Новые мутанты X-Men: The New Mutants Ульяна Распутина / Мэджик
2020 с Ход королевы The Queen's Gambit Бет Хармон
2021 ф Прошлой ночью в Сохо Last Night in Soho Сэнди
2022 ф Варяг The Northman Ольга
2022 ф Меню The Menu Марго
2022 ф Амстердам Amsterdam Либби Возе
2023 мф Братья Супер Марио в кино The Super Mario Bros. Movie Принцесса Пич
2024 ф Фуриоса: Хроники Безумного Макса The Furiosa Фуриоса
2025 ф Ущелье The Gorge Драса[10]

Наҕараадалар уонна номинациялар

Бириэмийэ Сыл Киинэ Категория Түмүк
Готэм 2016 «Ведьма» Артыыс ситиһиитэ Кыайыы
Сатурн 2017 Бастыҥ эдэр артыыс Номинация
Империя 2017 Бастыҥ дьахтар дебюта Кыайыы
Канны киинэ бэстибээлэ 2017 Сыл арыйыыта Кыайыы
BAFTA 2017 Үүрдээн эрэр сулус Номинация
Спутник 2021 «Эмма» Бастыҥ артыыска — комедия эбэтэр мюзикл Номинация
Кыһыл көмүс глобус 2021
Бастыҥ артыыска — комедия эбэтэр мюзикл Номинация
«Ход королевы» Бастыҥ артыыска — мини-сериал эбэтэр телефильм Кыайыы
бириэмийэ IGN 2020 Драма сериалыгар артыыс бастыҥ оруола Номинация
Австралия киинэ уонна тэлэбиидэнньэ академиятын бириэмийэтэ 2021 Сериалга бастыҥ артыыска Кыайыы
Тэлэбиидэнньэ кириитиктэрин талыылара 2021 Бастыҥ артыыска киинэҕэ эбэтэр мини-сериалга Кыайыы
АХШ артыыстарын гильдиятын бириэмийэтэ 2021 Теле-киинэҕэ эбэтэр мини-сериалга бастыҥ артыыска Кыайыы
Спутник 2021 Бастыҥ артыыска — мини-сериал эбэтэр телефильм Номинация
MTV киинэ наҕараадалара 2021 Сериалга оруолу бастыҥ оонньуу Номинация
Голливуд кириитиктэрин ассоциациятын тэлэбиидэнньэ бириэмийэлэрэ 2021 Бастыҥ артыыска в мини-сериале, сериале-антологии эбэтэр телефильме Кыайыы
Тэлэбиидэнньэ кириитиктэрин ассоциациятын бириэмийэтэ 2021 Индивидуальные достижения в драме Номинация
Эмми 2021 Бастыҥ артыыска — мини-сериал эбэтэр киинэ Номинация
Критиктар талыылара 2022 «Прошлой ночью в Сохо» Хоррор-киинэҕэ бастыҥ артыыска  Номинация
Кыһыл көмүс глобус 2023 «Меню» Бастыҥ артыыска — комедия эбэтэр мюзикл Номинация[11]

Клиптар

  • 2015 — Good Times Ahead — «Red Lips» (Skrillex Remix)
  • 2019 — Хозиер — «Dinner & Diatribes»

Быһаарыылар

  1. ↑ La frase de Anya Taylor-Joy sobre la Argentina que volvió locos a sus fanáticos (Spanish), La Nación (8 September 2021). Архыыптаммыт 2021, Балаҕан ыйын 9 күнүгэр. Сигэнии күнэ: 3 Балаҕан ыйын 2025.
  2. ↑ 1 2 3 4 5 6 Тейлор-Джой Аня. Комсомольская правда. Сигэнии күнэ: 3 Балаҕан ыйын 2025.
  3. ↑ 1 2 3 4 Елена Диянова. Аня Тейлор-Джой. История актрисы из сериала «Ход королевы». Новый Очаг (16 Муус устар 2023). Сигэнии күнэ: 3 Балаҕан ыйын 2025.
  4. ↑ 1 2 3 4 5 6 7 Аня Тейлор-джой — последние новости. Lenta.ru (24 Тохсунньу 2023). Сигэнии күнэ: 3 Балаҕан ыйын 2025.
  5. ↑ Аня Тейлор-Джой. Американская актриса и модель. Свободная пресса. Сигэнии күнэ: 3 Балаҕан ыйын 2025.
  6. ↑ Елена Сидорова. Аня Тейлор-Джой рассказала, как выбрала «Ведьму» Эггерса вместо пилота Disney. Российская газета (13 Сэтинньи 2022). Сигэнии күнэ: 3 Балаҕан ыйын 2025.
  7. ↑ Марат Рахимов. Аня Тейлор-Джой тайно вышла замуж за музыканта. Газета.ru (19 От ыйын 2022). Сигэнии күнэ: 3 Балаҕан ыйын 2025.
  8. ↑ Anya Taylor-Joy Shares Wedding Photos From Her Secret Ceremony 2 Years Ago, ELLE (2 Муус устар 2024). Сигэнии күнэ: 4 Балаҕан ыйын 2025.
  9. ↑ Звезда сериала «Ход королевы» Аня Тейлор-Джой вышла замуж в Венеции, РБК Life. Сигэнии күнэ: 4 Балаҕан ыйын 2025.
  10. ↑ Anya Taylor-Joy. IMDB.com. Сигэнии күнэ: 3 Балаҕан ыйын 2025.
  11. ↑ Primetime Emmy Awards. IMDB.com. Сигэнии күнэ: 3 Балаҕан ыйын 2025.

Сигэлэр

Эбии бу тиэмэҕэ

Категориялар