Нуучча тылынанАнал бырайыактар
Тылы уларыт
УРУБИИКИ ТУҺУНАН

Анкалаев Магомед Алибулатович

Магомед Алибулатович Анкалаев (1992 сыл бэс ыйын 2 күнэ, Махачкала[d]) — Арассыыйа кыргыыһыы булкаастаах киирсиилэрин байыаһа, ыарахан аҥардаах ыйааһыннаах бөҕөс. Билиҥҥи UFC ыарахан аҥардаах ыйааһыннаахтар чөмпүйүөнэ.

2014 сылтан идэтийбит таһымҥа тахсар. Кини UFC, WFCA, Oplot Challenge уонна да атын байыас тэрилтэлэр турнирдарыгар кыттыбытынан биллэр. WFCA ыарахан аҥардаах ыйааһыннаахтарга чөмпүйүөн аатын ылбыта. Ону тэҥэ бойобуой самбоҕа уонна любительскай ММА-ҕа ситиһиилэрдээх, аан дойду чөмпүйүөнэ, норуоттар ыккардыларынааҕы кылаастаах Арассыыйа успуордун маастара.

Биография

Магомед Анкалаев 1992 сыллаахха бэс ыйын 2 күнүгэр Шамильскай оройуон Телетль сэлиэнньэҕэ төрөөбүтэ. Омуга — аварец.

Анкалаев кыра эрдэҕиттэн успуордунан дьарыктаммыта, көҥүл тустууга интэриэстээх этэ[1].

Любитель таһымынан дьарыгырыы

Дагестан судаарыстыбаннай университетын физкультура уонна успуор факультетыгар үөрэнэ сылдьан биир сыл греко-римскай тустууга дьарыктаммыта, онтон бойобуой самбоҕа (нууч.) (сах. көспүтэ, онно успуор маастарын аатын ылбыта[2].

Кэлин ММА-ҕа любительскай таһымҥа күрэхтэһэр буолбута — бу көрүҥ үгүс өттүнэн бойобуой самбоҕа майгынныырын иһин бэйэтин боруобалыырга санаммыта. Кини любительскай ММА-ҕа Арассыыйа уонна Аан дойду чөмпүйүөнэ буолбута уонна Арассыыйа ММА сойууһунан 2015 сыл бастыҥ тустуугунан билиниллибитэ. Булкаас киирсиилэргэ үрдүк ситиһиилэрин иһин киниэхэ «Арассыыйа норуоттар икки ардыларынааҕы кылаастаах успуордун маастара» бочуоттаах аат иҥэриллибитэ[3][4][5].

Махачкалааҕы «Горец» кулуупка тренердэр Шамиль Алибатыров уонна Сухраб Магомедов салалталарынан дьарыктаммыта.

Идэтийэн дьарыгырыы

2014 сыл атырдьах ыйыгар Анкалаев Харьков Oplot Challenge промоушен турнирыгар идэтийбит булкаас киирсиигэ дебюттаабыта, утарсааччытын Василий Бабичы судьуйалар үгүс быһаарыыларынан кыайбыта[6].

2016—2017 сылларга Чечня World Fighting Championship Akhmat тэрилтэтигэр күрэхтэспитэ, онно уопсайа биэс кыайыыны ситиспитэ, ол иһигэр ыарахан аҥардаах ыйааһыннаахтарга чөмпүйүөн аатын ылбыта, биир дойдулааҕа Максим Гришины техническэй нокаутынан кыайбыта, уонна Вагнер Праданы нокауттаан чөмпүйүөн курун көмүскээбитэ[7].

Ultimate Fighting Championship

Уонча кыайыылаах уонна биир да хотторуута суох Анкалаев аан дойду саамай улахан тустуу тэрилтэтин Ultimate Fighting Championship болҕомтотун тардыбыта уонна 2017 сыл алтынньытыгар кинилэри кытта уһун болдьохтоох дуогабар түһэрсибитэ[8]. 2018 сыл кулун тутарыгар UFC октагонугар Лондон турнирыгар шотландец Пол Крейгы кытта киирсиигэ дебюттаабыта. Кини киирсии устата утарсааччытын баһыйбыта, стойкаҕа уонна партерга ордук этэ, ол гынан баран үһүс раунд бүтүүтүгэр «үс муннукка (нууч.) (сах.» хаайтарбыта уонна киирсии бүтүөр диэри биир сөкүүндэ иннинэ бэриммитэ (нууч.) (сах., ол курдук идэтийбит карьератыгар бастакы хотторууну ылбыта[9].

2018 сыл балаҕан ыйыгар Москваҕа буолбут турнирга поляк Марцин Прахнёну нокауттаан, дьоро киэһэ бастыҥ киирсиитэ иһин буонус ылбыта[10].

2019 сыл олунньутугар серб Дарко Стошич утары киирсии Чехияҕа буолар турнирга былааннаммыта, ол гынан баран утарсааччы бааһыттан сылтаан киирсиини бырахпыта уонна кэлин тэрилтэҕэ саҥа киирбит Бразилияттан Кледсон Абреу солбуйбута. Кинилэр икки ардыларыгар киирсиилэрэ бэриллибит үс түһүмэҕи ааспыта, ол түмүгүнэн үс судьуйа кыайыыны Анкалаевка биэрбиттэрэ[11].

2020 сыл олунньу 29 күнүгэр UFC Fight Night 169 шоу чэрчитинэн Анкалаев октагонҥа Ион Куцелабаны көрсүбүтэ. Магомед киирсиини эрэллээхтик саҕалаабыта, уонна 38-с сөкүүндэҕэ судьуйалар Анкалаев кыайыытын техническэй нокаутунан бэлиэтиир туһугар тохтоторго быһаарбыттара[12]. Бу кыайыы Анкалаев карьератыгар биир саамай айдааннаах кыайыы буолбута, тоҕо диэтэххэ судьуйа киирсиини туох да төрүөтэ суох тохтоторго быһаарбыта, ол Куцелабаны улаханнык кыыһырдарбыта, кини киирсиини салҕыырга бэлэм этэ[13].

2020 сыл алтынньы 24 күнүгэр UFC 254 Ион Куцелабаны кытта реванш буолбута. Анкалаев эмиэ бастакы раунд бүтүүтүгэр утарсааччытын эрдэ кыайан, кэккэлэччи бэһис кыайыытын ситиспитэ[14].

2021 сыл олунньу 27 күнүгэр UFC Fight Night 186 күрэхтэһиитигэр Никита Крыловы судьуйалар быһаарбыттарынан кыайбыта[15]. Алтынньы 30 күнүгэр UFC 267 күрэхтэһиигэ Волкан Оздемиры кыайбыта.

2022 сыл кулун тутар 12 күнүгэр UFC Fight Night 203 күрэхтэһиитигэр Тиагу Сантуһу кыайбыта. От ыйын 30 күнүгэр UFC 277 күрэхтэһиигэ Энтони Смиты нокауттаабыта.

2022 сыл ахсынньы 10 күнүгэр Лас-Вегаска UFC 282 күрэхтэһиитигэр Ян Блаховичтыын киирсии ааспыта, ол киирсии тэҥнэһиинэн түмүктэммитэ[16].

2023 сыл алтынньы UFC 294 күрэхтэһиигэ Магомед Анкалаев уонна Джонни Уокер икки ардыларыгар бастакы киирсии буолбута. Тустуу 4-с мүнүүтэтигэр Анкалаев, баһыйар позицияҕа сылдьан, Уокер төбөтүгэр тобугунан бобуулаахтык саайбыта, ол кэнниттэн киирсии тохтотуллубута[17].

2024 сыл тохсунньу 13 күнүгэр АХШ-ҕа UFC Fight Night 234 күрэхтэһиитигэр хос киирсиигэ Анкалаев Джонни Уокеры 2-с рауҥҥа нокауттаан кыайбыта[18].

Атырдьах ыйын 21 күнүгэр пресс-конференция кэмигэр UFC салайааччыта Дэйна Уайт Анкалаевка австриец Александр Ракичы кыайдаҕына чөмпүйүөн аатын иһин киирсиини эрэннэрбитэ. Киирсии 2024 сыл алтынньы 26 күнүгэр UFC 308 күрэхтэһиитигэр буолбута. Анкалаев судьалар биир санааларынан кыайбыта[19].

UFC 313. Алекс Перейраны кытта титул иһин киирсии

2025 сыл кулун тутар 9 күнүгэр Анкалаев UFC 313 күрэхтэһиитигэр Алекс Перейраны кытта киирсибитэ. Биэс раунд ааспыта. Судьуйалар быһаарыыларынан Анкалаев кыайан, UFC ыарахан аҥардаах ыйааһыннаахтар саҥа (20-с) чөмпүйүөнэ буолбута[20]. Бу кэнниттэн Магомед ыйааһынтан тутулуга суох UFC рейтинигэр алтыс миэстэни ылбыта[21].

undefined

Тус олоҕо

Магомед Анкалаев тус олоҕун туһунан кэпсэппэтин ордорор. Социальнай ситимнэргэ дьарыктан уонна күрэхтэһииттэн хаартыскалары таһаарар.

Спортсмен дьарыктарыттан сылтаан Лас-Вегаска элбэх бириэмэни атаарар. Ол эрээри Дагестаны дойдутунан ааҕар.

Титуллара уонна ситиһиилэрэ

Булкаас киирсиилэр

  • Ultimate Fighting Championship
    • Ыарахан аҥардаах ыйааһыннаахтар чөмпүйүөнэ (2025)
    • «Дьоро киэһэ бастыҥ киирсиитэ» бириэмийэлээх (үстэ) Марчина Прахнио, Далча Лунгиамбула уонна Ион Куцелаба утары[22][23][24]
    • UFC Ыарахан аҥардаах ыйааһыннаахтарга иккис уһун кыайыы серията (9)[25]
  • World Fighting Championship Akhmat
    • WFCA ыарахан аҥардаах ыйааһыннаахтар чөмпүйүөнэ (биирдэ)
      • Биир ситиһиилээх титул көмүскээһинэ
  • Аан дойдутааҕы любительскай ММА сойууһа
    • Любительдар ортолоругар ММА аан дойду чөмпүйүөнэ

Идэлээх ММА-ҕа ыстатыыстыката

Түмүк Рекорд Утарылаһааччы Ньыма Турнир Күн Раунд Кэм Миэстэ Быһаарыы
Кыайыы 21-1-1 (1) Алекс Перейра Быһаарыы UFC 313 8 кулун тутар 2025 5 5:00 Лас-Вегас, АХШ Ыарахан аҥардаах ыйааһыннаахтарга чөмпүйүөн аатын ылбыта.
Кыайыы 20-1-1 (1) Александр Ракич Быһаарыы UFC 308 26 алтынньы 2024 3 5:00 Абу-Даби, ХАЭ
Кыайыы 19-1-1 (1) Джонни Уокер Нокаут UFC Fight Night 234 14 тохсунньу 2024 2 2:17 Лас-Вегас, АХШ Дьоро киэһэ бастыҥ киирсиитэ.
Буолбатах 18-1-1 (1) Джонни Уокер Буолбатах UFC 294 21 алтынньы 2023 1 3:13 Абу-Даби, ХАЭ Магомед тобугунан бобуулаахтык охсубутун кэннэ, быраас охсуһууну тохтоторго быһаарыммыта.
Тэҥнэһии 18-1-1 Ян Блахович Тэҥнэһии UFC 282 10 ахсынньы 2022 5 5:00 Лас-Вегас, Невада, АХШ UFC босхо титулун иһин киирсии.
Кыайыы 18-1 Энтони Смит Нокаут UFC 277 30 от ыйын 2022 2 3:09 Даллас, Техас, АХШ
Кыайыы 17-1 Тиагу Сантус Быһаарыы UFC Fight Night 203 12 кулун тутар 2022 5 5:00 Лас-Вегас, АХШ
Кыайыы 16-1 Волкан Оздемир Быһаарыы UFC 267 30 алтынньы 2021 3 5:00 Абу-Даби, ХАЭ
Кыайыы 15-1 Никита Крылов Быһаарыы UFC Fight Night 186 27 олунньу 2021 3 5:00 Лас-Вегас, АХШ
Кыайыы 14-1 Ион Куцелаба Нокаут UFC 254 24 алтынньы 2020 1 4:19 Абу-Даби, ХАЭ Дьоро киэһэ бастыҥ киирсиитэ.
Кыайыы 13-1 Ион Куцелаба Нокаут UFC Fight Night 169 29 олунньу 2020 1 0:38 Норфолк, АХШ
Кыайыы 12-1 Далча Лунгиамбула Нокаут UFC Fight Night 163 9 сэтинньи 2019 3 0:29 Москва, Арассыыйа Дьоро киэһэ бастыҥ киирсиитэ.
Кыайыы 11-1 Клидсон Абреу Быһаарыы UFC Fight Night 145 23 олунньу 2019 3 5:00 Прага, Чехия 94,8 кг ыккардынааҕы ыйааһыҥҥа киирсии; Абреу ыйааһыны оҥорботох.
Кыайыы 10-1 Марцин Прахнё Нокаут UFC Fight Night 136 15 балаҕан ыйын 2018 1 3:09 Москва, Арассыыйа Дьоро киэһэ бастыҥ киирсиитэ.
Кыайтарыы 9-1 Пол Крейг Сдача UFC Fight Night 127 17 кулун тутар 2018 3 4:59 Лондон, Англия UFC-га дебют.
Кыайыы 9-0 Селсу Рикарду да Силва Нокаут WFCA 43 4 алтынньы 2017 1 1:11 Грозный, Арассыыйа
Кыайыы 8-0 Вагнер Праду Нокаут WFCA 38 21 бэс ыйын 2017 1 3:33 Грозный, Арассыыйа WFCA ыарахан аҥардаах ыйааһыннаахтарга чөмпүйүөн титулун көмүскээбитэ.
Кыайыы 7-0 Максим Гришин Нокаут WFCA 30 4 алтынньы 2016 4 1:13 Грозный, Арассыыйа WFCA ыарахан аҥардаах ыйааһыннаахтарга чөмпүйүөн титулун кыайбыта.
Кыайыы 6-0 Артур Астахов Быһаарыы WFCA 23 11 бэс ыйын 2016 3 5:00 Грозный, Арассыыйа
Кыайыы 5-0 Ллойд Маршбэнкс Нокаут WFCA 18 9 муус устар 2016 1 0:15 Грозный, Арассыыйа
Кыайыы 4-0 Надир Булхадаров Нокаут Суперкубок России 2015 5 ахсынньы 2015 1 4:45 Челябинск, Арассыыйа
Кыайыы 3-0 Довлетджан Ягшимурадов Быһаарыы Oplot Challenge 103 18 алтынньы 2014 3 5:00 Москва, Арассыыйа
Кыайыы 2-0 Страхиня Денич Быһаарыы Tesla Fighting Championship 4 14 бэс ыйын 2014 3 5:00 Панчево, Сербия
Кыайыы 1-0 Василий Бабич Быһаарыы Oplot Challenge 96 18 тохсунньу 2014 3 5:00 Харьков, Украина Ыарахан аҥардаах ыйааһыннаахтарга дебют.[26]

Быһаарыылар

  1. ↑ Максим Сидоров. Магомед Анкалаев – биография бойца UFC из России. Sports.ru (1 июля). Сигэнии күнэ: 6 Атырдьах ыйын 2024.
  2. ↑ Интервью: Магомед Анкалаев - первый номер сборной России по ММА. Весовая категория до 93 кг, МСМК по ММА — БоксингТВ. www.xn--90acxpqg.xn--p1ai. Сигэнии күнэ: 17 Балаҕан ыйын 2018. Архивировано из оригинала 18 Балаҕан ыйын 2018 года.
  3. ↑ Магомед Анкалаев - чемпион России по ММА | Информационное агентство "Грозный-Информ". grozny-inform.ru. Сигэнии күнэ: 17 Балаҕан ыйын 2018. Архивировано 18 Балаҕан ыйын 2018 года.
  4. ↑ Боец Магомед Анкалаев признан "Спортсменом года" в ММА, ТАСС. Архыыптаммыт 2018, Балаҕан ыйын 18 күнүгэр. Сигэнии күнэ: 17 Балаҕан ыйын 2018.
  5. ↑ Магомед Анкалаев: Не ищу легких путей, примером в ММА мне служит путь Федора Емельяненко. www.sovsport.ru. Сигэнии күнэ: 17 Балаҕан ыйын 2018. Архивировано 18 Балаҕан ыйын 2018 года.
  6. ↑ Магомед Анкалаев и Фабрицио Вердум в Лондоне готовятся к турниру. grozniy.bezformata.ru. Сигэнии күнэ: 13 Кулун тутар 2018. Архивировано 18 Балаҕан ыйын 2018 года.
  7. ↑ РИА «Дагестан» Боец Магомед Анкалаев стал обладателем автомобиля на турнире памяти Адильгерея Магомедтагирова. www.riadagestan.ru. Сигэнии күнэ: 17 Балаҕан ыйын 2018. Архивировано 18 Балаҕан ыйын 2018 года.
  8. ↑ UFC SIGNS TOP LIGHT HEAVYWEIGHT PROSPECT MAGOMED ANKALAEV. mma-today.com. Сигэнии күнэ: 11 Алтынньы 2017.(кыаллыбат сигэ)
  9. ↑ UFC Fight Night 127 results: Paul Craig scores miracle submission of Magomed Ankalaev with one tick left(ааҥл.), MMAjunkie (17 March 2018). Архыыптаммыт 2018, Атырдьах ыйын 13 күнүгэр. Сигэнии күнэ: 17 Балаҕан ыйын 2018.
  10. ↑ UFC Fight Night 136 bonuses: Oleinik, Blachowicz among $50,000 winners(ааҥл.), MMAjunkie (15 September 2018). Архыыптаммыт 2018, Балаҕан ыйын 15 күнүгэр. Сигэнии күнэ: 17 Балаҕан ыйын 2018.
  11. ↑ UFC Prague results: Magomed Ankalaev tops gritty newcomer Klidson Farias (англ.). MMAjunkie (23 Олунньу 2019). Сигэнии күнэ: 24 Олунньу 2019. Архивировано 24 Олунньу 2019 года.
  12. ↑ Микаил Гусейнов. Анкалаев одержал четвёртую победу подряд в UFC, нокаутировав Куцелабу, Наурдиев проиграл (рус.). www.championat.com. Сигэнии күнэ: 1 Кулун тутар 2020. Архивировано 1 Кулун тутар 2020 года.
  13. ↑ Иван Ковалёв. Россиянин Анкалаев победил в США из-за судейского скандала. Рефери очень помог Магомеду (рус.). www.championat.com. Сигэнии күнэ: 2 Кулун тутар 2020. Архивировано 1 Кулун тутар 2020 года.
  14. ↑ Брагин, Игорь. В бою-реванше Халк кривляться не рискнул. Но Анкалаев отправил его в тяжёлый нокаут, championat.com (24 Алтынньы 2020). Сигэнии күнэ: 3 Кулун тутар 2025.
  15. ↑ Моренко, Вячеслав. Анкалаев одержал победу над украинцем Крыловым в соглавном поединке UFC Fight Night 186, championat.com (28 Олунньу 2021). Сигэнии күнэ: 3 Кулун тутар 2025.
  16. ↑ Анастасия Рацкевич. Биография Магомеда Анкалаева: жизнь и карьера россиянина в UFC. Спорт-Экспресс (21 Алтынньы 2023). Сигэнии күнэ: 6 Атырдьах ыйын 2024.
  17. ↑ Simon Samano, Mike Bohn. UFC books Magomed Ankalaev vs. Johnny Walker rematch to headline first event of 2024 (англ.). MMA Junkie (13 Сэтинньи 2023). Сигэнии күнэ: 6 Атырдьах ыйын 2024.
  18. ↑ Алексей Доспехов. Магомед Анкалаев повторил по правилам. Коммерсантъ (14 Тохсунньу 2024). Сигэнии күнэ: 6 Атырдьах ыйын 2024.
  19. ↑ В UFC пообещали россиянину титульный бой, РБК (21 Атырдьах ыйын 2024). Сигэнии күнэ: 21 Атырдьах ыйын 2024.
  20. ↑ Гасанов, Яхья. Игра в догонялки закончена. Анкалаев наконец-то получил титульник, championat.com (19 Тохсунньу 2025). Сигэнии күнэ: 21 Тохсунньу 2025.
  21. ↑ Анкалаев стал шестым в рейтинге UFC вне зависимости от весовых категорий, РИА Новости Спорт (11 Кулун тутар 2025). Сигэнии күнэ: 11 Кулун тутар 2025.
  22. ↑ UFC Fight Night 136 bonuses: Oleinik, Blachowicz among $50,000 winners (амер. англ.). MMA Junkie (15 Балаҕан ыйын 2018). Сигэнии күнэ: 2 Атырдьах ыйын 2022. Архивировано 3 Сэтинньи 2021 года.
  23. ↑ Jon Fuentes. UFC Moscow Bonuses, Attendance & Gate - LowKickMMA.com (амер. англ.) (9 Сэтинньи 2019). Сигэнии күнэ: 2 Атырдьах ыйын 2022. Архивировано 10 Сэтинньи 2019 года.
  24. ↑ Jay Anderson, Jay Anderson. UFC 254 Bonuses: Khabib Earns Performance Award in Final Fight (амер. англ.). Cageside Press (24 Алтынньы 2020). Сигэнии күнэ: 2 Атырдьах ыйын 2022. Архивировано 16 Ыам ыйын 2022 года.
  25. ↑ Record Book | UFC. statleaders.ufc.com. Сигэнии күнэ: 2 Атырдьах ыйын 2022. Архивировано 19 Алтынньы 2022 года.
  26. ↑ Sherdog.com Magomed Ankalaev MMA Stats, Pictures, News, Videos, Biography - Sherdog.com. Sherdog. Сигэнии күнэ: 19 Балаҕан ыйын 2018. Архивировано 19 Балаҕан ыйын 2018 года.

Сигэлэр

Эбии бу тиэмэҕэ

Категориялар