Андросов Виталий Тимофеевич

1951 сыллаахха атырдьах ыйын 7 күнүгэр Уус Алдан Бороҕонугар төрөөбүтэ.

1964 сыллаахха Майа муусука оскуолатын бүтэрбитэ.

1968 сыллаахха Дьокуускай куорат 2-с нүөмэрдээх орто оскуола бастакы физ-мат кылааһын бүтэрбитэ.

1974 сыллаахха Саха университетын медфагын бүтэрбитэ. 1984 сыллаахха Москваҕа кандидатскай диссертациятын көмүскээбитэ.

1986 сылтан 1989 сылтан диэри Саха АССР Доруобуйа харыстабылын министиэристибэтин сүрүн внештатнай гастроэнеролога этэ. 1992—1994 сылларга СӨ клинико-диогнастическэй киинин консультана этэ.

2005 сыллаахтан «Алампа» уопсастыбаннай тэрилтэ бэрэссэдээтэлэ этэ.

2015 сыллаахха «Кэскил» хаһыакка уонна «Саха ыраадьыйа» НКИХ-ха саха муусукатын туһунан 30 ыраадьыйа биэриитин бэлэмнээбитэ^[1].

Бастакы ырыатын («Суоппар ырыата») 1964 с. суруйбута. Барыта 140-тан тахса ырыаны суруйбута^[2][1].

19 кинигэ ааптара.

• Саха хомсомуолун бириэмийэтин лауреата (1988);
• Саха Өрөспүүбүлүкэтин култууратын үтүөлээх үлэһитэ (1994);
• Ил Түмэн бочуотунай грамотата (2011);
• Арассыыйа профессиональнай үрдүк үөрэхтээһинин бочуоттаах үлэһитэ;
• СӨ доруобуйатын харыстабылын туйгуна;
• СӨ профессиональнай үөрэхтээһинин туйгуна;
• СӨ «Гражданскай килбиэн» бочуот знагын кавалера;
• Губерантор Крафт, Алампа, Арктикаҕа үтүөтүн иһин бэлиэлэр хаһаайыннара;
• Мэҥэ-Хаҥалас улууһун бочуоттаах олохтооҕо.

• Дьокуускайдааҕы өрөспүүбүлүкэтээҕи балыаһа эндоскопическай салаата Виталий Андросов аатын сүгэр, киниэхэ аналлаах өйдөбүнньүк дуоска туруоруллубута^[1];
• 2026 сыл атырдьах ыйыгар Майа сэлиэнньэтигэр В. Т. Андросов төрөөбүтэ 75 сылыгар аналлаах «Андросов FEST» диэн бэстибээл буолан ааспыта^[3].