Нуучча тылынанАнал бырайыактар
Тылы уларыт
УРУБИИКИ ТУҺУНАН

Андреев Дмитрий Гаврильевич

УРУБИИКИ иһигэр маннык араспаанньалаах дьон туһунан ыстатыйалар бааллар, көр Андреев.

Андреев Дмитрий Гаврильевич (1912 сыл алтынньы 27 күнэ [сэтинньи 9 күнэ] , Кутана, Саха уобалаһа — 2003 сыл кулун тутар 1 күнэ) —сэбиэскэй хаһаайыстыбаннай диэйэтэл, сүөһү иитээччи, «Элгээйи» сопхуос биригэдьиирэ, Саха АССР Үрдүкү Сэбиэтин дьокутаата, Социалистыы Үлэ Дьоруойа.

Олоҕун олуктара

1912 сыллаахха алтынньы 27 күнүгэр Сунтаар улууһун Кутана нэһилиэгэр төрөөбүтэ.

Үлэтин 1932 сылтан үөрэҕэ суох буолууну суох оҥоруу хамсааһыныттан саҕалаабыта.

Биир сыллаах партийнай оскуоланы бүтэрбитэ (1935). 1934—1944 сылларга араас нэһилиэктэр сэбиэттэрин сэкирэтээрэ, бэрэссэдээтэлэ (Хаҥалас, Хадан, Түбэй, Сиэйэ). 1944 сыллаахха Сунтаар улууһун Күүкэй нэһилиэгин "Большевик" холкуоһун бэрэссэдээтэлинэн талыллыбыта. Холкуостар «Элгээйи» совхозка холбоспуттарын кэннэ, ити үлэтигэр биригэдьииринэн үлэлээбитэ.

1950 сыллаахха Дьокуускайга салайааччылар куурустарыгар үөрэммитэ.

1957 сылтан «Элгээйи» сопхуос Кутананааҕы салаатын Тумуллааҕы комплекснай биригээдэтин биригэдьииринэн үлэлээбитэ. Дмитрий Андреев биригээдэтэ сылын ахсын былаанын аһара толороро[1].

ССРС Үрдүкү Сүбэтин Президиумун 1966 сыл кулун тутар 22 күнүнээҕи Ыйааҕынан Андреев Дмитрий Гаврильевичка Социалистическай Үлэ Геройун аата иҥэриллибит, Ленин уордьана уонна «Сиэрпэ уонна Балта» кыһыл сулус туттарыллыбыт.

Саха АССР Үрдүкү Сэбиэтин VIII ыҥырыытын дьокутаатынан талыллан үлэлээбитэ.

2003 сыллаахха кулун тутар 1 күнүгэр өлбүтэ[2].

Наҕараадалара уонна ытык ааттара

  • Социалистыы Үлэ Дьоруойа[3] (1966);
  • «Сиэрпэ уонна Балта» мэтээл;
  • Ленин уордьана (1966);
  • Сунтаар улууһун ытык олохтооҕо[1].

Аатын үйэтитии

  • 2022 сыллаахха «Юбилейная» сиртэн хостоммут 55,46 карат ыйааһыннаах алмааска Дмитрий Андреев аата иҥэриллибитэ[1].

Быһаарыылар

  1. ↑ 1 2 3 Энциклопедия Якутии: [в 4 томах]. — Якутск: Академия наук РС(Я), 2024. — Т. 1.
  2. ↑ Андреев Дмитрий Гаврильевич. warheroes.ru. Сигэнии күнэ: 19 Атырдьах ыйын 2026.
  3. ↑ Официальный информационный портал Республики Саха (Якутия): Герои Социалистического Труда

Литэрэтиирэ

  • Владимир Пестерев. История Якутии в лицах. — Якутск: «Бичик», 2001.
  • Герои Социалистического Труда Якутской АССР: Биобиблиогр. справ. — Якутск, 1987. — С. 13—14.

Категориялар