Андреев Георгий Петрович
Георгий Петрович Андреев (төр. 1979 сыл от ыйын 24 күнэ, Дьокуускай) — Арассыыйа судаарыстыбаннай диэйэтэлэ, байыаннай сулууспалаах. АБДь кыттыылааҕа. Саха Өрөспүүбүлүкэтин урбаан, эргиэн уонна туризм миниистирэ (2025 сыл ыам ыйыттан).
Олоҕун олуктара
Георгий Андреев 1979 сыллаахха от ыйын 24 күнүгэр Дьокуускай куоракка төрөөбүтэ.
Үөрэҕэ
2001 сыллаахха М. К. Аммосов аатынан Дьокуускайдааҕы судаарыстыбаннай университет Финансово-экономическай институтун, 2004 сыллаахха Судаарыстыбаннай дьаһалымсыйыы институтун «Юриспруденция» хайысхатынан бүтэрбитэ. 2006 сыллаахха Арассыыйа билимин академиятын Сибиирдээҕи салаатын аспирантуратын «Эрэгийиэннээҕи экэниэмикэ» хайысхатынан түмүктээбитэ[1].
Үлэтэ
1995 сыл ыам ыйыттан 1996 сыл балаҕан ыйыгар диэри «Ю. И. Малеев» производственнай-коммерческай фирма бухгалтер-оператора.
1998 сыл — Дьокуускайдааҕы почтамт 5-с сибээс салаатын остуораһа.
2001 сыл балаҕан ыйыттан ахсынньытыгар диэри Саха Өрөспүүбүлүкэтин Экэниэмикэ министиэристибэтин бастыҥ специалиһа.
2001 сыл тохсунньу ыйыттан 2002 сыл алтынньытыгар диэри «Скрябина Г. Г.» ЧП толоруулаах дириэктэрэ.
2002 сыл алтынньытыттан 2003 сыл тохсунньу диэри «Якутгазпром» ААУо экономиһа.
2003 сыл олунньутуттан 2003 сыл атырдьах ыйыгар диэри «Дьокуускайдааҕы буровой үлэлэрин салайыыта» ХЭУо экономиһа.
2003 сыл атырдьах ыйыттан 2004 сыл алтынньытыгар диэри «Саханефтегаз» ААУо бизнес-аналитига.
2004 сыл атырдьах ыйыттан 2013 сыл кулун тутарыгар диэри «Андреев Г. П.» сулумах урбаанньыт.
2004 сыл сэтинньититтэн 2005 сыл атырдьах ыйыгар диэри СӨ Билимин академиятын Эрэгийиэннээҕи экэниэмикэ институтун старшай билим үлэһитэ.
2005 сыл балаҕан ыйыттан 2012 сыл олунньу ыйыгар диэри «Ростелеком» ААУо специалиһа, бастыҥ специалиһа, атыы-эргиэн менеджерэ, бөлөх салайааччыта[2].
2012 сыл олунньутуттан 2014 сыл алтынньытыгар диэри «Веснаком» ХЭУо дириэктэрэ.
2014 сыл алтынньытыттан 2020 сыл олунньутугар диэри «Цифровые технологии Якутии» ХЭУо дириэктэрэ[3].
2020 сыл олунньутуттан 2024 сыл атырдьах ыйыгар диэри Саха Өрөспүүбүлүкэтин инновацияҕа, сыыппара сайдыытыгар уонна инфокоммуникационнай технологияларга миниистирин солбуйааччыта.
2024 сыл атырдьах ыйыттан 2025 сыл кулун тутарыгар диэри байыаннай сулууспалаах, АБДь уонна КТО кыттыылааҕа.
2025 сыл ыам ыйыттан Саха Өрөспүүбүлүкэтин урбаан, эргиэн уонна туризм миниистирэ[2][4].
Наҕараадалара
- «Хорсун быһыы иһин» II истиэпэннээх мэтээл;
- «Анал байыаннай дьайыы кыттыылааҕа» мэтээл;
- «Курскай уобалаһын көмүскээччитэ» мэтээл;
- «Анал байыаннай дьайыы кыттыылааҕа. „Тигр“ этэрээт» мэтээл;
- «Гражданскай килбиэн» түөскэ кэтиллэр бочуоттаах бэлиэ[2].