Нуучча тылынанАнал бырайыактар
Тылы уларыт
УРУБИИКИ ТУҺУНАН

Аммосова Матрена Ивановна

УРУБИИКИ иһигэр маннык араспаанньалаах дьон туһунан ыстатыйалар бааллар, көр Аммосова.

Аммосова Матрена Ивановна (1930 сыл кулун тутар 12 күнэ, Силээннээх, Саха АССР — 2000 сыл ахсынньы 19 күнэ) — кыыл иитээччи, Социалистическай Үлэ Дьоруойа.

Олоҕун олуктара

Матрена Аммосова 1930 сыллаахха кулун тутар 12 күнүгэр Силээннээх нэһилиэгэр төрөөбүтэ.

Начаалынай үөрэҕи ылан баран, Аҕа дойду Улуу сэриитин сылларыгар олохтоох колхозка ыанньыксытынан үлэлээбитэ уонна сотору кэминэн оройуон бастыҥ ыанньыксыта буолбута.

1953 сыллаахтан дьиэ кэргэниниин кэргэнин дойдутугар ыаллыы сытар Тумат нэһилиэгэр көспүтэ уонна колхоз кыыл иитэр ферматыгар үлэлээбитэ. Кини кэргэнэ Иннокентий Алексеевич Томскай кыыл иитэр ферма бастакы тэрийээччитэ этэ, оттон Матрена Ивановна ферма тэриллэригэр көмөлөспүтэ.

1961 сыллаахха кыыл иитээччилэр биир сыллаах куурустарын бүтэрбитэ, 1962 сылтан «Усть-Янскай» совхоз күөх кырсаны иитэр ферматыгар старшай кыыл иитээччинэн үлэлээбитэ.

1965 сыллаахха Матрена Аммосова судаарыстыбаҕа 17 тыһыынча солкуобай суумалаах күөх кырса тириитин туттарбыта.

ССРС Үрдүкү Сүбэтин Президиумун 1966 сыл кулун тутар 22 күнүнээҕи Ыйааҕынан Матрена Ивановна Аммосоваҕа Социалистическай Үлэ Геройун аата иҥэриллибитэ.

Саха АССР Булуҥнааҕы 693 №-дээх быыбардыыр уокуругуттан СССР Үрдүкү Сэбиэтин Национальностар Сэбиэттэрин 9-с ыҥырыытын (1974—1979) дьокутаата. Саха АССР Үрдүкү Сэбиэтин дьокутаата[1].

Наҕараадалара уонна ытык ааттара

  • Усуйаана улууһун ытык олохтооҕо;
  • Социалистическай Үлэ Дьоруойа[2] (1966);
  • Ленин уордьана (22.03.1966)[1].

Аатын үйэтитии

  • 2022 сыллаахха Аммосова М. И. аата 2020 сыл ыам ыйын 12 күнүгэр «Үбүлүөйдээх» туруупкаттан хостоммут 71, 33 караттаах бөдөҥ ювелирнай алмааска иҥэриллибит[3].

Быһаарыылар

  1. ↑ 1 2 Аммосова Матрёна Ивановна. warheroes.ru. Сигэнии күнэ: 8 От ыйын 2026.
  2. ↑ Официальный информационный портал Республики Саха (Якутия): Герои Социалистического Труда
  3. ↑ В честь якутской колхозницы Матрены Аммосовой назвали крупный ювелирный алмаз — ЯСИА, Новости Якутии и Якутска — свежие новости онлайн на сайте ysia.ru — ЯСИА (9 Балаҕан ыйын 2022). Сигэнии күнэ: 8 От ыйын 2026.

Кини туһунан

  • Данилова А. П. Саха Сирин Ленин орденнаах дьахталлара. — Дь., 1974. — С. 13—15.
  • Николаева А. Саха Сирин Герой дьахталлара // «Хотугу сулус». — 1977. — № 3. — С. 73—78.
  • Томская О. Секреты ее жизни // «Заря Яны». — 1994. — 11 янв. — С.1.
  • Аммосова М. И. // Герои Соц. Труда Якутской АССР: Биобиблиогр. справ. — Якутск, 1987. — С. 10.

Сигэлэр

Категориялар