Нуучча тылынанАнал бырайыактар
Тылы уларыт
УРУБИИКИ ТУҺУНАН

Алексеев Иван Иванович

Алексеев Иван Иванович (1982 сыл олунньу 24 күнэ) — Арассыыйа судаарыстыбаннай диэйэтэлэ, 2024 сыл от ыйыттан Саха Өрөспүүбүлүкэтин үбүн миниистирин эбээһинэһин толорооччу.

Олоҕун олуктара

1982 сыллаахха олунньу 24 күнүгэр төрөөбүт[1].

Үөрэҕэ

2005 сыллаахха Санкт-Петербурдааҕы экэниэмикэ уонна үп судаарыстыбаннай университетын «Үп уонна кредит» хайысхатынан бүтэрбит.

2011 сыллаахха Москватааҕы үлэ уонна социальнай сыһыаннаһыы Академиятын «Юриспруденция» хайысхатынан бүтэрбит.

2016 сыллаахха Саха Өрөспүүбүлүкэтин Баһылыгын иһинэн инновационнай менеджмент Үрдүкү оскуолатын «Судаарыстыбаннай салайыы эйгэтигэр менеджмент» бырагырааматын туйгуннук бүтэрбит.

2021 сыллаахха Арассыыйа Федерациятын бэрэсидьиэнин иһинээҕи норуот хаһаайыстыбатын уонна судаарыстыбаннай сулууспа Арассыыйатааҕы академиятын (нууч.) (сах. (РАНХиГС) «Судаарыстыбыннай уонна муниципальнай салайыы» уонна «Социальнай эйгэ үлэһитэ» хайысхаларынан үөрэммит[2].

Үлэтэ

2005 сыл от ыйыттан 2009 сыл кулун тутарыгар диэри Саха Өрөспүүбүлүкэтин үбүн министиэристибэтигэр, ААУо «Алмазэргиэнбанк» АКБ, КИТ Финанс Инвестиционнай бааҥҥа (ААУо) араас дуоһунастарга үлэлээбит.

2009 сыл кулун тутарыттан 2010 сыл ахсынньытыгар диэри — «Томпо улууһа» МТ дьаһалтатын баһылыгын экэниэмикэҕэ уонна үпкэ солбуйааччыта.

2010 сыл ахсынньытыттан 2012 сыл ахсынньытыгар диэри — ААУо «Алмазэргиэнбанк» АКБ сыаналаах кумааҕылар ырыынактарыгар үлэ дьаһалтатын салайааччыта.

2013 сыл тохсунньутуттан атырдьах ыйыгар диэри «ЭПЛ Даймонд» хампаанньалар бөлөхтөрүн Бырабылыанньатын бэрэссэдээтэлин солбуйааччыта.

2013 сыл балаҕан ыйыттан 2014 сыл ахсынньытыгар диэри — Саха Өрөспүүбүлүкэтин экэниэмикэтин Министиэристибэтин судаарыстыбаннай бырагыраамалар уонна хаппытаалынай угуулар Департаменнарын салайааччытын солбуйааччыта.

2015 сыл тохсунньутуттан 2016 сыл ахсынньытыгар диэри — Саха Өрөспүүбүлүкэтин Баһылыгын Дьаһалтатын уонна Саха Өрөспүүбүлүкэтин Бырабыыталыстыбатын агропромышленнай комплексын уонна айылҕаны харыстааһын Департаменын салайааччытын солбуйааччыта.

2016 сыл ахсынньытыттан 2018 сыл алтынньытыгар диэри — Саха Өрөспүүбүлүкэтин үбүн миниистирин солбуйааччыта.

2018 сыл алтынньытыттан 2022 сыл ыам ыйын 31 күнүгэр диэри — Саха Өрөспүүбүлүкэтин үлэҕэ уонна социальнай сайдыыга миниистирин бастакы солбуйааччыта.

Саха Өрөспүүбүлүкэтин Баһылыгын 2022 сыл ыам ыйын 31 күнүнээҕи 2470 №-дээх Ыйааҕынан Саха Өрөспүүбүлүкэтин үбүн миниистирин бастакы солбуйааччытынан анаммыт[2].

Саха өрөспүүбүлүкэтин Баһылыгын 2024 сыл от ыйын 5 күнүнээҕи 365 №-дээх Ыйааҕынан Саха Өрөспүүбүлүкэтин үбүн миниистирин эбээһинэһин толорооччутунан анаммыт[2][3].

Наҕараадалара уонна ытык ааттара

«Россия Лидердэрэ» салайааччылар күрэхтэрин төрдүс түһүмэҕин «Судаарыстыбаннай салайыы» хайысхатын финалиһа (2022)[4].

Быһаарыылар

  1. ↑ Сегодня день рождения министра и журналистов (рус.). Сетевое издание Sakhalife (23 Олунньу 2025).
  2. ↑ 1 2 3 Алексеев Иван Иванович (рус.). Министерство финансов Республики Саха (Якутия) (23 Олунньу 2026).
  3. ↑ Иван Алексеев назначен исполняющим обязанности министра финансов Якутии (рус.). Yk24.ru (8 От ыйын 2024).
  4. ↑ Финалист «Лидеров России» Иван Алексеев назначен первым заместителем министра финансов Якутии (рус.). Лидеры России (2 Бэс ыйын 2022).

Категориялар