Алексеев Василий Гаврилович
Алексеев Василий Гаврилович (1937 сыл ахсынньы 5 күнэ, Элгээйи, Саха АССР — 2013 сыл алтынньы 30 күнэ) — учуонай, Саха Өрөспүүбүлүкэтин айылҕатын харыстабылын миниистирэ (1994—2006). Саха Өрөспүүбүлүкэтин ытык киһитэ.
Олоҕун олуктара
Василий Алексеев 1937 сыллаахха ахсынньы 5 күнүгэр Сунтаар улууһугар Элгээйи с. төрөөбүт.
1964 сыллаахха Томскайдааҕы судаарыстыбаннай университет биологияҕа салаатын бүтэрбит.
1970 с. — биология билимнэрин хандьыдаатыгар диссертациятын ситиһиилээхтик көмүскээн, ССРС НА Сибиирдээҕи салаатын Дьокуускайдааөы филиалыгар үлэҕэ киирбит.
1989 с. — Саха АССР Үрдүкү Сүбэтин дьокутаатынан талыллыбыт.
1993—1994 сс. — Саха Өрөспүүбүкэтин Президенын судаарыстыбаннай сүбэһитэ.
1994 сылтан 2006 сылга диэри Саха Өрөспүүбүлүкэтин айылҕа харыстабылын миниистирэ.
Василий Алексеев 2013 сыллаахха алтынньы 30 күнүгэр уһун ыарыыттан өлбүт.
Билим үлэтэ
Василий Гаврилович 1970 сыллаахха белок уонна нуклеиновай кислоталар (кэлин «экологическай биохимия») лабораториятын тэрийбитэ уонна 1990 сылга диэри салайбыта.
Кини ССРС НА Сибиирдээҕи салаатын Саха сиринээҕи филиалын Биология институтун Арктика туундаратыгар Походскай стационарын тэрийбитэ.
1970-с сылларыгар Василий Алексеев биология билимин хандьыдаата Василий Николаевич Дохунаевтыын уонна биология билимин дуоктара, профессор Никита Гаврилович Соломоновтыын буолан, «Үйэлээх тоҥ сир боруодатыгар үүнээйи сиэмэтин харайар криохранилище» диэн бырайыагы көҕүлээбиттэрэ.
«Устойчивость растений в условиях Севера: эколого-биохимические аспекты» монография ааптара.
Наҕараадалара уонна ытык ааттара
- Саха Өрөспүүбүлүкэтин норуотун хаһаайыстыбатын үтүөлээх үлэһитэ;
- Саха Өрөспүүбүлүкэтин ытык киһитэ (2001)[1].