Нуучча тылынанАнал бырайыактар
Тылы уларыт
УРУБИИКИ ТУҺУНАН

Азаров Егор Архипович

УРУБИИКИ иһигэр маннык араспаанньалаах дьон туһунан ыстатыйалар бааллар, көр Азаров.

Азаров Егор Архипович (1918, Бастакы Хомустаах нэһилиэгэ — 1944 сыл тохсунньу 31 күнэ, Днепропетровскай уобалас) — Аҕа дойду Улуу сэриитин кыттыылааҕа.

Олоҕун олуктара

1918 сыллаахха Бастакы Хомустаах нэһилиэгэр Нам улууһугар төрөөбүт.

Жданов аатынан холкуоска счетоводунан үлэлээбитэ, онтон аармыйаҕа 1941 с. Нам улууһун военкоматынан ыҥырыллыбыт.

1942 сыл ыам ыйыгар Иркутскайдааҕы байыаннай-инженернэй училищены бүтэрэн офицер аатын ылбыт. Ол сыл ахсынньытыттан сэриилэспит. Фроҥҥа сапердар взводтарын хамандыырынан сулууспалаабыт.

1944 сыллаахха тохсунньу 31 күнүгэр өлбүт. Украина Днепропетровскай уобалаһыгар Водяное сэлиэнньэҕэ буойуннар кылабыыһаларыгар (№ 1) көмүллүбүт[1][2].

Наҕараадалара уонна ытык ааттара

  • Кыһыл Сулус уордьана (14.02.1943)[3];
  • «Сталинград көмүскэлин иһин» мэтээл[4].

Аатын үйэтитии

Суруктара Нам түмэлигэр харалла сыталлар[5].

Быһаарыылар

  1. ↑ Информация в электронном банке документов ОБД «Мемориал»
  2. ↑ Информация в электронном банке документов ОБД «Мемориал»
  3. ↑ Наградные документы в электронном банке документов «Подвиг Народа»
  4. ↑ Азаров Егор Архипович. namlib.ru. Сигэнии күнэ: 17 Атырдьах ыйын 2026.
  5. ↑ М. Г. Старостин. Өлбөөдүйбэт үйэ аҥаара. — Дь.: Бичик, 1995.

Категориялар