Нуучча тылынанАнал бырайыактар
Тылы уларыт
УРУБИИКИ ТУҺУНАН

Авдеев, Александр Александрович

Александр Александрович Авдеев (төр. 1975 сыл атырдьах ыйын 12 күнэ, Калуга[d]) — Арассыыйа судаарыстыбаннай деятелэ. 2022 сыл балаҕан ыйын 16 күнүттэн (врио 2021 алтынньы 4 күнэ — 2022 балаҕан ыйын 16 күнэ) Владимирскай уобалас губернатора.

Калужскай уобалас Губернатора, Калужскай уобалас Бырабыыталыстыбатын чилиэнэ (2015—2016). Обнинскай куорат мэрэ (2010—2015), 2016 сылтан — VII ыҥырыылаах судаарыстыбаннай Дуума дьокутаата буолар.

«Биир ньыгыл Арассыыйа» баартыйа чилиэнэ.

Биография

Александр Авдеев 1975 сыллаахха атырдьах ыйын 12 күнүгэр Калуга куоракка Калужскай турба собуотугар рабочайдар дьиэ кэргэттэригэр төрөөбүтэ. Кэлин аҕата партийнай линиянан үрдээбитэ.

17 №-дээх оскуолаҕа үөрэммитэ. Н. Э. Бауман аатынан МГТУ Калужааҕы филиалын бүтэрбитэ. Массыына оҥорор факультета (1998), «Инженер- механик» идэтинэн. 1999 сыллаахха университет экономическай факультетын «Экономист- менеджер» идэтин бүтэрбитэ.

1999 сыллаахха Калужскай уобалас дьоҕус предпринимательствоны өйүүр судаарыстыбаннай пуондатыгар аналитика финансиһын дуоһунаһыгар киирбитэ.

2003 сылтан 2004 сылга диэри салайар кадрдары бэлэмнээһин Бэрэсидьиэн программатынан үөрэтии ыытылынна. 2001 сылтан 2006 сылга диэри үп аналитига, онтон «Группа Эликор» хампаанньаҕа финансовай-аналитическай салаа начальнига этэ.

Кулун тутар 23 күнүттэн 2010 сылга Обнинскай куорат дьаһалтатын баһылыгын экономическай сайдыыга солбуйааччы. Бэс ыйын 29 күнүгэр 2010 с. Обнинскай куорат Мунньаҕын быһаарыытынан Обнинскай куорат дьаһалтатын баһылыгынан анаммыта[1].

2015 сыл балаҕан ыйын 19 күнүгэр куорат баһылыгын боломуочуйатын тохтоппута. Ол сыл балаҕан ыйыттан Авдеев Калуга уобалаһын губернаторын солбуйааччытын — Калуга уобалаһын губернаторын дьаһалтатын салайааччытын дуоһунаһын, онтон 2015 сыл сэтинньититтэн 2016 сылга диэри — Калуга уобалаһын губернатор солбуйааччытын дуоһунаһын толорбута.

2016 сыл балаҕан ыйын 18 күнүгэр Авдеев Арассыыйа Федерациятын VII ыҥырыылаах Судаарыстыбаннай Дууматыгар быыбарга кыайбыта. Кини «Биир Ньыгыл Арассыыйа» баартыйаны бэрэстэбиитэллээн, 99 №-дээх Калугатааҕы биир мандааттаах быыбардыыр уокурукка дьокутаатынан талыллыбыта. Быыбарга кини 46,66 % куолаһы ылбыта, онтон Судаарыстыбаннай Дуумаҕа хонтуруол уонна регламент кэмитиэтин чилиэнэ этэ, кыра уонна орто урбааны өйөөһүн боппуруостарыгар хамыыһыйа састаабыгар киирэрэ[2].

2021 сыл балаҕан ыйын 19 күнүгэр «Биир ньыгыл Арассыыйа» баартыйаттан Арассыыйа Федерациятын VIII ыҥырыылаах Судаарыстыбаннай Дууматын дьокутаатынан талыллыбыта. Федеральнай уокурукка 2021 сыл алтынньы 14 күнэ (Калууга, Орёл уобаластара) эрэгийиэннээҕи бөлөх иһинэн иккис нүөмэринэн турбута. 2021 сыл алтынньы 14 күнүгэр боломуочуйатын тохтоппута.

2021 сыл алтынньы 4 күнүгэр Арассыыйа бэрэсидьиэнэ Владимир Путин Авдеевы Владимирскай уобалас губернаторатын быстах кэмҥэ толорооччунан анаабыта.

2021 сыл ахсынньы 3 күнүгэр — «Биир ньыгыл Арассыыйа» баартыйа Владимирскайдааҕы эрэгийиэннээҕи салаатын сэкиритээринэн быстах кэмҥэ толорооччута[3].

2022 сыл атырдьах ыйыгар бэрэсидьиэн Путин Авдеев дакылаатын видео сибээһинэн ылан, Владимирскай уобалас социальнай-экономическай сайдыытын үчүгэй көрдөрүүлэрин бэлиэтээбитэ. Бэрэсидьиэн уобаласка балаһыанньаны бигэ, сөптөөх диэн сыаналаабыта, ону сүрүн көрдөрүүлэртэн көрүөххэ сөп: промышленность оҥорон таһаарыыта, тыа хаһаайыстыбата, тутуу үүнэр; сууллар туруктаах дьиэ Арассыыйа ортотунааҕытыттан аҕыйах, үлэтэ суох буолуу таһыма Арассыыйа ортотунааҕытыттан намыһах. Ону тэҥэ, Путин Авдеев болҕомтотун уобаласка анал экономическай зонаны уонна социальнай-экономическай сайдыыны түргэтэтэр сири оҥорор үлэҕэ болҕомтотун уурарыгар эппитэ[4].

Путин Авдеев болҕомтотун уобаласка 2021 сылга «алкоголизм» уонна «алкогольнай психоз» диэн диагностаах олохтоох ахсаана 100 тыһ. олохтоохтон 122,6 буоларын туһугар тарта, ол Арассыыйа орто көрдөрүүтүттэн 2,6 төгүл үрдүк буолар, онон, бэрэсидьиэн ыйбытынан, Владимир сиригэр-уотугар доруобай олох тарҕаныыта ирдэнэр[5].

2022 сыл балаҕан ыйын 12 күнүгэр Авдеев Владимир уобалаһын баһылыгын быыбарыгар 83,68 % куолаһы ылан кыайыыны ситиспитэ[6].

Сокуону оҥорор үлэ

Государственнай Дума депутатын боломуочуйаларын толоруу устатыгар, 2016—2019 сылга диэри федеральнай сокуоннар бырайыактарыгар 10 сокуон барылын хос ааптара уонна уларытыылары киллэрбитэ[7].

Дьарыга

Көхтөөх сынньаланы ордорор. Футболунан, баскетболунан, устунан, виндсерфининэн, кыһыҥҥы уонна сайыҥҥы балыгынан үлүһүйэллэр. Эдэр сылдьан Металлист этим. Тапталлаах музыкальнай бөлөхтөр: Metallica, Nirvana, Scorpions, Megadeth, Ария, Киинэ, Бириэмэ Массыына, Калиновка күргэ. Таптыыр кинигэлэр: «Властелин колец», «Атлант расправил плечи». Айан суолун таптыыр. Астан балыгы ордорор.

Дьиэ кэргэнэ

Кэргэнэ-Светлана Вячеславовна Авдеева (баан сулууспата), кыыс уонна уол оҕолоохтор.

Наҕараадалара

  • Доҕордоһуу уордьана (2024);
  • «Калужскай уобалаһын ураты өҥөлөрүн иһин» II истиэпэннээх мэтээл;
  • «За особые заслуги перед Калужской областью» III истиэпэннээх мэтээл;
  • «Калужскай уобалас 70 сыла» үбүлүөй мэтээлэ;
  • «Арассыыйа Федерациятын прокуратуратын 290 сыла» Арассыыйа прокуратуратын мэтээлэ;
  • «Маршал Василий Чуйков» Арассыыйа ЫБМС медалиһа;
  • «XXII Олимпийскай кыһыҥҥы оонньуулар уонна XI Паралимпийскай оонньуулар. Сочи» мэтээл;
  • Арассыыйа ИДЬМ киин аппаратын бэтэрээннэр Сэбиэтин «Арассыыйаҕа сулууспатын иһин» уордьана.

Дойдулар ыккардыларынааҕы санкциялар

Авдеев 2022 сыл от ыйыттан Улуу Британия санкциятыгар баар. 2022 сыл ахсынньы 15 күнүттэн — АХШ санкциятыгар баар.

Ону тэҥэ Австралия, Саҥа Зеландия, Украина уонна Канаада санкцияларын испииһэктэригэр баар.

Быһаарыылар

  1. ↑ Персоны: Авдеев Александр Александрович. raexpert.ru. Сигэнии күнэ: 22 Сэтинньи 2018.
  2. ↑ Биография врио губернатора Владимирской области Александра Авдеева. ТАСС (4 Алтынньы 2021). Сигэнии күнэ: 5 Сэтинньи 2025.
  3. ↑ Главы ещё 12 субъектов РФ возглавили региональные отделения «Единой России» (рус.). er.ru. Сигэнии күнэ: 3 Ахсынньы 2021. Архивировано 3 Ахсынньы 2021 года.
  4. ↑ Путин удовлетворен показателями социально-экономического развития Владимирской области, ТАСС. Сигэнии күнэ: 5 Сэтинньи 2025.
  5. ↑ Путин призвал Авдеева не считать, что «пьют мужики и дальше будут пить», РБК. Сигэнии күнэ: 5 Сэтинньи 2025.
  6. ↑ Авдеев победил на выборах главы Владимирской области, РИА Новости (20220912T0336). Сигэнии күнэ: 5 Сэтинньи 2025.
  7. ↑ Объекты законотворчества :: Система обеспечения законодательной деятельности. sozd.duma.gov.ru. Сигэнии күнэ: 2 Атырдьах ыйын 2019.

Ссылка

Категориялар