Cосин Константин Ильич
Cосин Константин Ильич (төр. 1944 сыл балаҕан ыйын 5 күнэ, Үөһээ Дьааҥы) — оҕо суруйааччыта, бэйиэт. 1994 сылтан Арассыыйа Суруйааччылар сойуустарын чилиэнэ.
Биографията
Верхоянскай куоракка зоотехник дьиэ кэргэнигэр төрөөбүтэ. 1964 сыллаахха Мэҥэ Хаҥалас улууһун Бүтэйдээх орто оскуолатын, онтон 1973 сыллаахха СГУ устуоруйа-тыл факультетын кэтэхтэн үөрэнэн бүтэрэр. Мэҥэ Хаҥалас оскуолаларыгар сүүрбэттэн тахса сыл саха тылын уонна литературатын үөрэтэр.
Бастакы хоһоонун «Байкалов туhунан ырыа» 1957 сыллаахха «Колхоз кырдьыга» диэн улуустааҕы хаһыакка таһаартарбыта.
1973 сылтан 2008 сылга диэри Мэҥэ-Хаҥаласка Наахара уонна Тыыллыма орто оскуолаларыгар саха тылын уонна литэрэтиирэтин учууталынан үлэлээбитэ.
1983 сыллаахха кыра оҕолорго анаммыт «Бойтоҥо-ыстаҥа» диэн бастакы кинигэтин таһаарар[1].
1984 сылтан ССРС Суруйааччыларын сойууһун, онтон Арассыыйа Суруйааччыларын сойууһун чилиэнэ[2].
Өрөспүүбүлүкэтээҕи хаһыаттарга, «Чолбон» сурунаалга уонна холбоһуктаах хомуурунньуктарга бэчээттэнэрэ. Бастыҥ айымньылара саха оскуолаларыгар кылаас таһынан ааҕыы пособиеларыгар киирбиттэрэ, сорохторо оҕо литературатыгар анаммыт өрөспүүбүлүкэтээҕи күрэхтэргэ бэлиэтэммиттэрэ. К. Сосин сорох хоһоонноро ньууччалыы тылбаастаммыттара уонна нууччалыы тыллаах хаһыаттарга тахсыбыттара.
Наҕараадалара
- Саха Өрөспүүбүлүкэтин норуот үөрэҕириитин туйгуна (1999);
- Гражданскай килбиэн (2003);
- Мэҥэ-Хаҥалас улууһун ытык олохтооҕо (2005);
- «Учууталлар учууталлара» бэлиэ (2014);
- Моорук нэһилиэгин ытык олохтооҕо;
- Тыыллыма нэһилиэгин ытык олохтооҕо (2015);
- Н. Е. Мординов-Амма Аччыгыйа аатынан Саха Өрөспүүбүлүкэтин бириэмийэтэ (2018);
- Арассыыйа Федерациятын Суруйааччыларын сойууһун грамотата (2019).
Кинигэлэрэ
- Бойтоно — ыстана. Хоhооннор. — Дьокуускай, 1983.
- Эбэм, эhэм аахха. Хоhооннор. — Дьокуускай, 1986.
- Умнуллубат мичээр. Хоhооннор. — Дьокуускай, 1987.
- Биэлсэр Нарыйа остуоруйалара. Хоhооннор. — Дьокуускай, 1993.