Нуучча тылынанАнал бырайыактар
Тылы уларыт
УРУБИИКИ ТУҺУНАН

Юдинцева Татьяна Владимировна

Татья́на Влади́мировна Ю́динцева  (Уссурийскай[d]) — 2023 сыллаахха Арассыыйа Бэрэсидьиэнин ыйааҕынан «Дьоруой Ийэ» аатынан наҕараадаламмыт элбэх оҕолоох ийэ[1]. «Ийэ албан аата» (2008) мэтээлинэн, «Төрөппүт албан аата» (2018) мэтээлинэн наҕараадаламмыта.

Олоҕун олуктара

Татьяна Юдинцева Уссурийскай куоракка төрөөбүтэ. Үөрэҕинэн — иистэнньэҥ-закройщик, ательеҕа үлэлээбит. Кэргэнин, Павел Васильевиһы кытта кэмиттэн кэмигэр куоракка кэлэригэр билсибитэ. От ыйын 12 күнүгэр 1997 сыллаахха ыал буолбуттара. Бастаан Нерюнгри куоракка көһөн, онтон Саха Сирин соҕуруутугар Иенгра сэлиэнньэтигэр олороллор. Татьяна уонна Павел — иккиэн элбэх оҕолоох ыаллар оҕолоро. Татьяна уон бииргэ төрөөбүттээх, кэргэнэ — уон икки эбит. Билигин бэйэлэрэ 14 оҕону иитэллэр. Юдинцева Г. М. Василевич аатынан Золотинка интернат-оскуолатыгар иистэнньэҥинэн уонна кладовщик-кастеляншанан үлэлиир. Кини матараас, сыттык, орон таҥаһын, канцтовар, национальнай көстүүм ыскылаатыгар эппиэттиир. Маны таһынан, штора, техническэй персоналга анаан форманы тигэринэн дьарыктанар. 2022 сыллаахха эбэҥки национальнай көстүүмнэрин тигэргэ үөрэммитэ. Кини кэргэнэ идэтинэн — токарь уонна слесарь-сантехник — гаас бытовой установкаларын хааччыйыынан, сантехническай оборудованиенан дьарыктанар[2][3].

Оҕолоро

Юдинцевтар бастакы кыыстара Галина, 1998 сыллаахха төрөөбүтэ. Благовещенскайга Амур судаарыстыбаннай мэдиссиинэ академиятын лечебнай факультетын устудьуона. Кыыһа Елена Нерюнгритааҕы медицинскэй колледжка фельдшеринэн үлэлиир. Уола Сергей — чох хостуур хампаанньаҕа электрик, Екатерина — Нерюнгри куорат бибилэтиэкэтигэр инженер-программист. Уолаттара Тимофей, Владимир уонна Александр — Соҕуруу Саха технологическэй колледж араас факультеттарын устудьуоннара. Кыра оҕолоро (Людмила, Евгений, Ирина, Марк, Маргарита, Наташа, Анита) — Г. М. Василевич аатынан Золотинскай интернат-оскуола үөрэнээччилэрэ. Юдинцевтар оҕолоро-эрэгийиэннээҕи, арассыыйатааҕы предметнэй олимпиадалар кыайыылаахтара уонна призердара, оскуола бары тэрээһиннэрин кыттыылаахтара, араас музыкальнай инструменнарга оонньууллар, спордунан дьарыктаналлар[2][3][4].

Наҕараадалара

2008 сыллаахха Татьяна Юдинцева «Ийэ албан аата» бэлиэнэн наҕараадаламмыта[5]. Кэргэнэ эмиэ туспа наҕараадалаах — 2021 сыллаахха Саха Өрөспүүбүлүкэтин Үрдүкү бочуоттаах бэлиэтин — «Ытык аҕа» аатынан наҕараадаламмыта[6].

«2018 сыллаахха Юдинцевтарга «Төрөппүт албан аата» уордьаны Улахан Кремль дыбарыаһын Александровскай саалатыгар Владимир Путин туттарбыта[7].

2023 сыл күһүнүгэр Арассыыйа Бэдэрээссийэтин Бэрэсидьиэнэ В. В. Путин Татьяна Юдинцеваҕа дьиэ кэргэн институтун бөҕөргөтүүгэ уонна оҕону иитиигэ улахан өҥөлөрүн иһин «Дьоруой Ийэ» ытык аатын иҥэрбитэ.

Быһаарыылар

  1. ↑ Указ Президента Российской Федерации от 23.10.2023 № 797 ∙ Официальное опубликование правовых актов ∙ Официальный интернет-портал правовой информации. publication.pravo.gov.ru. Сигэнии күнэ: 9 Кулун тутар 2026. Архивировано 14 Сэтинньи 2022 года.
  2. ↑ 1 2 Татьяна Юдинцева: "Дети - дар божий!". vecherniy.com. Сигэнии күнэ: 9 Кулун тутар 2026.
  3. ↑ 1 2 Путин присвоил якутянке звание «Мать-героиня». jour-ykt.ru. Сигэнии күнэ: 9 Кулун тутар 2026.
  4. ↑ Чем больше детей – тем больше счастья! Удивительная семья из Якутии. SakhaNews (29 Алтынньы 2023). Сигэнии күнэ: 9 Кулун тутар 2026.
  5. ↑ Указ Президента Республики Саха (Якутия) от 16.10.2008 N 1154 "О награждении государственными наградами Республики Саха (Якутия) в связи с Днем матери" | ГАРАНТ. base.garant.ru. Сигэнии күнэ: 20 Кулун тутар 2026.
  6. ↑ Многодетных отцов Якутии наградили знаком «Ытык А5а». Сигэнии күнэ: 20 Кулун тутар 2026.
  7. ↑ Вручение орденов «Родительская слава», Президент России. Сигэнии күнэ: 20 Кулун тутар 2026.

Сигэлэр

Категориялар