Нуучча тылынанАнал бырайыактар
Тылы уларыт
УРУБИИКИ ТУҺУНАН

Шамаев Пётр Витальевич

УРУБИИКИ иһигэр маннык араспаанньалаах дьон туһунан ыстатыйалар бааллар, көр Шамаев.

Пётр Витальевич Шамаев (1985 сыл ахсынньы 17 күнэ, Тааһаҕар, Саха АССР) — Арассыыйа судаарыстыбаннай деятелэ, 2021 сыл алтынньы 23 күнүттэн Саха Өрөспүүбүлүкэтин ыччат бэлиитикэтин уонна социальнай коммуникациялар миниистирэ. АБДь (нууч.) (сах. кыттыылааҕа.

Биография

1985 сыл ахсынньы 17 күнүгэр Саха АССР Бүлүү оройуонугар Тааһаҕар сэлиэнньэҕэ төрөөбүтэ[1].

2009 сыллаахха М. К. Аммосов аатынан Хотугулуу-Илиҥҥи федеральнай университеты «эколог-преподаватель» идэтинэн бүтэрбитэ[2].

2009—2011 сылларга «Илиҥ экспресс баан» КБ ААУо менеджера этэ[2].

2012—2014 сылларга «М. К. Аммосов аатынан ХИФУ» «Сергелях» ФГАОУ ВПО устудьуоннар куораттарын дириэктэрин солбуйааччы этэ, уонна 2014—2018 сылларга устудьуоннар куораттарын дириэктэринэн үлэлээбитэ[2].

2018—2020 сылларга Ил Дархан дьаһалтатын ис бэлиитикэҕэ департаменын уонна Саха Өрөспүүбүлүкэтин бырабыыталыстыбатын референ быһыытынан үлэлээбитэ[2].

Саха Өрөспүүбүлүкэтин Ил Дархан 2021 сыл алтынньы 23 күнүнээҕи N 2098 Ыйааҕынан, Саха Өрөспүүбүлүкэтин ыччат дьыалаларыгар уонна социальнай коммуникацияларга миниистиринэн анаммыта[2]. 2024 сыллаахха анал байыаннай эпэрээссийэҕэ кыттыытын иһин үлэ дуогабара тохтотуллубута[2].

2025 сыл атырдьах ыйын 4 күнүгэр Петр Шамаев ыччат дьыалаларыгар уонна социальнай коммуникациялар миниистирин дуоһунаһыгар төннүбүтэ[3].

Украинаҕа анал байыаннай дьайыы

2024 сыл балаҕан ыйыгар Шамаев Арассыыйа Сэбилэниилээх күүстэрин кытта контрагы илии баттаабыта, Украинаҕа байыаннай дьайыыга айаннаабыта[4].

2025 сыл олунньутугар Саха Сирин былаастара суруйбуттарынан, Пётр Шамаев бойобуой сорудаҕы толоро сылдьарыгар ыараханнык бааһырбыта[4]. Хас да эпэрээссийэни ааспыта, уҥа атаҕын сорҕотун ампутациялаабыттара, протез ылбыта[5].

Пётр Шамаев фронтан хаартыската

Дьиэ кэргэн

Кэргэннээх. Ыал икки кыыс уонна биир уол оҕолоохтор[6].

Санкциялар

2025 сыл сайыныгар Пётр Шамаев аата «Миротворец (нууч.) (сах.» ситим-сирин испииһэгэр киирбитэ[7].

Быһаарыылар

  1. ↑ Сильный лидер возглавил Минмолодежи Якутии. https://ysia.ru. ЯСИА (23 Алтынньы 2021). Сигэнии күнэ: 24 От ыйын 2025.
  2. ↑ 1 2 3 4 5 6 Шамаев Петр Виталиевич. https://minmol.sakha.gov.ru. https://minmol.sakha.gov.ru.+Сигэнии күнэ: 24 От ыйын 2025.
  3. ↑ Петр Шамаев СВО кэнниттэн ыччат миниистирин дуоһунаһыгар төнүннэ. https://sakha.ysia.ru. СИА (4 Атырдьах ыйын 2025). Сигэнии күнэ: 5 Атырдьах ыйын 2025.
  4. ↑ 1 2 В Якутии участник СВО вернется к своим обязанностям министра по делам молодежи. https://tass.ru. ТАСС (12 Ыам ыйын 2025). Сигэнии күнэ: 24 От ыйын 2025.
  5. ↑ После полной реабилитации Петр Шамаев вернется на пост министра по делам молодежи Якутии. https://ysia.ru. ЯСИА (4 Бэс ыйын 2025). Сигэнии күнэ: 24 От ыйын 2025.
  6. ↑ Пётр Шамаев telegram-ханаала (19 Бэс ыйын 2025). Сигэнии күнэ: 24 От ыйын 2025.
  7. ↑ Петр Шамаев «Миротворец» саайт испииһэгэр киллэрилиннэ. https://sakha-sire.ru. Саха сирэ (17 Атырдьах ыйын 2025). Сигэнии күнэ: 18 Атырдьах ыйын 2025.

Сигэлэр

Эбии бу тиэмэҕэ

Категориялар