Шамаев Иван Иванович
Шамаев Иван Иванович (төр. 1952 сыл олунньу 28 күнэ, Үөһээ Бүлүү, Саха АССР) — физика уонна математика билимнэрин дуоктора. Республикатааҕы лицей дириэктэрэ. Ил Түмэн V ыҥырыытын дьокутаата.
Олоҕун олуктара
Иван Шамаев 1952 сыллаахха олунньу 28 күнүгэр Үөһээ Бүлүүгэ төрөөбүт.
1969 сыллаахха Үөһээ Бүлүү орто оскуолатын, М. А. Алексеев арыйбыт физикаҕа уонна математикаҕа дьоҕурдаах оҕолор кылаастарыгар үөрэнэн, бүтэрбит.
1974 сыллаахха Новосибирскайдааҕы судаарыстыбаннай университетын бүтэрбит (идэтэ «математика»). Ол кэннэ НГУ аспирантуратыгар үөрэммит. 1978 сылтан Саха судаарыстыбаннай университетыгар үлэлээбит.
1982 с. — физика-математика билимнэрин кандидата.
1992 сылтан 1994 сылга диэри М. К. Аммосов аатынан Саха судаарыстыбаннай университетын доцена[1].
1994 сылтан Өрөспүүбүлүкэтээҕи лицей дириэктэрэ.
1995 с. — физика-математика билимнэрин дуоктора.
2005—2007 сс. — Саха Уопсастыбаннай Киинин бэрэссэдээтэлэ.
2011—2014 сс. — Саха Өрөспүүбүлүкэтин Уопсастыбаннай Палататын чилиэнэ[2].
2014 сыл балаҕан ыйыттан — Ил Түмэн V ыҥырыытын дьокутаата.
Дьиэ кэргэнэ
Кэргэннээх. Ыал биир кыыс оҕолоох, түөрт уоллаах. Биирдэстэрэ Платон Шамаев — адвокат.
Наҕараадалара уонна ытык ааттара
- «Саха Өрөспүүбүлүкэтин учууталларын учуутала» бэлиэ;
- РФ бүттүүн үөрэҕириитин туйгуна;
- Үөһээ Бүлүү улууһун ытык киһитэ;
- Үөдүгэй нэһилиэгин ытык киһитэ.