Чикачев Андрей Васильевич

1967 сыл муус устар 27 күнүгэр Саха АССР Ленинскэй оройуонун (билиҥҥитэ — Ньурба улууһа) Хатыҥ Сыһыы сэлиэнньэтигэр төрөөбүт. 3-7 кылаастарга Сунтаар уус-уран оскуолатыгар үөрэммит. 1982 сыллаахха Сунтаар орто оскуолатын бүтэрэн баран, Дьокуускайдааҕы уус-уран училищеҕа үөрэнэ киирбит. 1986 сыллаахха Уһук Илиннээҕи ускуустуба институтугар (Владивосток к.) Литвинов С. А. мастарыскыайыгар живопись факультетыгар үөрэнэ киирбит. Бастакы куурус Кэнниттэн Сэбиэскэй Аармыйа кэккэтигэр сулууспалаабыт. Сулууспа кэнниттэн үөрэҕин салҕаабыт. Институтка үөрэнэ сылдьан ыччат быыстапкаларыгар кыттар эбит. Айар үлэтэ 1996 сыллаахтан саҕаламмыт. 1998 сыллаахха Арассыыйа худуоһунньуктарын Сойууһун чилиэнэ буолбут. 2015 сылтан — Ойуунускай аатынан Судаарыстыбаннай бириэмийэтин аныыр хамыыһыйаҕа киирэр.

Үлэлэрэ СӨ Уус-уран түмэлигэр, араас галереяларга, ону таһынан АХШ, Улуу Британия, Канаада, Соҕуруу Кэриэйэ, Германия, Япония чааһынай кэллиэксийэлэригэр бааллар.

Бастакы «Күн дьоно» («Люди Солнца») диэн тус быыстапката 2012 сыллаахха Ясная Полянаҕа (Туула уобалаһа) буолан ааспыт^[2].

Дьокуускайга тус быыстапката 2013 сыллаахха тохсунньу 17 күнүгэр Национальнай уус-уран түмэлгэ аһыллыбыт.

2021 сылтан Чиряевтар ааттарынан Дьокуускай куораттааҕы Национальнай гимназияҕа, ойуулуур-дьүһүннүүр ускуустубаҕа Оҕо түмэлин киинигэр Чикачев тус быыстапката ыытыллар^[3].

• Күһүн (1996);
• Сайын (1996);
• Ыра санаа (1997);
• «Одуванчики. Три грации» (2002);
• «Эбэ о5ото» (2004);
• «Бэрт Бэргэнчэ» (2006);
• «Мунду бухатыыра» (2008);
• «Коббойдар»;
• «Кемyс ардах» (2012).

• В. Васильев аатынан «Весна в декабре» бириэмийэ лауреата;
• Арассыыйа худуоһунньуктарын Сойууһун «Духовность. Традиции. Мастерство» бэлиэтэ;
• Саха Өрөспүүбүлүкэтин ускуустубатын үтүөлээх деятелэ (2001);
• П. А. Ойуунускай аатынан Судаарыстыбаннай бириэмийэ лауреата (2013).