Хатылаев Герман Васильевич
Герман Васильевич Хатылаев (1961 ахсынньы 19) — саха ырыаһыта, мусукаана, Саха Өрөспүүбүлүкэтин норуодунай артыыһа, Ю. Е. Платонов аатынан Судаарыстыбаннай эстрада тыйаатырын солиһа[1].
Олоҕун олуктара
1961 сыл ахсынньы 19 күнүгэр Таатта улууһун Баайаҕа сэлиэнньэтигэр төрөөбүтэ.
1986 сыллаахха Дьокуускайдааҕы педагогическай училище муусука салаатын, 2002 сыллаахха Саха судаарыстыбаннай университетын культурология салаатын бүтэрбитэ[2].
1987 сыллаахха Судаарыстыбаннай филармонияҕа үлэҕэ киирбитэ. Ити сыл Клавдия Хатылаевалыын «Якутск-87» ырыа күрэхтэһиитигэр дуэтынан тахсан, көрөөччүлэр биһирэбиллэрин ылбыттара[2].
1988—1991 сылларга «Эрэл» ырыа уонна үҥкүү ансамблыгар, 1991 сылтан «Иэхэй-чуохай» кантри-фолк бөлөххө үлэлээбитэ.
1998 сыллаахха Эстрада тыйаатырыгар киирбитэ[2].
Айар уонна үөрэтэр үлэтэ
Клавдия Хатылаевалыын саха төрүт муусукатын уонна ырыатын толороллор. 2000 сылтан оҕолору муусукаҕа үөрэтэллэр. «Звуки природы» этно-муусука киинин тэрийбиттэрэ, «Тэтим» уонна «Дьөһөгөй» бөлөхтөрү салайбыттара[2].
«Лоокуут уонна Ньургуһун», «Дыгын Дархан» уонна атын испэктээктэргэ муусука суруйбута[2].
Дьиэ кэргэнэ, аймахтара
- Кэргэнэ — Клавдия Хатылаева, ырыаһыт.