Харитонов Савва Прокопьевич

1901 с. атырдьах ыйын 6 (19) к. Томпо оройуонун III Байаҕантай нэһилиэгэр төрөөбүтэ. 1909—1912 сс. Кириэс-Халдьаайы оскуолатыгар үөрэммит, икки сыл Дьокуускайдааҕы реальнай училищеҕа үөрэммит. 1923—1927 сс. учууталлаабыт. 1925 с. Кириэс-Халдьаайы орто оскуолатыгар бастакы комсомольскай ячейканы тэрийэр. 1927—1928 сс. Дьокуускай уобаластааҕы сэбиэскэй партийнай оскуолаҕа үлэлиир. 1928 с. бжс ыйыттан ЯЦМК комиссариатын чилиэн-сэкирэтээрэ. 1929—1932 сс. "Кыым"хаһыат эрэдээктэринэн, онтон сүрүн эрэдээктэринэн үлэлиир. 1938 с. А. С. Пушкин аатынан Дьокуускай судаарыстыбыннай бибэлэтиэкэҕэ библиографтыыр. 1937—1938 сс. Мэҥэ-Хаҥалас Хаптаҕай сэттэ кылаастаах оскуолатыгар учууталлыыр. 1940—1943 сс. Дьокуускай госиздатыгар эрэдээктэрдиир. Ону таһынан, нуучча тылын уонна литэрэтиирэтин учууталынан үлэлиир, 1961 с. биэнсийэҕэ тахсар.

М. Е. Салтыков-Щедрин «Бэрт муударай ылбай», А. П. Чехов «Эһэ», марксизм-ленинизм айымньыларын тылбаастаабыт

Г. С. Тарскайдыын, П. А. Ойуунускайдыын «Русско-якутский термино-орфографический словарь» диэн бөдөҥ научнай үлэни суруйсубута.

«За доблестный труд в Великой Отечественной войне 1941—1945 гг.» мэдээл