Харастыҥы үөт
Харастыҥы үөт (лат. S. myrtiloides L., нууч. Ива черничная) — Саха сиригэр киэҥник тарҕаммыт талах.
Ареала
Арҕаа Польша уонна Германия сирдэриттэн илин Чуумпу акыйаан кытылыгар тиийэ үүнэр. Саха сиригэр уһук хоту сирдэриттэн ураты барытыгар баар[1].
Тас көстүүтэ
Биир миэтэрэттэн намыһах үрдүктээх талах, эбэтэр 0,4-0,5 м үрдүктээх сэппэрээк (кустарничек). Сэбирдэхтэрэ ньолбуһах, сымыыт курдук эбэтэр "таҥнары" сымыыт курдук көрүҥнээхтэр, 1-1,5 см уһуннаахтар, үрдэ сырдык от күөҕэ, маатабай.
Экологията
Элбэх сииктээх сирдэргэ, өрүстэр, үрэхтэр кытылларыгар, маардарга, аҕыйах мастаах тиит уонна бэм тыаларга үүнэр. Сырдыгы сөбүлүүр, буорга улахан таламаһа суох, элбэх сииги тулуйар.
Быһаарыылар
- ↑ Деревья и кустарники Якутии, П. Тимофеев, Бичик, 2003 ISBN 5-7696-1569-9
|
Бу ботаникаҕа сыһыаннаах сиппэтэх ыстатыйа. Көннөрөн уонна эбэн көмөлөһүөххүн сөп. |