Нуучча тылынанПартнёрдар бырайыактараАнал бырайыактар
Тас көрүҥүн уларытТылы уларыт
УРУБИИКИ ТУҺУНАН

Федотов Руслан Еремеевич

УРУБИИКИ иһигэр маннык араспаанньалаах дьон туһунан ыстатыйалар бааллар, көр Федотов.

Федотов Руслан Еремеевич (төр. 1956 сыл ахсынньы 4 күнэ, Төгүлтэ, Саха АССР) — урбаанньыт. Саха Өрөспүүбүлүкэтин Ил Түмэн VI ыҥырыытын дьокутаата (2018—2023).

Олоҕун олуктара

Руслан Еремеевич Федотов 1956 сыллаахха ахсынньы 4 күнүгэр Саха АССР Амма оройуонун Лээги нэһилиэгин Төгүлтэ сэл. төрөөбүтэ.

1974 сыллаахха В. Г. Короленко аатынан Амма орто оскуолатын бүтэрээт, комсомольскай путевканан «Амма» сопхуос Чакырдааҕы салаатыгар үлэтин саҕалаабыта. Сэбиэскэй аармыйа кэккэтигэр сулууспалаабыта.

1982 сыллаахха Өлүөхүмэтээҕи тыа хаһаайыстыбатын техникумун ситиһиилээхтик үөрэнэн бүтэрбитэ.

1982—1998 сс. «Амма» сопхуоска механигынан, биригэдьииринэн, кылаабынай инженеринэн, дириэктэри солбуйааччынан үлэлээбитэ.

1998 сылтан урбаанньыт.

2012 сылтан Руслан Федотов көҕүлээһининэн Амма улууһугар «Лээги кубога» эрэгийиэннэр икки ардыларынааҕы ат сүүрүүтэ ыытыллар.

2017 с. «Биир ньыгыл Арассыыйа» Бүтүн Арассыыйатаҕы бэлитиичэскэй баартыйа Саха сиринээҕи салаатын чилиэнэ[1].

2018 сыл балаҕан ыйын 9 күнүгэр буолбут быыбарга быыбардааччы 85,44 % куолаһын ылан СӨ Амма уонна Уус Маайа быыбардыыр биир мандаттаах уокуругуттан Ил Түмэн алтыс ыҥырыылаах мунньаҕар (2018—2023) дьокутаатынан талыллыбыта.

Саха Өрөспүүбүлүкэтин Ил Түмэн урбааҥҥа, туризмҥа уонна инфраструктура сайдыытыгар[2] итиэннэ тыа сиригэр уонна аграрнай бэлиитикэҕэ[3], ону тэҥэ билимҥэ, үөрэххэ, култуураҕа, сонуну киэҥник тарҕатар ситимнэргэ уонна уопсастыбаннай тэрилтэлэр дьыалаларыгар[4] сис кэмитиэттэрин чилиэнэ.

Наҕараадалара уонна ытык ааттара

  • Cаха Өрөспүүбүлүкэтин норуотун хаһаайыстыбатын үтүөлээх үлэһитэ (2011 с.)[5];
  • «Гражданскай килбиэн» анал бэлиэ (2003 с.);
  • Ил Дархан грамотата (2016 с.)[6];
  • Cаха Өрөспүүбүлүкэтин Бэрэсидьиэнин бириэмийэтэ «СӨ дьоҕус уонна орто урбааны сайыннарыыга кылаатын иһин» (2012 с.);
  • Cаха Өрөспүүбүлүкэтин тыатын хаһаайыстыбатын туйгуна (2011 с.);
  • Cаха Өрөспүүбүлүкэтин эргиэнин бочуоттаах үлэһитэ (2009 с.);
  • мэтээл «Арассыыйа идэлээх сойуустарын 100 сыла» (2004 с.);
  • Амма улууһун Ытык киһитэ (2011 с.);
  • Мэҥэ-Хаҥалас улууһун Ытык киһитэ;
  • Амма улууһун Бочуоттаах мецената;
  • РФ култууратын министиэристибэтин «Сыл бастыҥ мецената» анал аат хаһаайына (2016 с.);
  • «Саха сирин киэн туттуута» норуот бириэмийэтин «Бастыҥ урбаанньыт» номинациятын кыайыылааҕа (2018 с.);
  • СӨ Амма улууһун Амма, Чакыр, Майскай, Болугур, Амма-Наахара уонна Мэҥэ Хаҥалас I-кы уонна II-с Наахара нэһилиэктэрин Ытык киһитэ.

Быһаарыылар

  1. ↑ Федотов Руслан Еремеевич. Сигэнии күнэ: 23 Алтынньы 2025.
  2. ↑ Комитет по предпринимательству, туризму и развитию инфраструктуры. Сигэнии күнэ: 20 Алтынньы 2025.
  3. ↑ Комитет по селу и аграрной политике. Сигэнии күнэ: 23 Алтынньы 2025.
  4. ↑ Комитет по науке, образованию, культуре, средствам массовой информации и делам общественных организаций. Сигэнии күнэ: 20 Алтынньы 2025.
  5. ↑ Указ Президента РС(Я) от 1 декабря 2011 г. № 1083 «О награждении государственными наградами» за заслуги в области сельского хозяйства, вклад в социально-экономическое развитие республики и многолетний добросовестный труд. Сигэнии күнэ: 20 Алтынньы 2025.
  6. ↑ Указ Главы РС(Я) от 14 декабря 2016 г. № 1579. Сигэнии күнэ: 20 Алтынньы 2025.

Категориялар