Нуучча тылынанАнал бырайыактар
Тылы уларыт
УРУБИИКИ ТУҺУНАН

Федоров Петр Никифорович

Петр Никифорович Фёдоров — Хоро Бүөтүр (1950, Хоро нэһилиэгэ, Саха АССР) — Арассыыйа суруналыыстарын сойууһун чилиэнэ (1983), Саха Өрөспүүбүлүкэтин суруйааччыларын Сойууһун чилиэнэ (1992)

Олоҕун олуктара

1950 сыллаахха Үөһээ Бүлүү улууһун 2-с Хоро нэһилиэгэр төрөөбүтэ. «Бэлэм буол» хаһыакка маҥнайгы бэлиэтээһинэ 1962 с. тахсыбыта.

1976 сыллаахха СГУ саха салаатын бүтэрбитэ, 1975 с. бэчээккэ үлэтин саҕалаабыта. «Эдэр коммунист», «Сахаада» хаһыат эрэдээксийэлэригэр литературнай үлэһитинэн, салаа сэбиэдиссэйинэн, телевидение уонна араадьыйа кэмитиэтигэр, «Чуораанчык» сурунаалга эрэдээктэринэн үлэлээбитэ.

Кэлин Култуура министиэристибэтин «Ситим» коммерческай издательскай фирматын дириэктэринэн уонна сэбиэдиссэйинэн үлэлээбитэ[1].

Айар үлэтэ

Хоринскай «Ыраах суоллар ыҥыраллар» (1978), «Маҥнайгы хардыылар» (1985), «Тыыннаахтар умнубат сыллара» (1990) диэн кинигэлэр ааптардара, оҕолорго аналлаах «Дьоһун дьон буолуҥ» (1989) кинигэлээх.

Кэлин «Көмүс ардах» (1992), «Эһиги билэҕиэт», «Мин кынаттарбар эрэнэбин» (1992), «Умнуллубат сайын» (1993) диэн сэһэнэ тахсыбыта, кэлин ити кинигэ салгыытын суруйбута. «Буруйдаамаҥ дуу, миигин» диэн Сэргэлээх 1970-с сыллардааҕы ыччатын олоҕун-дьаһаҕын туһунан уус-уран айымньылаах.

1994 с. урукку өттүгэр сахалыы тылынан тахсыбыт оҕолорго аналлаах кинигэтэ «Будьте добрыми людьми» диэн ааттанан, А. Борисова тылбааһыгар күн сирин көрбүтэ. 1994 сыллаахха «Сүдү иэс төлөнөн сүтүллүө» кинигэтэ тахсыбыта[2].

Библиографията

  • Ыраах суоллар ыҥыраллар: очеркалар.— Дьокуускай, 1978.
  • Маҥнайгы хардыылар.— Дьокуускай, 1985.
  • Үтүө дьон буолуҥ.— Дьокуускай, 1989.
  • Тыыннаахтар умнубат сыллара.— Дьокуускай, 1990.
  • Көмүс ардах: сценкалар, монологтар, юмор, сатира.— Дьокуускай: Ситим, 1992.— 96 с.
  • Умнуллубат сайын: сэһэн.— Дьокуускай: Бичик, 1993.
  • Эһиги билэҕиэт?: «Чуораанчык» оҕо журналын геройдарыгар акростихтэр.— Дьокуускай: Ситим, 1993.— 16 с.
  • Сүдү иэс төлөнөн сүтүллүө /[ред. С. С. Лебедкин].- Дьокуускай: Ситим, 1994.- 67 с.: ил., портр.
  • Будьте добрыми людьми : рассказы для детей /Петр Хоро; пер. с якут. Альбина Борисова. — Якутск : Ситим, 1994. — 15, [1] c. : ил[3].

Быһаарыылар

  1. ↑ Федоров Петр Никифорович-Хоро Бүөтүр - Верхневилюйская МЦБС, Верхневилюйская МЦБС. Сигэнии күнэ: 5 Атырдьах ыйын 2026.
  2. ↑ Федоров Петр Никифорович-Хоро Бүөтүр - Верхневилюйская МЦБС, Верхневилюйская МЦБС. Сигэнии күнэ: 5 Атырдьах ыйын 2026.
  3. ↑ Федоров Петр Никифорович-Хоро Бүөтүр - Верхневилюйская МЦБС, Верхневилюйская МЦБС. Сигэнии күнэ: 5 Атырдьах ыйын 2026.

Категориялар