Нуучча тылынанАнал бырайыактар
Тылы уларыт
УРУБИИКИ ТУҺУНАН

Ушканов Дмитрий Дмитриевич

Дмитрий Дмитриевич Ушканов (төр. 1984 сыл алтынньы 15 күнэ, Ньурба, Саха АССР) — титуллаах саха кикбоксёра, муай-тай байыаһа. Таай бокс уонна ММА (ааҥл. Mixed Martial Arts — булкаас бойобуой ускуустубалар) тренера[1].

Биография

1984 сыл алтынньы 15 күнүгэр Ньурбаҕа төрөөбүтэ.

Оҕо сааһыгар көҥүл тустуунан дьарыктанара, Д. П. Коркин аатынан Чурапчы спорт оскуола-интернакка үөрэммитэ. Дьокуускай куорат ДЮСШ № 1 М. В. Валь салайыытынан бокска сылдьыбыта, өрөспүүбүлүкэ таһымыгар чемпион уонна призёр буолбута.

14 сааһыттан Андрей Васильевич Алексеев тренеры кытта кикбокс дьарыгын саҕалаабыта. 1999 сылтан «Мохсоҕол» (МСМК Алексей Юрьевич Уваров) спорт кулуупка таай боксунан дьарыктанан саҕалаабыта[2]. 2001—2003 сс. Марк Ионович Мельцер салайыытынан «Китэк» (Москва) спорт кулуупка эрчийбитэ.

Дьокуускайдааҕы тыа хаһаайыстыба техникумун (2001 с.) уонна Москватааҕы сервис уонна туризм судаарыстыбаннай университетын (2008 с.) бүтэрбитэ[1].

2014 сыллаахха дьиэ кэргэнин кытта Канаадаҕа Торонто куоракка көспүтэ[3].

Тренер быһыытынан

Дмитрий Ушканов UFC бөҕөһө Тайсон Гриффин тренера этэ[4].

Дмитрий Ушканов 2013 сыллаахтан Рауль Росас (нууч.) (сах. диэн бөҕөһү эрчиллиирэ[4].

Дьиэ кэргэнэ

Кэргэнэ Жанна Ушканова — «Мисс Виртуальная Якутия 2002» финалистката. Дьиэ кэргэҥҥэ икки кыыс оҕо төрөөбүтэ[3].

Наҕараадалара

  • Бразилия Джиу-Джитсу аан дойдутааҕы федерация (IBJJF) хараҥа кыһыл курун бас билээччитэ[5].

Кикбоксинг

  • СӨ эдэр уолаттар (1998) уонна юниордар (1999) ортолоругар чемпиона;
  • Аан дойдутааҕы «Кожаный фут» турнир чемпиона (Подольск, 2000);
  • WAKO Аан дойду чемпионатын үрүҥ көмүс призёра (Белград, Югославия, 2001);
  • WAKO Европа чемпиона (Италия, 2002).

Таай бокс

  • WMC барылынан таай бокс идэтийбиттэр ортолоругар Интерконтинентальнай чемпиона (Дьокуускай, 2001);
  • USKBA тустуу ускуустубаларга аан дойду чемпионатын кыайыылааччыта (Нью-Джерси, АХШ, 2004).

Култуураҕа

2003 сыллаахха Дмитрий Ушканов «Прекрасный боксер» диэн Тайлаан киинэтигэр Ямада оруолун оонньообута[4].

Быһаарыылар

  1. ↑ 1 2 В UFC 282 выступит ученик якутского тренера (рус.). https://sakhalife.ru. Сигэнии күнэ: 9 Балаҕан ыйын 2025.
  2. ↑ Партия поздравляет Дмитрия Ушканова - выдающегося якутского спортсмена, члена "Единой России" (рус.). https://yakut.er.ru. Сигэнии күнэ: 9 Балаҕан ыйын 2025.
  3. ↑ 1 2 Жанна Ушканова: «У нас есть, чем поделиться с миром» (рус.). https://exo-ykt.ru. Сигэнии күнэ: 9 Балаҕан ыйын 2025.
  4. ↑ 1 2 3 «Он с четырех лет тренируется». Тренер из Якутии взрастил самого юного бойца в истории UFC. https://sportyakutia.ru. Сигэнии күнэ: 9 Балаҕан ыйын 2025.
  5. ↑ Дмитрий Ушканов-младший – обладатель пурпурного пояса IBJJF (рус.). https://sportyakutia.ru/. Сигэнии күнэ: 9 Балаҕан ыйын 2025.

Категориялар