Нуучча тылынанАнал бырайыактар
Тылы уларыт
УРУБИИКИ ТУҺУНАН

Уваров Василий Петрович

В Рувики есть статьи о других людях с фамилией Уваров.

Василий Петрович Уваров (1948 сыл кулун тутар 19 күнэ, Эмис, Саха АССР) — Сэбиэскэй уонна Арассыыйа спортсмена, тренерэ; СССР спордун маастара, Саха АССР үтүөлээх тренерэ (1979), Саха Өрөспүүбүлүкэтин үтүөлээх тренерэ (Саха сирэ) (1998), Арассыыйа Бэдэрээссийэтин физическэй култууратын үтүөлээх үлэһитэ (2005)[1].

Олоҕо

Кулун тутар 19 күнүгэр 1948 сыллаахха Саха АССР Амма оройуонугар Эмис нэһилиэгэр (атын дааннайдарынан Бүтэйдээх сэлиэнньэтэ) төрөөбүтэ.

1965 сыллаахха Эмис аҕыс кылаастаах оскуолатын, онтон 1967 сыллаахха Чурапчытааҕы оскуоланы бүтэрбитэ. Көҥүл тустуунан оскуолаттан саҕалаан дьарыктаммыта, СССР үтүөлээх тренеригэр Д. П. Коркиҥҥа үөрэммитэ. Белоруссия ССР (1970, 1971, 1972) уонна Саха АССР (1975, 1976) чөмпүйүөнэ. Спортивнай олоҕун да бүтэрэн баран тустуунан салгыы дьарыктаммыта уонна бэтэрээн-маастардарга аан дойду чөмпүйүөнэ буолбута (1994, Рим).

1972 сыллаахха Василий Уваров Белоруссия физическэй култуураҕа Судаарыстабаннай институтун бүтэрбитэ (билигин Белоруссиятааҕы Судаарыстыбаннай физическэй култуура университета). 1972—1973 сылларга Амма оройуонун успуорка кэмитиэтин бэрэссэдээтэлэ. 1974—1976 сылларга Майа орто оскуолатын учуутала. 1976—1987 сылларга Майатааҕы оҕо уонна ыччат спортивнай оскуолатын тренерэ уонна дириэктэрэ. 1987 сыллаахха — көҥүл тустуу үрдүкү маастарыстыбатын Саха сиринээҕи оскуолатын үрдүкү тренерэ. 1998 сыллаахтан Василий Петрович — үрдүкү тренер быһыытынан үлэлиир, онтон Саха Судаарыстыбанаай Университетын (билигин Хотугулуу-Илиҥҥи Федеральнай Университет) тустууга кафедратын сэбиэдиссэйэ; доцент, педагогическэй наука кандидата. 2008 сыллахтан Архангельскай уобалас көҥүл тустууга сүүмэрдэммит хамаандатын кылаабынай тренерэ. Бүгүҥҥү күҥҥэ Мэҥэ Хаҥаластааҕы оҕо уонна ыччат спортивнай оскуолатын дириэктэрэ[2].

Тренердии сылдьар кэмигэр киэҥник биллэр спортсменнары, тустууктары иитэн таһаарбыта: Герман Контоев[3] — 2001 сыллааҕы аан дойду чемпиона, Артур Фёдоров[4] уонна Владимир Торговкин[5] — Олимпийскай оонньуулар кыттыылаахтара, Алексей Варламов уонна Петр Малардыров — норуоттар икки ардыларынааҕы кылаастаах спорт маастардара[1].

Наҕараадалара уонна ытык ааттара

  • «Үлэҕэ килбиэнин иһин» мэтээлинэн (1981) уонна Саха Өрөспүүбүлүкэтин (Саха сирэ) бырабыыталастабатын Бочуоттаах грамотытанан (2002) наҕараадаламмыта.
  • Саха Өрөспүүбүлүкэтин үөрэхтээһинин туйгуна (Саха сирэ) (1998).
  • Саха Өрөспүүбүлүкэтин XX үйэҕэ спорт сайдыытын лауреата.
  • Мэҥэ Хаҥалас (1995) уонна Амма (1998) улуустарын Бочуоттаах олохтооҕо.

Быһаарыылар

  1. ↑ 1 2 Уваров Василий Петрович. Сигэнии күнэ: 11 Сэтинньи 2025. Архивировано из оригинала 22 Балаҕан ыйын 2017 года.
  2. ↑ "Детско-юношеская школа по спортивной борьбе", Мегино-Кангаласский улус. Сигэнии күнэ: 11 Сэтинньи 2025. Архивировано из оригинала 29 Балаҕан ыйын 2017 года.
  3. ↑ Контоев Герман Степанович. Сигэнии күнэ: 11 Сэтинньи 2025. Архивировано из оригинала 22 Балаҕан ыйын 2017 года.
  4. ↑ «Полностью погружаюсь в схватку своего воспитанника. Это даже труднее, чем бороться самому». Сигэнии күнэ: 11 Сэтинньи 2025.
  5. ↑ Торговкин Владимир Гаврильевич. Сигэнии күнэ: 11 Сэтинньи 2025.

Сигэлэр

Категориялар