Нуучча тылынанАнал бырайыактар
Тылы уларыт
УРУБИИКИ ТУҺУНАН

Тымныы оҕуһа

«Тымныы оҕуһа» (нууч. «Бык холода») — «Тундра» анимация устуудьуйа ойуулуга.

Айыы устуоруйата

2022 сыл алтынньытыгар «Тундра» устуудьуйа олохтооччута Александр Охлопков Sinet Sakhawood куонкурус чэрчитигэр 2,5 мөлл. солкуобайга граны ылбыта[1].

2023 сыл муус устар 12 күнүгэр «Startup Tour 2023 CreativeTECH» куонкуруска ойуулук премьерата буолбута[2].

Сүжет

Ойуулук сүрүн дьоруойа — Айаал диэн 10 саастаах уол. Уол Бүөккэ диэн муус оҥоһуктары оҥорор оҕонньор кини учуутала буоларыгар баҕа санаалаах. Айаал оҕонньортон үөрэнэр, Тымныы оҕус туһунан остуоруйаны истэр. Уол утуйа сыттаҕына, түлүүгэр дьүкээбиллээх Тымныы оҕус көстөр. Айаал туран муус оҥоһугу гирлянданан киэргэтэргэ быһаарар. Ону киэргэтии кэмигэр оҥоһук төбөтүн алҕас алдьатар, ону оҕонньор көрөр. Уол оҥоһугу абырахтыыр, Бүөккэ оҕонньор кинини бырастыы гынар.

Оруоллары саҥалаабыттара

Артыыс Оруол
Айсен Диодоров Айаал
Петр Баснаев Оҕонньор
Анна Борисова Саргылана
Кристина Леонтьева Туйаара
Сандаара Сидорова, Амелия Ильина Дуора

Наҕараадалар

2023 сыл алтынньы 21 күнүгэр imagineNATIVE Film + Media Arts Festival киинэ-бэстибээлгэ «Indigenous Language Production Award!» номинацияҕа кыайбыта[3].

Быһаарыылар

Сигэлэр

«Tundra» анимация устуудьуйа VK-бөлөҕө. https://vk.com. Сигэнии күнэ: 13 Бэс ыйын 2025.

Категориялар