Нуучча тылынанАнал бырайыактар
Тылы уларыт
УРУБИИКИ ТУҺУНАН

Токарев Сергей Александрович

Токарев Сергей Александрович (1899 сыл ахсынньы 16 күнэ [28 күнэ], Тула[d] — 1985 сыл муус устар 19 күнэ, Москва) — сэбиэскэй этнограф, аан дойду норуоттарын (ол иһигэр сахалар) устуоруйаларын, этнографияларын уонна итэҕэллэрин чинчийбит учуонай. Саха АССР уонна РСФСР билимнэрин үтүөлээх үлэһитэ.

Олоҕун кэрчиктэрэ

1899 сыллаахха Тула куоракка төрөөбүт. 1918 сыллаахха гимназияны бүтэрэн баран учууталлаабыт.

1922—1925 сс. Москватааҕы судаарыстыбаннай университет уопсастыбаннай факультетын үөрэнэн бүтэрбит. Үөрэнэр сылларыгар, 1924—1926 сс., Губполитпросвет Киин бибилэтиэкэтигэр библиограбынан үлэлээбит, чааһынай уруоктары биэрэр эбит.

1926 сыллаахха устуоруйа институтун этнология салаатын аспирантуратыгар киирбит.

1927 сылтан — народоведение Киин түмэлигэр билим үлэһитинэн үлэлээбит (1932 сылтан — Хотугу сиэктэр сэбиэдиссэйэ).

1934 сыллаахха Саха сиригэр этнография эспэдииссийэтигэр кыттыбыт. 1935 сыллаахха устуоруйа билимин кандидат учуонай истиэпенин ылбыт, оттон 1940 сыллаахха «Общественный строй якутов в 17-18 вв.» диэн үлэтин көмүскээн устуоруйа билимин дуоктара буолбут.

1938 сылтан — Москва университетын этнография кафедратын профессора.

Сэрии саҕаламмытыгар эвакуацияҕа түбэһэн, 1941—1943 сс. Абакаҥҥа учууталлар институттарыгар устуоруйа кафедратын сэбиэдиссэйинэн үлэлээбит.

1943 сылтан ССРС БА Этнография институтугар Австралия, Океания, Америка сиэктэрдэрин сэбиэдиссэйинэн, 1957 сылтан Арҕаа Европа норуоттарын үөрэтэр салаа сэбиэдиссэйинэн анаммыт.

1961 сылтан Европа норуоттарын этнографиятын сиэктэрин салайбыт. Ону тэҥэ, 1956—1973 сс. диэри МГУ устуоруйа факультетын этнография кафедратын сэбиэдиссэйинэн үлэлээбит.

1985 сыллаахха муус устар 19 күнүгэр өлбүт. Москуба Введенскай кылабыыһатыгар көмүллүбүт[3].

Билим үлэлэрэ

  • Докапиталистические пережитки в Ойротии. М., ОГИЗ-Соцэкгиз, 1936.
  • Очерк истории якутского народа. М., Соцэкгиз, 1940.
  • Общественный строй якутов. Якутское гос. изд-во, 1945.
  • Религиозные верования восточнославянских народов XIX — начала XX века. М., Изд-во АН СССР, 1957.
  • Этнография народов СССР. Изд-во Моск. ун-та, 1958. Переведена на ит. язык — Tokarev Sergej A. URSS: popoli e costume. Bari, Editori Laterza, 1969.
  • Религия в истории народов мира. М., Политиздат, 1964. 2-е изд. М., Политиздат, 1965. 3-е изд. М., Политиздат, 1976. 4-е изд. М., Политиздат, 1986. 5-е изд. М., Республика, 2005. Переведена на разные языки.
  • Ранние формы религии и их развитие. М., Наука, 1964.
  • История русской этнографии. М., Наука, 1966.
  • Истоки этнографической науки. М., Наука, 1978.
  • История зарубежной этнографии. М., Высшая школа, 1978.
  • Religioni del mondo antico dai primitive ai celti. Milano, Teti, 1981.
  • Ранние формы религии. Сб. статей. М., Политиздат, 1990
  • Trieste 1946-47 nel diario di un componente sovietico della commissione per i confine italo-jugoslavi. Trieste, Del Bianco editore, 1995.
  • Избранное: теоретические и историографические статьи по этнографии и религиям народов мира. М., 1999[3].

Наҕараадалара уонна ытык ааттара

  • «1941-1945 сс. Аҕа дойду Улуу сэриитигэр килбиэннээх үлэтин иһин» мэтээл (1945);
  • Икки Үлэ Кыһыл Знамятын уордьана (10.06.1945; 29.12.1979);
  • Норуоттар доҕордоһууларын уордьана (1975);
  • ССРС Судаарыстыбыннай бириэмийэтэ (1987, өлбүтүн кэннэ) — 12 томнаах «Страны и народы» үлэтин иһин (1978—1985);
  • Н. Н. Миклухо-Маклай аатынан СССР БА бириэмийэтэ (1969) — «История русской этнографии» үлэтин иһин;
  • В. П. Волгин аатынан СССР БА бириэмийэтэ (1981);
  • РСФСР билимин үтүөлээх үлэһитэ;
  • Саха АССР билимин үтүөлээх үлэһитэ (1956)[3].

Быһаарыылар

  1. ↑ 1 2 Deutsche Nationalbibliothek, Staatsbibliothek zu Berlin, Bayerische Staatsbibliothek, Österreichische Nationalbibliothek Record #119485494 // Gemeinsame Normdatei (нем.) — 2012—2016.
  2. ↑ Brozović D., Ladan T. Sergej Aleksandrovič Tokarev // Hrvatska enciklopedija (хорв.) — LZMK, 1999. — 9272 с. — ISBN 978-953-6036-31-8
  3. ↑ 1 2 3 Токарев Сергей Александрович (рус.). Сигэнии күнэ: 9 Муус устар 2026.

Литература

  • Энциклопедия Якутии. том 1. 2000

Категориялар