Соколова Нюргуна Афанасьевна
Нюргуна Афанасьевна Соколова (төр. 1977 сыл алтынньы 27 күнэ, Улахан Муҥку, Саха АССР) — Арассыыйа судаарыстыбаннай диэйэтэлэ. Саха Өрөспүүбүлүкэтин үөрэҕириитин уонна билимин миниистирэ (2023 сэтинньи 27 күнүттэн).
Олоҕун олуктара
Нюргуна Соколова 1977 сыллаахха алтынньы 27 күнүгэр Өлүөхүмэ улууһун Улахан Муҥку сэлиэнньэтигэр төрөөбүтэ[1][2].
Үөрэҕэ
2001 сыллаахха М. К. Аммосов аатынан Саха судаарыстыбаннай университеты, 2023 сыллаахха Арассыыйа Федерациятын Бэрэсидьиэнин иһинээҕи Норуот хаһаайыстыбатын уонна судаарыстыбаннай сулууспа Арассыыйатааҕы академиятын бүтэрбитэ.
Үлэтэ
1997 сыл атырдьах ыйыттан 2002 сыл балаҕан ыйыгар диэри Дьокуускайдааҕы тутуу профиллаах техническэй кэллиэһин (Дьокуускайдааҕы политехническэй кэллиэс, Дьокуускайдааҕы судаарыстыбаннай инженернай-техническэй институт) производственнай үөрэхтээһинин маастара.
2002 сыл балаҕан ыйыттан 2011 сыл олунньутугар диэри Дьокуускайдааҕы судаарыстыбаннай инженернай-техническэй институт математика кафедратын старшай преподавателэ, методическай салаа начаалынньыга, үөрэх хаачыстыбатын салайар салаа начаалынньыга.
2011 сыл кулун тутарыттан 2011 сыл балаҕан ыйыгар диэри «Дьокуускайдааҕы тыа хаһаайыстыба техникума» ГОУ СПО салаатын начаалынньыгын солбуйааччыта.
2011 сыл балаҕан ыйыттан 2013 сыл бэс ыйыгар диэри Саха Өрөспүүбүлүкэтин Идэтийбит үөрэхтээһиҥҥэ, каадырдары бэлэмнээһиҥҥэ уонна аттаран туруорууга миниистирэстибэтин билим-методическай хааччыйыы уонна эбии идэтийбит үөрэхтээһин салаатын бастыҥ специалиһа, 2013 сыл бэс ыйыттан 2015 сыл тохсунньутугар диэри салайааччытын солбуйааччыта, онтон 2015 сыл ахсынньытыттан 2017 сыл олунньутугар диэри салайааччыта.
2015 сыл тохсунньутуттан 2015 сыл ахсынньытыгар диэри «Саха Өрөспүүбүлүкэтин Бэрэсидьиэнин иһинээҕи Салайыы института» эбии идэтийбит үөрэхтээһин судаарыстыбаннай бүддьүөт үөрэх тэрилтэтин Методическай хааччыйыы киинин дириэктэрэ.
2017 сыл олунньутуттан 2019 сыл тохсунньутугар диэри Саха Өрөспүүбүлүкэтин үөрэҕириитин уонна билимин миниистирэстибэтин идэтийбит орто үөрэхтээһин салаатын салайааччыта.
2019 сыл тохсунньутуттан 2020 сыл атырдьах ыйыгар диэри Саха Өрөспүүбүлүкэтин үөрэҕириитин уонна билимин миниистирин солбуйааччыта.
2020 сыл атырдьах ыйыттан 2021 сыл ыам ыйыгар диэри Саха Өрөспүүбүлүкэтин Бырабыыталыстыбатын Бэрэссэдээтэлин сүбэһитэ.
2021 сыл ыам ыйыттан 2023 сылга диэри Саха Өрөспүүбүлүкэтин Бырабыыталыстыбатын Бэрэссэдээтэлин сэкирэтэриээтин салайааччыта.
2023 сыл алтынньы 2 күнүттэн Саха Өрөспүүбүлүкэтин үөрэҕириитин уонна билимин миниистирин эбээһинэһин толорооччу. 2023 сыл сэтинньи 27 күнүгэр Саха Өрөспүүбүлүкэтин үөрэҕириитин уонна билимин миниистиринэн анаммыта[1].
