Сивцев Владимир Михайлович
Владимир Михайлович Сивцев (төр. 1984, Дьокуускай) — Арассыыйа судаарыстыбаннай деятелэ, Саха Өрөспүүбүлүкэтин тырааныспарка уонна суол хаһаайыстыбатыгар миниистирэ (2020 сыл муус устар 30 күнүттэн).
Олоҕун олуктара
Владимир Сивцев 1984 сыллаахха Дьокуускай куоракка төрөөбүтэ[1].
Үөрэҕэ
2006 сыллаахха Санкт-Петербургтааҕы судаарыстыбаннай инженернэй-экэниэмикэ университетын «Судаарыстыбаннай уонна муниципальнай салайыы» идэтин бүтэрбитэ.
2018 сыллаахха РФ Бэрэсидьиэнин иһинээҕи «Арассыыйа норуодунай хаһаайыстыбатын уонна судаарыстыбаннай сулууспа академиятын» (РАНХиГС) «Үп уонна кирэдьиит» идэтинэн бүтэрбитэ.
2023 сыллаахха М. К. Аммосов аатынан Хотугулуу-Илиҥҥи федеральнай университет Автодорожнай факультетыгар «Тутуу (автомобильнай суоллар)» бырагырааматынан идэтин үрдэтиммитэ[2].
Үлэтэ
2007—2011 сылларга Саха Өрөспүүбүлүкэтин Үпкэ министиэристибэтин бүддьүөт бэлиитикэтин салаатыгар бастыҥ, онтон сүрүн испэсэлииһинэн үлэлээбитэ.
2011—2012 сылларга Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччытын сэкирэтэрийээтигэр старшай референт дуоһунаһыгар үлэлээбитэ.
2012—2016 сылларга Саха Өрөспүүбүлүкэтин Үпкэ министиэристибэтин бүддьүөт департаменын салайбыта.
2016—2017 сылларга Арассыыйа Федерациятын Уһук Илин сайдыытыгар министиэристибэтин (Москуба к.) бүддьүөт былааннааһынын салаатын салайааччытынан үлэлээбитэ.
2017—2018 сылларга Саха Өрөспүүбүлүкэтин экэниэмикэтин миниистирин солбуйааччыта.
2018—2020 сылларга Саха Өрөспүүбүлүкэтин экэниэмикэтин миниистирин бастакы солбуйааччыта.
2020 сыл муус устар 30 күнүгэр Саха Өрөспүүбүлүкэтин тырааныспарка уонна суол хаһаайыстыбатыгар миниистиринэн анаммыта[2][1].