Нуучча тылынанАнал бырайыактар
Тылы уларыт
УРУБИИКИ ТУҺУНАН

Садовников Дмитрий Дмитриевич

Дмитрий Дмитриевич Садовников (төр. 1971 сыл алтынньы 20 күнэ, Налимскай[d], Саха АССР) — Арассыыйа судаарыстыбаннай диэйэтэлэ, 2021-2026 сс. Саха Өрөспүүбүлүкэтин Бырабыытыластыбатын бэрэссэдээтэлин бастакы солбуйааччыта.

2026 сыл от ыйын 21 күнүттэн — «Дьокуускай куорат» куорат уокуругун баһылыга.

Олоҕун олуктара

Дмитрий Садовников 1971 сыллаахха алтынньы 20 күнүгэр Орто Халыма Налимскай бөһүөлэгэр төрөөбүтэ.

Үөрэҕэ

2002 сыллаахха М. К. Аммосов аатынан саха судаарыстыбаннай университеты «Устуоруйа» идэтинэн, 2015 сыллаахха Арассыыйа Федерациятын бэрэсидьиэнин иһинээҕи норуот хаһаайыстыбатын уонна судаарыстыбаннай сулууспа Арассыыйатааҕы академиятын (нууч.) (сах. (РАНХиГС) «Судаарыстыбаннай уонна муниципальнай салайыы» хайысхатынан бүтэрбитэ.

Үлэтэ

1989 сылга «Алаһыай» совхоз үлэһитэ.

1989—1992 сыллардаахха Сэбиэскэй Аармыйа кэккэтигэр сулууспалаабыта.

1992 сылтан 1997 сылга диэри Сыбаатай учаастактааҕы балыыһа, интэриэнат хачыгаара.

2001—2002 сыллардаахха М. К. Аммосов аатынан Дьокуускайдааҕы судаарыстыбаннай университет Үөрэх-методическай салалтатын 1 категориялаах методиһа.

2002—2003 сыллардаахха Дьокуускайдааҕы судаарыстыбаннай университет студгородок дириэктэрин солбуйааччыта.

2003—2005 сыллардаахха Дьокуускай куорат «Ыччат үлэтин биржата» ГУП дириэктэрэ.

2005—2006 сыллардаахха «Дьокуускай куорат» куораттааҕы уокурук ыччат бэлиитикэтигэр, физическай култуураҕа уонна успуортка, туризмҥа салалтатын начаалынньыга.

2006—2012 сыллардаахха «Дьокуускай куорат» куораттааҕы уокурук Сайсарскай уокуругун дьаһалтатын салайааччыта.

2012—2018 сыллардаахха «Дьокуускай куорат» куораттааҕы уокурук баһылыгын бастакы солбуйааччыта.

2018 сылтан 2021 сылга диэри Саха Өрөспүүбүлүкэтин олох-дьаһах хомунаалынай хаһаайыстыбатын уонна энергетикатын миниистирэ.

2021 сылтан Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччыта[1].

2026 сыл от ыйын 20 күнүгэр Дьокуускай куорат Дууматын уочарат таһынан сиэссийэтигэр дьокутааттар улахан аҥардарын куоластааһынынан «Дьокуускай куорат» куорат уокуругун баһылыгынан талыллыбыта[2].

Ол сыл от ыйын 21 күнүгэр куорат баһылыгын быһыытынан инаугурацията ааспыта[3].

Наҕараадалара

  • Саха Өрөспүүбүлүкэтин өҥө оҥорор эйгэтин үтүөлээх үлэһитэ (2005)[4];
  • «Гражданскай килбиэн» бэлиэ[5].

Быһаарыылар

  1. ↑ Садовников Дмитрий Дмитриевич. https://er.ru. Сигэнии күнэ: 20 Олунньу 2026.
  2. ↑ Избранный мэр Якутска Дмитрий Садовников вступил в должность. ТАСС (21 От ыйын 2026). Сигэнии күнэ: 21 От ыйын 2026.
  3. ↑ Официальный информационный портал Республики Саха (Якутия) (рус.). Официальный информационный портал Республики Саха (Якутия) (21 От ыйын 2026). Сигэнии күнэ: 21 От ыйын 2026.
  4. ↑ Садовников Дмитрий Дмитриевич. https://14.mchs.gov.ru. Главное управление МЧС России по Республике Саха (Якутия). Сигэнии күнэ: 26 Олунньу 2026.
  5. ↑ Дмитрий Садовников: биография новоизбранного мэра Якутска, Yakutia.Info. Сигэнии күнэ: 21 От ыйын 2026.

Категориялар