Нуучча тылынанАнал бырайыактар
Тылы уларыт
УРУБИИКИ ТУҺУНАН

Розинская Полина Константиновна

Полина Константиновна Розинская (1912 сыл атырдьах ыйын 28 күнэ, Великая Лепетиха[d], Таврида күбүөрүнэ[d] — 2010 сыл балаҕан ыйын 3 күнэ, Исраил) — сэбиэскэй, арассыыйскай концертмейстер; омук, нуучча, сэбиэскэй уонна саха классика музыкатын тарҕатааччы, педагог, Саха АССР норуодунай артыыһа (1972).

Олоҕун олуктара

  • 1912 сыллаахха атырдьах ыйын 28 күнүгэр Украина Херсон уобалаһын Большая Лепотиха сэлиэнньэтигэр төрөөбүт.
  • 1926—1930 сс. — Херсон музыкально-профсоюзнай оскуолатыгар үөрэммит.
  • 1931 с. — П. И. Чайковскай аатынан Москватааҕы государственнай консерватория рабфагар В. И. Брюханов кылааһыгар үөрэнэ киирбит.
  • 1934 с. — Консерваторияны туйгуннук үөрэнэн бүтэрбит.
  • 1934—1940 сс. — П. И. Чайковскай аатынан Москватааҕы государственнай консерватория фортепиано факультетыгар В. А. Шацкес кылааһыгар үөрэммит.
  • Үөрэҕин бүтэрэн, Саха сиригэр үлэҕэ ыытыллыбыт, Саха национальнай драма тыйаатырыгар концертмейстерынан анаммыт. Бу кэмтэн ыла култуура араас тэрилтэлэригэр үлэлээбит — тыйаатырдар, телерадиокомитет, музыка училищета, өрөспүүбүлүкэтээҕи оҕо музыкальнай оскуолата.
  • 1946-1950 сылларга Өрөспүүбүлүкэтээҕи оҕо музыка оскуолатыгар уонна музыка тыйаатыр-устуудьуйатыгар үлэлээбит.
  • 1948-1987 сылларга, музыка-драма тыйаатырыгар үлэтин сэрэгэ, Дьокуускайдааҕы музыка училищетыгар педагогунан үлэлээбит, онно фортепиано салаатын салайбыт.
  • 1964 сылтан — бэтэрээннэр хуордарын уонна уус-уран коллективтар концертмейстердара.
  • 2008 сыллаахха оҕолоругар Израильга көспүт.
  • 2010 сыллаахха өлбүт[1][2][3].

Дьиэ кэргэнэ

Кэргэнэ - Всеволод Студенцов. Биэс оҕону төрөппүттэр.

Наҕараадалара уонна ытык ааттара

  • Саха АССӨ үтүөлээх артыыһа;
  • РСФСР үтүөлээх артыыһа (1962);
  • Саха АССӨ норуодунай артыыһа (1972);
  • икки «Бочуот Бэлиэтэ» уордьан (1958 уонна 1965).

Быһаарыылар

  1. ↑ Не стало Полины Розинской. Сигэнии күнэ: 16 Муус устар 2026.
  2. ↑ Высокое и прекрасное искусство Полины Розинской. Сигэнии күнэ: 16 Муус устар 2026.
  3. ↑ Полина Розинская уехала в Израиль.. Сигэнии күнэ: 16 Муус устар 2026.

Сигэлэр

Категориялар