Попов Степан Федотович

Попов Степан Федотович (1905, Дойду нэһилиэгэ) — Саха АССР оскуолаларын үтүөлээх учуутала, үрдүкү оскуола уонна РФ норуот үөрэхтээһинин туйгуна.

Биография

1905 сыллаахха Дойду нэһилиэгэр төрөөбүтэ. 1919 с. Дойду оскуолатыгар биир бастакынан киирэн, алта сыл үөрэммитэ. 1930 сыллаахха Иркутскай педагогическай үнүстүүтүгэр устудьуоннуур. 1935 с. сахалартан бастакы педагогическай билим хандьыдаата буолар. 1935—1975 сс. үрдүк үөрэхтээһин тэрилтэлэригэр үлэлиир: бастаан педагогическай үнүстүүккэ, ол кэннэ үнүбүрсүөккэ. 1948—1953 сс. педагогическай үнүстүүт дириэктэрэ. 1942—1975 сс. педагогика хаапыдыратын сэбиэдиссэйэ. Кини Саха Сирин үрдүнэн бастакы үрдүк үөрэхтээһин туһунан үлэ ааптара.

Педагогическай билим хандьыдаата, Саха АССР оскуолаларын үтүөлээх учуутала, үрдүкү оскуола уонна РФ норуот үөрэхтээһинин туйгуна, Дьокуускай уобаластааҕы комсомол тэрилтэтин Бочуот кинигэтигэр киирбитэ.

2019 сыллаахха Дойду нэһилиэк оскуолатыгар Степан Федотович аата иҥэриллибитэ.