Попов Пётр Иванович

Пётр Попов 1983 сыл кулун тутар 20 күнүгэр Уус Алдан улууһун Бороҕонугар төрөөбүтэ^[2].

2005 сыллаахха Москватааҕы судаарыстыбаннай экэниэмикэ, статистика уонна информатика университетын бүтэрбитэ^[3].

2006—2007 сылларга «БДО Юникон» САУо-ҕа (Москва) аудитор көмөлөһөөччүтүнэн уонна аудиторынан, 2008—2010 сылларга старшай аудитор уонна сүрүн аудитор үлэлээбитэ^[3].

2010—2012 сылларга «Геотехнология» НПК САУо-ҕа (Москва) ис хонтуруоллуур систиэмэҕэ кылаабынай исписэлиис дуоһунаһыгар үлэлээбитэ^[3].

2012 сыллаахха «Россельхозбаан» ААУо Саха Сирин эрэгийиэннээҕи филиалын бастакы экэнэмииһинэн, 2012—2013 сылларга сүрүн экэнэмиис быһыытынан үлэлээбитэ^[3].

2013 сыллаахха «ЯТЭК» ААУо, МСФО кылаабынай исписэлииһэ^[3].

2013 сыллаахха Уус-Алдан улууһун дьаһалтатыгар сүрүн исписэлииһинэн үлэлээбитэ. 2014—2018 сылларга Уус-Алдан улууһун дьаһалтатын үп салайыытын салайааччыта, онтон 2018—2022 сылларга улуус баһылыгын бастакы солбуйааччы дуоһунастарыгар үлэлээбитэ^[3].

2018 сыллаахха «экэниэмикэ магистра» идэтинэн Арассыыйа норуот хаһаайыстыбатын уонна судаарыстыбаннай сулууспа академиятын (нууч.) (сах. бүтэрбитэ^[2].

2022 сыл кулун тутар 23 күнүттэн 2023 сыл балаҕан ыйын 28 күнүгэр диэри Попов Саха Өрөспүүбүлүкэтин тыа хаһаайыстыбатын миниистирин бастакы солбуйааччы дуоһунугар үлэлээбитэ^[3].

Саха Өрөспүүбүлүкэтин Ил Дарханын 2023 сыл алтынньы 4 күнүнээҕи 46 №-дээх Ыйааҕынан СӨ экэниэмикэ миниистиринэн анаммыта^[3].

Үс оҕолоох^[4].