Подголов Александр Григорьевич
Подголов Александр Григорьевич (төр. 1962 сыл кулун тутар 29 күнэ, Дьокуускай) — Саха сирин бэлиитигэ. Саха Өрөспүүбүлүкэтин Ил Түмэнин II, IV уонна VII ыҥырыыларын Норуот дьокутаата. Саха Өрөспүүбүлүкэтин ыччат уонна ыал бэлиитикэтигэр миниистирэ (2013 сылга).
Олоҕун олуктара
1962 сыллаахха кулун тутар 29 күнүгэр Дьокуускайга төрөөбүтэ[1].
1985 сыллаахха Дьокуускайдааҕы радиотехника колледжын бүтэрбитэ[1].
1979—1980 сылларга Дьокуускайдааҕы АОПП оператор-сортировщик, ЛОРПга куруусчут.
1980—1982 Сэбиэскэй Аармыйа кэккэтигэр сулууспалаабыта[1].
1985—1987 сылларга Дьокуускайдааҕы радиоцентрга электромонтер, электромеханик[1].
1987—1988 сылларга 16 №-дээх СПТУга үөрэх маастара.
1988—1989 сылларга ЫБСЛКС Октябрьскай райкомун сэкэрэтээрэ, онтон 1989—1990 сылларга ЫБСЛКС Дьокуускай горкомугар инструктор.
1990—1995 АСП «Подросток» бэрэссэдээтэлэ.
1995—1998 сылларга Дьокуускай куорат Администрациятыгар ыччат уонна спорт салаатын салайааччыта.
1998—2003 сс. — Ил Түмэн дьокутаата.
2004—2005 сылларга ЯГОМО «Подросток» бэрэссэдээтэлэ.
2005—2006 сылларга МУ «Содействие» бэрэссэдээтэлэ.
2006 сылга Дьокуускай 12 №-дээх орто оскуолатын дириэктэрэ.
2008 сыл кулун тутарыгар Ил Түмэн дьокутаатынан талыллар.
2011 сыл ыам ыйын 17 күнүгэр Ыччыт бэлиитикэтин уонна спорт миниистиринэн анаммыта.
2013 сыл муус устарыгар Ыччат уонна ыал бэлиитикэтигэр миниистиринэн ананар. 2013 сыл бэс ыйын 6 күнүгэр дуоһунаһыттан ууратыллыбыт.
2013 сылтан 2014 сылга диэри Арассыыйаҕа Суут үлэһиттэрин Федеральнай сулууспатын Салалтатын 1-ы разрядтаах сүрүннүүр исписэлииһэ[1].
2014 сылтан 2019 сылга диэри «Дьокуускай куорат» оройуонун «Промсокуон уокурук управата» МКУ салайааччытын солбуйааччыта.
2020—2021 сылларга СӨ «Дьиэ кэргэни уонна ыччаты социальнай-психологическай өйөөһүн киинэ» ГБУ ыччаттыын үлэлиир исписэлииһэ[1].
2021 сылтан 2023 сылга диэри СӨ «Дьиэ кэргэни уонна ыччаты социальнай-психологическай өйөөһүн киинэ» ГБУ дириэктэрин солбуйааччыта[1].
2023 сыл балаҕан ыйын 25 күнүттэн Саха Өрөспүүбүлүкэтин Ил Түмэнин Бэрэссэдээтэлин солбуйааччыта — Саха Өрөспүүбүлүкэтин Ил Түмэнин байыаннай сулууспалаахтар, бойобуой дьайыылар бэтэрээннэрэ, патриоттуу иитии уонна уопсастыбаннай тэрилтэлэр VII ыҥырыытын уларыйбат кэмитиэтин бэрэссэдээтэлэ[1].
Наҕараадалар
- Саха Өрөспүүбүлүкэтин үөрэҕин туйгуна түөс бэлиэ;
- Саха Өрөспүүбүлүкэтин ыччат бэлиитикэтин туйгуна;
- «Саха сирэ Арассыыйа састаабыгар киирбитэ 370 сыла» ураты бэлиэ;
- «Саха сирэ Арассыыйа састаабыгар киирбитэ 375 сыла» ураты бэлиэ;
- Саха Өрөспүүбүлүкэтин Бэрэсидьиэнин, Саха Өрөспүүбүлүкэтин Бырабыыталыстыбатын, Саха Өрөспүүбүлүкэтин Ил Түмэнин, Дьокуускай куорат Бочуоттаах Грамоталара;
- Арассыыйа Федерациятын «Туһалааҕын иһин» үрүҥ көмүс мэтээлэ;
- «Гражданскай хорсун быһыы» диэн ураты бэлиэ[1].