Петров Николай Петрович

УРУБИИКИ иһигэр маннык араспаанньалаах дьон туһунан ыстатыйалар бааллар, көр Петров.

Петров Николай Петрович (Хатас — 1975) — колхоз-совхоз тутуутун бэтэрээнэ.

Биография

Хатаска төрөөбүтэ. Оскуолаҕа түөрт сыллаах оскуоланы бүтэрбитэ. Оҕо сааһыттан тыа хаһаайыстыбыга үлэлээбитэ. 1929 сыллаахха «Сайдыы тардыыта» табаарыстыба төрүттэммитэ, 1930 сыллаахха Каландарашвили аатынан колхозка уларыйбыта, онно кини тракторист онтон комбайнер быһыытынан үлэлээбитэ. 1935 сыллаахха атаҕын комбайҥа өлөрөн инбэлиит буолар. 1935 сылтан 1942 сылга диэри Дьокуускайга налоговай агент быһыытынан үлэлиир.

1942 сыллаахха Н. А. Каландарашвили аатын сүгэр колхоз бэрэссэдээтэлинэн анаммыта. Бэрэссэдээтэл быһыытынан 15 сылы быһа үлэлиир.

1942 сыллаахха сэрии кэмигэр Н. А. Каландарашвили аатын сүгэр колхоз судаарыстыбаҕа 891 кг эти, 31 835 кг туораҕы, 167 кг арыыны биэрбитэ.

1950 сыллаахха бэс ыйын 28 күнүгэр 296 нүөмэрдээх ыйааҕынан Ленин уонна Каландарашвили колхуостарыттан Ленин колхуоһа тэрилиммитэ. Бэрэссэдээтэл быһыытынан Николай Петрович Петров туруоруллубута.

Наҕараадалар

Ленин уордьана
Бочуот уордьана
«Аҕа дойду сэриитигэр 1941—1945 сс килбиэннээх үлэ иһин» мэтээл

Аатын үйэтитии

1997 сыллаахха кулун тутар 20 күнүгэр Хатас администрациятын баһылыгын ыйааҕынан Багарах микроройуонун уулуссата Петров Николай Петрович аатын сүгэр.

Литэрэтиирэ

Имена на улицах Якутска : (биобиблиографический справочник) / Окружная администрация города Якутска, Управление культуры и духовного развития городского округа «город Якутск» Муниципальное бюджетное учреждение "Централизованная библиотечная система городского округа «город Якутск», Информационно-библиографический отдел; [составители: Зедгенидзева А. Н., Иванова М. Н., Купоросова Т. И. и др. ; редакторы: Попова С. В., Иванова М. Н. ; руководитель проекта Тихонова Н. Н. ; вступительное слово главы ГО «город Якутск» Евгения Григорьева]. — Якутск : ЦГБ, 2002- . — 21 см. Вып. 4. — 4-е изд., перераб. — 2022. — 693 c. : портр. — 69 экз.