Нуучча тылынанАнал бырайыактар
Тылы уларыт
УРУБИИКИ ТУҺУНАН

Осипов Анатолий Павлович

УРУБИИКИ иһигэр маннык араспаанньалаах дьон туһунан ыстатыйалар бааллар, көр Осипов.

Осипов Анатолий Павлович (30.06.1954-2021). Төрөөбүт сирэ — Наахара, Сунтаар оройуона , Саха АССР.. Саха тѳрүт ыстаҥа кѳрүҥэр спорт I категориялаах судьуйата, «Саха тѳрүт ыстаҥа кѳрүҥэр бастыҥ тренер» номинацияҕа «Сахаада спорт» лауреата. III уонна V «Азия оҕолоро» Аан дойдутааҕы спорт оонньууларын чѳмпүйүѳннэрин иитэн таһаарбыт тренер.

Олоҕун олуктара

  • Сунтаардааҕы 2 №-х оскуолаҕа военругунан, Сунтаар 1 №-х орто оскуолатыгар саха тылын уонна физкультура учууталынан, «Урожай» ДСО бэрэссэдээтэлинэн, Сунтаардааҕы политехническэй лицейгэ физкультура учууталынан үлэлээн ааспыт.
  • Республикатааҕы «Зарница 83» күрэххэ Сунтаар 2 №-х оскуола оҕолоро IV миэстэ ылары ситиспиттэрэ.
  • 1999с. — «Бастыҥ кылаас салайааччы» өрөспүүбүлүкэтээҕи кылаас салайааччыларын күрэҕин улуустааҕы уонна Бүлүү бөлөх улуустар регионнааҕы туһумэхтэрин кыайыылааҕа, республикатааҕы туһүмэх дипломана[1]. Бу күрэхтэргэ А. П. Осипов уолаттары кытта үлэлиир «Урүҥ Уолан» программата улахан биһирэбили ылбыта.
  • Сунтаардааҕы А. И. Иванов аатынан РДЮСШОРга чэпчэки атлетикаҕа, атах оонньууларыгар тренеринэн үлэлээбитэ.
  • 2 оҕолоох. 3 сиэннээх.

Наҕараадалара

  • Саха Ѳрѳспүүблүкэтин үѳрэҕэриитин туйгуна.
  • ССРС тыа хаһаайыстыбатын Министерстибэтин социалистическэй күрэх туйгуна.
  • Саха Ѳрѳспүүблүкэтитн физическэй культура уонна оспуорт туйгуна.
  • Рассыыйа Федерациятын уопсай үѳрэхтээһин бочуоттаах үлэһитэ.
  • Үлэ бэтэрээнэ.
  • «Физическай култуура сайдыытыгар кылаатын иһин» мэдээл хаһаайына.
  • «III Аан дойдутааҕы „Азия оҕолоро“ оньууларын чемпионнарын иитэн таьаарытын» мэдээл хаһаайына.
  • «V Аан дойдутааҕы „Азия оҕолоро“ ооньууларын чемпионнарын иитэн таьарбытын иһин» мэдээл хаһаайына.
  • «В. Манчаары аатынан Модун» спорт тѳрүт оонньууларын киинин мэдээлин хаһаайына.

Аатын үйэтитии

  • 2022 сыл балаҕан ыйын 24 күнүгэр Осипов А. П. кэриэһгэр Ѳрѳспүүблүкэтээҕи саха тѳрүт ыстаҥа кѳрүҥэр күрэх ыытылынна.

Сигэлэр

  • Книга педагогической славы Сунтарского улуса / Упр. Образования Сунтара. Улуса. Информ.-метод. Центр Сунтар. Упр. Образования; редкол.: П. А. Потапов и др. — Якутск : ОАО "Медиа-холдинг «Якуитя», 2010. — 240 с. (147 с.)
  1. ↑ Первая улусная школа Якутиидокументы, фотографии, воспоминания о ССОШ № 1 имени А. П. Павлова (1862—2012)/ МБОУ «Сунтарская СОШ № 1 имени А. П. Павлова»; [сост. А. С. Матвеев и др; гл.ред. З.И.Игнатьева]. — Якутск: Компания «Дани Алмас», 2012. — 369 с.

Категориялар