Николаев Игнатий Филиппович

УРУБИИКИ иһигэр маннык араспаанньалаах дьон туһунан ыстатыйалар бааллар, көр Николаев.

Николаев Игнатий Филиппович (1870—1970) — Бүлүү улууһун КОБ чилиэнэ, Баппаҕаайы нэһилиэгин кинээһэ.

1870 сыллаахха кэлин Баппаҕаайы нэһилиэгин бастакы кинээһэ буолбут Бадык Силип кэргэнигэр Билинни Илбэҥэ сиригэр төрөөбүтэ. Бастакы ойоҕо Даарыйаттан 5 оҕоломмута: Тимофеев Семен Игнатьевич, Николаев Федот Игнатьевич, Николаева Анна Игнатьевна (Ноотуун), иккис ойоҕо Николаева Анна Петровнаттан 16 оҕо төрөөбүтүттэн 3 оҕо улааппыт: Николаева Варвара Игнатьевна (1930), Николаева Евдокия Игнатьевна (1933), Николаев Василий Игнатьевич (1938).

1917 сыл кулун тутар 18 күнүгэр Бүлүү улууһугар КОБ тэриллэр, онно Николаев Баппаҕаайы нэһилиэгиттэн чилиэнинэн, кэмитиэт президиумун чилиэнинэн талыллар. Онтон 7 ый буолан баран Булуу земствота тэриллэр, манна гласнайынан талыллар. Аны Баппагаайы нэһилиэгэр земство бэрэстээтэлинэн талыллыбыт.