Мухоплева Светлана Дмитриевна
Мухоплева Светлана Дмитриевна — тыл үөрэҕин билимнэрин кандидата, доцент, Билим Академиятын Сибиирдээҕи салаатын бэтэрээнэ.
Олоҕун олуктара
- 1958 сыллаахха сэтинньи 10 күнүгэр Саха АССР Ньурба улууһун Сүлэ нэһилиэгэр төрөөбүт;
- 1980 с. — Саха государственнай университетын бүтэрбит;
- 1980—1981 гг. — Тойбохой оскуолатыгар саха тылын уонна литературатын учуутала;
- 1982 с. — ССРС БА СС Дьокуускайдааҕы филиалын лаборана;
- 1982—1985 сс. — А. М. Горькай аатынан литература Институтун аспирана;
- 1986—1991 сс. — ТЛИ Институтун младшай научнай үлэһитэ;
- 1989 с. — филология билимин кандидатыгар «Якутские народные обрядовые песни: Система жанров» тиэмэҕэ суруйбут диссертациятын ситиһиилээхтик көмүскээбит;
- 1991—1992 сс. — научнай үлэһит;
- 1993—1994 сс. — старшай научнай үлэһит;
- 1995—1998 сс. — А. М. Горькай аатынан литература Институтун докторана;
- 1998—2004 сс. — гуманитарнай чинчийии Институтун олоҥхоҕо салаатын сэбиэдиссэйэ;
- 2004 сылтан — старшай научнай үлэһит;
- 2002—2019 сс. — «Саха боотурдара» 21 томнаах Саха сирин олоҥхоһуттарын олоҥхолоро киирбит кинигэ сиэрийэтин оҥорон таһаарарга үлэлээбит (филология билимин докторын, профессор Василий Илларионовы уонна филология билимин хандьыдаатын Лена Семенованы кытта);
- 2020 с. — Ойуунускай аатынан Судаарыстыбаннай бириэмийэ лауреата буолбут[1].
С. Д. Мухоплева саха фольклорун чинчийэр, 40-тан тахса научнай үлэ ааптара[2].
Сүрүн үлэлэрэ
- Якутские народные обрядовые песни: Система жанров (Новосибирск, 1993), монография;
- Сборник по якутскому шаманизму «Ойуун» (В 3 частях. — Якутск, 1993) в соавторстве с Л. Ф. Рожиной;
- Народные термины кругового танца в первых словарях якутского языка. Круговые танцы народов Евразии: актуальные вопросы изучения, сохранения, укрепления традиций. — Якутск : Издательский дом СВФУ, 2024[2].